صفیہ فرکاش

صفیہ فرکاش
(عربی میں: صفية فركاش)
معلومات شخصیت
پیدائش	سنہ 1952ء (عمر 71–72 سال)  البیضاء
شہریت	لیبیا
شریک حیات	معمر القذافی (10 ستمبر 1970–20 اکتوبر 2011)
اولاد	سیف الاسلام قذافی ،  عائشہ قذافی ،  ساعدی قذافی ،  معتصم قذافی ،  خمیس قذافی ،  ہانیبال معمر قذافی ،  سیف العرب قذافی
مناصب
خاتون اول
برسر عہدہ 10 ستمبر 1970  – 20 اکتوبر 2011
در	لیبیا
عملی زندگی
پیشہ	نرس

صفیہ فرکاش قذافی (پیدائش: 2 مئی 1952ء) لیبیا کی ایک کاروباری خاتون ہیں۔ وہ لیبیا کے سابق رہنما معمر قذافی کی بیوہ، لیبیا کی سابق خاتون اول اور سرتے کی نمائندہ اور معمر قذافی کے 8 حیاتیاتی بچوں میں سے سات سیف الاسلام قذافی، عائشہ قذافی، ساعدی قذافی، معتصم قذافی، خمیس قذافی، ہانیبال معمر قذافی، سیف العرب قذافی کی ماں ہیں، جن میں سے کچھ نے ان کے خاندان کی حکومت میں حصہ لیا تھا۔

ابتدائی زندگی

صفیہ فرکاش کی اصل کے بارے میں دو مختلف کہانیاں ہیں۔ ایک یہ ہے کہ صفیہ فرکاش کا تعلق مشرقی لیبیا کے بارسا قبیلے سے ہے اور وہ بیڈا میں پیدا ہوئی تھی اور اس نے نرس کی تربیت حاصل کی تھی۔ دوسری کہانی یہ ہے کہ صفیہ فرکاش کا تعلق موستر بوسنیا اور ہرزیگووینا سے ہے جہاں وہ ہنگری کے والدین کے ہاں "زوفیا فرکاس" کے طور پر پیدا ہوئی تھی۔

ذاتی زندگی

صفیہ فرکاش معمر قذافی سے اس وقت ملی جب وہ 1970ء میں ہسپتال میں داخل ہوئے اور اپینڈیسائٹس کا علاج کیا گیا۔ اسی سال طرابلس میں شادی کے بعد وہ اس کی دوسری بیوی بن گئی۔ معمر قذافی کے ساتھ صفیہ فرکاش کے 7 حیاتیاتی بچے اور 2 گود لیے ہوئے بچے ہیں۔ اس خاندان کی بنیادی رہائش باب العزیزیہ فوجی بیرکوں میں تھی جو طرابلس کے جنوبی مضافات میں واقع ہے۔

کاروبار اور دیگر سرگرمیاں

قذافی سے اپنی شادی کے ابتدائی عرصے کے دوران صفیہ فرکاش نے کم پروفائل رکھا تاہم 2009ء میں لاکربی بمبار عبد الباسط علی المگرہی کے لائسنس پر رہائی کے بعد، اس نے زیادہ عوامی پروفائل اختیار کیا۔ اس نے 1969ء کے انقلاب کی برسی منانے کے لیے مقامی میڈیا کے ذریعے ایک پارٹی کا اہتمام کیا جواس کے شوہر کو اقتدار میں لانے کا سبب بنی اس نے 2010ء میں خواتین پولیس طالبات کی گریجویشن میں بھی شرکت کی۔