بینو قادر ٹرافی

بینو قادر ٹرافی

ممالک	آسٹریلیا پاکستان
منتطم	انٹرنیشنل کرکٹ کونسل کرکٹ آسٹریلیا پاکستان کرکٹ بورڈ
فارمیٹ	ٹیسٹ کرکٹ
پہلی بار	2021–22ء (پاکستان)
تازہ ترین	2023–24ء (آسٹریلیا)
فارمیٹ	ٹیسٹ سیریز
ٹیموں کی تعداد	2
موجودہ فاتح	آسٹریلیا (دوسرا)
زیادہ کامیاب	آسٹریلیا (2)
اہلیت	آئی سی سی عالمی ٹیسٹ چیمپئن شپ
زیادہ رن	عثمان خواجہ (716)
زیادہ ووکٹیں	پیٹ کمنز (31)
ٹی وی	براڈکاسٹروں کی فہرست

بینو قادر ٹرافی ایک ٹیسٹ کرکٹ سیریز ہے جو آسٹریلیا اور پاکستان کرکٹ ٹیموں کے درمیان کھیلی جاتی ہے۔ اس کا آغاز مارچ 2022ء میں آسٹریلیا کے دورہ پاکستان کے دوران کیا گیا تھا۔ ٹرافی کا نام رچی بیناؤڈ اور عبدالقادر کے نام پر رکھا گیا ہے، جو دونوں اپنی اپنی قوموں کے لیے شاندار کرکٹ کھلاڑی اور لیگ اسپن باؤلنگ کے ماہر تھے۔ دونوں ممالک کبھی کبھار زبردست کرکٹ دشمن ثابت یویے ہے۔ کرکٹ آسٹریلیا (سی اے) اور پاکستان کرکٹ بورڈ (پی سی بی) کے درمیان طے پانے والے معاہدے کے تحت 2022ء سے دونوں ٹیموں کے درمیان تمام دوطرفہ ٹیسٹ سیریز بینو قادر ٹرافی کے تحت کھیلی جائیں گی۔ یہ دورے آئی سی سی فیوچر ٹورز پروگرام کے تحت طے کیے جائیں گے اور یہ آئی سی سی ورلڈ ٹیسٹ چیمپئن شپ کا حصہ ہوں گے۔

پس منظر

بائیں: رچی بیناؤڈ۔ دائیں: عبدالقادر۔

1956ء سے 2019ء تک آسٹریلیا اور پاکستان کے درمیان بینود قادر ٹرافی سے پہلے کھیلی گئی تمام ٹیسٹ سیریز میں 63 سال کی مدت شامل ہے۔ آسٹریلیا اور پاکستان نے 25 ٹیسٹ سیریز میں ایک دوسرے کے خلاف مقابلہ کیا، جس میں آسٹریلیا نے 13 جیتے، پاکستان نے سات جیتے اور پانچ ٹیسٹ سیریز ڈرا پر ختم ہوئیں۔ ٹیسٹ میچز کی بات کی جائے تو دونوں ٹیموں نے کل 66 بار ایک دوسرے کے خلاف میچ کھیلے جن میں سے آسٹریلیا نے 33 میچ جیتے، پاکستان نے 15 میچ جیتے اور 18 میچ ڈرا ہوئے۔ دونوں ٹیموں کے درمیان پہلا ٹیسٹ میچ اکتوبر 1956 میں کراچی میں کھیلا گیا تھا جو پاکستان نے نو وکٹوں سے جیتا تھا۔