مسٹر بین

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں
"مسٹر بین بیک ٹو اسکول" کا ایک منظر

مسٹر بین (انگریزی: Mr. Bean) آدھے گھنٹے کی چودہ اقساط پر مشتمل برطانوی کامیڈی ٹیلی ویژن کے سلسلہ وار ڈرامے کا نام ہے جس میں مرکزی کردار روان ایٹکنسن) نے ادا کیا۔ ڈراما کی تحریر روان ایٹکنسن، روبن ڈریسکول، رچرڈ کرٹس اور بن ایلٹن نے کی۔ مرکزی کردار کے نام سے نشر ہونے والے اس ڈراما کی پہلی قسط یکم جنوری 1990ء کو نشر کی گئی اور آخری قسط گڈ نائٹ مسٹر بین (Goodnight, Mr. Bean) کے نام سے 21 اکتوبر 1995ء کو نشر ہوئی۔

ڈراما مسٹر بین کو ایک ایسے آدمی کی صورت میں پیش کرتا ہے جس کا ذہن بچوں والا ہے اور دکھاتا ہے کہ روزمرہ کے معاملات کو حل کرنے میں وہ کس طرح مشکلات کا شکار ہوتا ہے۔ ڈراما نے پانچ سالہ عرصہ میں نہ صرف برطانوی ٹی وی شائقین کی بہت بڑی تعداد کو راغب کیا بلکہ کئی بین الاقوامی ایوارڈ بھی حاصل کیے جن میں Rose d'Or بھی شامل ہے۔ ڈراما نہ صرف بذات خود مشہور ہوا، بلکہ اس کے مرکزی خیال پر دو فلمیں اور ایک کارٹون سیریز بھی بنائی گئی ہے۔

بیرونی روابط[ترمیم]