ایماترا

آزاد دائرۃ المعارف، ویکیپیڈیا سے

ایماترا نامی شہر مشرقی فن لینڈ میں روسی سرحد کے نزدیک تین صنعتی علاقوں کے قریب 1948 میں بسایا گیا تھا۔ 1971 میں اسے شہر کا درجہ دیا گیا۔

ایماترا میں جھیل سائیما، وُواوکسی دریا اور روسی سرحد کو اہمیت حاصل ہے۔

روسی سرحد کے دوسری جانب ایماترا سے سات کلومیٹر پر روسی قصبہ سویتوگورست واقع ہے۔ ایماترا کے جنوب مشرق میں ۲۱۰ کلومیٹر پر سینٹ پیٹرزبرگ واقع ہے۔ فن لینڈ کا دارلحکومت ہلسنکی یہاں سے ۲۳۰ کلومیٹر جبکہ قریب ترین فنّش شہر لپین رنتا ۳۷ کلومیٹر دور ہے۔ ایماترا فن لینڈ کے صوبے جنوبی فن لینڈ میں واقع ہے اور جنوبی کاریلیا کے علاقے کا حصہ ہے۔

اہم آجرین میں لکڑی کے گودے اور کاغذ کی صنعتیں، ایماترا کا قصبہ اور سٹیل انجینیرنگ مینوفیکچرر کے علاوہ فنّش بارڈر گارڈ شامل ہیں۔ اکتوبر ۲۰۰۳ میں ۱۲۳۴۲۳ ملازمتیں تھیں۔ دسمبر ۲۰۰۴ میں ایماترا کے قصبے کے ملازمین کی تعداد ۱۸۶۸ تھی۔

۲۴ اپریل ۲۰۱۷ میں ایماترا کا میئر رامی ہاسو تھا۔

تاریخ[ترمیم]

ایماترا کا سرکاری ہوٹل (ایماتران والتیون ہوتیلی) یہاں ۱۹۰۳ میں سینٹ پیٹرز برگ کے سیاحوں کے لیے بنایا گیا تھا۔

جاری جنگ کے دوران کارل گستاف ایمل مینرہیم نے اپنی ۷۵ویں سالگرہ پر اڈولف ہٹلر سے ایماترا کے قریب خفیہ ملاقات کی تھی۔

ایماترا ۱۹۴۸ میں تین بلدیات یاسکی، رُوکالاہتی اور یوتسینو کے انضمام سے وجود میں آیا۔ سرمائی جنگ کے بعد جب فن لینڈ نے سوویت یونین کو ۱۱ فیصد زمین دینے کا فیصلہ کیا تو یاسکی کے رقبے کا ۸۵ فیصد حصہ سوویت یونین کے پاس چلا گیا اور طے ہوا کہ باقی ماندہ ۱۵ فیصد یاسکی، رُوکالاہتی اور یوتسینو کے کچھ حصوں کو ملا کر ایماترا کی بلدیہ بنا دی جائے۔ ایماترا کے سرکاری نشان پربجلی کے تین نشان ہیں جو ان تین سابق بلدیات کو ظاہر کرتے ہیں۔۱۹۷۱ میں ایماترا کو بلدیہ کا درجہ ملا۔

کھیل[ترمیم]

پاسا بینڈی ایماترا کا بینڈی کلب ہے۔

ایماترا میں نیشنل ہاکی لیگ کے کھلاڑی یُسّی مارکّانین اور پیّتیری نوکےلائینن پیدا ہوئے ہیں۔

موٹر سپورٹس کی تاریخ میں ایماترا کو ۱۹۶۳ تا ۱۹۸۶ کی روڈ ریس (سابقہ ٹی ٹی ریس) سے شہرت ملی ہے۔ ۱۹۶۲ تا ۱۹۸۲ میں فنّش موٹر سائیکل گرانڈ پری  ایماترا کے روڈ سرکٹ میں منعقد ہوتی رہی ہے اور اس کا اختتام ۱۹۸۶ کی یورپی چیمپین شپ کے دوران ہونے والے مہلک حادثے پر ہوا۔ ۲۰۱۶ میں ریسنگ پھر سے شروع ہو گئی جسے انٹرنیشنل روڈ ریسنگ چیمپین شپ کا نام دیا گیا۔


نگار خانہ[ترمیم]