صارف:Veritasphere

کچھ اردو کے بارے میں

اردو ہمیشہ فارسی رسم الخط میں تحریر کی جاتی رہی ہے، تاہم بعض لوگ رومن اور دیوناگری رسم الخط کے بھی حامی رہے ہیں۔ اس حوالے سے ہندوستانی شاعر سرفراز بزمی کا ایک نہایت پُراثر قطعہ یوں ہے:

سوداگرانِ شعر و ادب، تاجرانِ حرف		رومن تمہیں عزیز تمہیں ”ناگری“ پسند
اردو کا خط ہے اصل میں اس کا حسیں لباس		ہے ”ریختہ“ کا حُسن خطِ ریختہ میں بند

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

حوالہ جات

ہمارا صارف نام

Veritasphere (ویریٹاسفیئر) کا مطلب ہے حقیقی (معلومات) کا حلقہ ایک ایسی جگہ جہاں بات صرف تحقیق، حوالوں اور درست معلومات کی ہو۔ یہی وہ راستہ ہے جس پر ہم ویکیپیڈیا میں علم بانٹنے اور سیکھنے کے لیے چل رہے ہیں۔

اردو اعداد میں غلط نگاری

حمید احمد خاں لکھتے ہیں:

غلط نگار حضرات کی ایک اور عام عادت ”اٹھارھویں“ کو ”اٹھارویں“ لکھ ڈالنا ہے۔ لیکن اس طریقے پر اگر ہم ”سترھویں“ کو ”سترویں“ لکھ جائیں تو بتائیے اردو میں seventeenth اور seventieth کا فرق کس طرح دکھایا جائے گا؟ لکھنے کی عام غلطیاں اس قدر زیادہ ہیں کہ سب کا شمار اس مختصر تقریر میں نہیں کرایا جا سکتا۔

حوالہ جات