جمعیت علمائے پاکستان

آزاد دائرۃ المعارف، ویکیپیڈیا سے
Jump to navigation Jump to search

جمعیت علمائے پاکستان (انگریزی : Jamiat Ulema-e-Pakistan) پاکستان کی ایک سیاسی و مذہبی جماعت ہے۔ اس جماعت کا تعلق اہل سنت وجماعت سے ہے۔ اور یہ سواد اعظم کی نمائندہ ہونے کی دعوے دار ہے۔

بنیاد[ترمیم]

اس کی بنیاد 1948 میں غزالی زماں علامہ احمد سعید کاظمی کی تحریک پر قیام پاکستان سے پہلے والی "آل انڈیا سنی کانفرنس" کے تمام قائدین اور کارکنان کو مجتمع کر کے رکھی گئی۔

تشکیل نو[ترمیم]

پاکستان کے سابق صدر جنرل ایوب خان کے دور حکومت میں جمیعت علما پاکستان کے مختلف چھ سے زائد ٹکڑے ہو چکے تھے۔1970 میں علامہ محمود احمد رضوی اور شیخ القرآن علامہ غلام علی اوکاڑوی نے مفتی اعظم پاکستان سید ابو البرکات احمد کی سرپرستی میں تمام دھڑوں کو اکٹھا کیا اور علامہ محمود احمد رضوی متققہ طور پر کنونئر مقرر ہوئے اور مرکزی جمیعت علما پاکستان کے نام سے پہلی بار انتخابات 1970 میں حصہ لیا۔

1970 کے انتخابات[ترمیم]

جمیعت نے 1970ء کے پہلے عام انتخابات میں مرکزی جمعیت علما پاکستان کے نام سے حصہ لیا۔ قومی اسمبلی کی 4 پنجاب اور 3 سندھ کل 7 نشستوں سے کامیابی حاصل کی۔ ان میں تین ارکان حکومت میں شامل ہو گئے اور باقی ارکان حزب اختلاف میں رہے۔ صوبائی اسمبلی کی 4 پنجاب اور 7 سندھ سے جیتیں۔ قومی اسمبلی میں مولانا شاہ احمد نورانی جمعیت کے پارلیمانی لیڈر تھے جو حزب اختلاف کی طرف سے ذولفقار علی بھٹو کے مقابلے میں وزیر اعظم کے امیدوار نامزد ہوئے۔

توڑ پھوڑ[ترمیم]

ایک وقت ایسا آیا اس کے دو حصے ہو گئے ٭ جمعیت علمائے پاکستان، نورانی ٭ جمعیت علمائے پاکستان، نیازی

جمیعت کے ایک قائد مولانا عبد الستار خان نیازی نے جمعیت علمائے پاکستان، نیازی ایک علاحدہ دھڑا بنایا اور حکومتی اتحاد میں شامل ہو گئے۔ وہ وفاقی وزیر برائے مذہبی امور بن گئے۔ اور باقی ماندہ جمیعت جمعیت علمائے پاکستان، نورانی کہلانے لگی۔

متحدہ مجلس عمل[ترمیم]

جمیعت علما پاکستان کے قائد مولانا شاہ احمد نورانی کی کوششوں سے 2002ء میں سابق آمر پرویز مشرف کے مسلم لیگ قاف کے مقابلے میں ایک اسلامی اتحاد "متحدہ مجلس عمل" کا قیام عمل میں آیا۔ یہ اتحاد "ایم ایم اے" کے عنوان سے معروف ہوا۔ متحدہ مجلس عمل نے گزشتہ پاکستانی قومی اسمبلی کے انتخابات 20 اکتوبر 2002ء میں،272 سیٹوں میں سے 53 سیٹیں 11.3 فی صد مقبول ووٹ سے کامیابی حاصل کی۔

2013 کے انتخابات[ترمیم]

جمعیت علمائے پاکستان، نورانی گروپ نے کے ساتھ اپنا سیاسی سفر جاری رکھا۔ 11 مئی 2013 کے الیکشن میں جمیعت کو بدترین ناکامی کا منہ دیکھنا پڑا۔ 15 مئی 2013 کوجمیعت کے جنرل سیکرٹری علامہ قاری زوار بہادر اپنے عہدے سے مستعفی ہو گئے۔ اور انہوں نے ناکامی کی ذمہ داری قبول کی۔

بیرونی حوالہ جات[ترمیم]

٭ انتخابات میں شکست، جے یو پی کے سیکرٹری جنرل علامہ قاری زوار بہادر کا مستعفی ہونے کا اعلان