مادھوری دکشت

مادھوری دکشت
(ہندی میں: माधुरी दीक्षित)
معلومات شخصیت
پیدائش	15 مئی 1967 (54 سال)  ممبئی
شہریت	بھارت
تعداد اولاد	2
عملی زندگی
پیشہ	فلم اداکارہ
پیشہ ورانہ زبان	ہندی
اعزازات
فنون میں پدم شری  (2008)
ویب سائٹ
ویب سائٹ	باضابطہ ویب سائٹ
	IMDB پر صفحہ

مادھوری دکشت (پیدائش 15 مئی 1967ء) جو اپنے ازدواجی نام مادھوری دکشت نینے سے بھی جانی جاتی ہے، بھارتی اداکارہ، پروڈیوسر اور ٹیلی ویژن کی شخصیت ہے۔ مادھوری 1980ء، 1990ء کی دہائیوں کے اواخر اور 2000ء کی دہائی کے اوائل کی بھارتی فلم کی صف اوّل کی مشہور ترین اور سب سے زیادہ معاوضہ لینے والی اداکاراوں میں سے ہے۔ اسے اس کی اداکاری اور رقص کی صلاحیتوں کی بنا پر بے حد سراہا جاتا رہا۔ مادھوری نے اپنے فنی سفر کے دوران میں بے شمار اعزازات حاصل کیے جن میں 2008ء کے چھ فلم فیئر ایوارڈ بھی شامل ہیں۔ بھارتی سرکار نے مادھوری کو ریاست کے چوتھے بڑے سول اعزاز پدما شری سے نوازا۔

مادھوری نے 1984 میں اپنی اداکارانہ زندگی کا آغاز “ابودھ” ڈراما سے کیا لیکن اسے حقیقی شہرت 1988 میں بننے والی ایکشن رومانوی فلم “تیزاب” سے ملی۔ اور اس کے بعد وہ شہرت کے زینے چڑھتی بالی وڈ کی قابل ذکر فلم کمپنیوں کی فلموں میں مرکزی کردار کرتی چلی گئی۔

ابتدائی زندگی

مادھوری 15 مئی 1967 کو بھارت کے شہر بمبئی (موجودہ ممبئی) میں مہاراشٹر کے ایک مراٹھی برہمن خاندان میں پیدا ہوئی ۔ مادھوری کے باپ کا نام شنکر دکشت اور ماں کا نام سنہلتا دکشت ہے۔ مادھوری کے دو بڑے بھائی اور ایک بڑی بہن ہے ۔

مادھوری کو تین سال کی عمر سے ہی رقص سے بہت لگاؤ تھا اور وہ آٹھ برس مسلسل کتھک رقص سیکھتی رہی اور ایک عرصہ دراز تک محنت کرنے کے بعدوہ ایک ماہر کتھک رقاصہ بن گئیں ۔ مادھوری کا کہنا تھا کہ

رقص نے انھیں کامیابی اور اہمیت کا احساس دلایا۔

اندھیری میں ڈیوائن چائلد ہائی اسکول سے تعلیم حاصل کی۔ تعلیم کے ساتھ ساتھ وہ غیر نصابی سرگرمیوں میں بھی دلچسپی لیتی رہیں، جس میں ڈراما شامل تھا ۔بی ایس سی میں ان کا ایک مضمون مائیکروبائیولوجی بھی تھا ۔ اس مضمون کو پڑھتے 6 ماہ کا عرصہ ہی گذرا تھا کہ انھوں نے پڑھائی ترک کرکے فلموں میں کیریئر بنانے کا فیصلہ کر لیا ۔

کیریئر

مادھوری نے پہلی فلم 1984 میں راج شری پروڈکشنز کے تحت ابدھ کی جس میں ان کے مدمقابل بنگالی اداکار تپس پال تھے ۔