میمن لوگ
میمن (لفظ مومن یعنی عربی میں "مومن" سے ماخوذ ہے) گجرات، انڈیا اور سندھ، پاکستان میں ایک مسلم برادری ہے، جن کی اکثریت سنی اسلام کے حنفی فقہ کی پیروی کرتی ہے۔ ان کو ان کی اصل کی بنیاد پر مختلف گروہوں میں تقسیم کیا گیا ہے، جیسے کاٹھیاواڑی اور کچھی میمن گجرات کے بالترتیب کاٹھیاواڑ اور کچھ کے علاقوں سے تعلق رکھنے والے میمن ہیں۔ جبکہ اور سندھ سے تعلق رکھنے والے سندھی میمن کہلاتے ہیں۔
میمنوں کی کھوجا، بوہرہ اور دیگر گجراتی لوگوں کے ساتھ ثقافتی مماثلت ہے۔ وہ میمنی بولی کو اپنی پہلی زبان کے طور پر بولتے ہیں، جو سندھی زبان اور گجراتی زبان کے ساتھ الفاظ کا اشتراک کرتی ہے۔ [1] سندھی میمن اپنی پہلی زبان کے طور پر سندھی زبان استعمال کرتے ہیں۔
آج کل، میمن لوگ عالمی سطح پر تسلیم شدہ تنظیموں جیسے کہ ورلڈ میمن آرگنائزیشن (WMO) [2] اور انٹرنیشنل میمن آرگنائزیشن (IMO) کے ذریعے جڑے ہوئے ہیں۔ [3]
تاریخ[ترمیم]
میمن کا سلسلہ سندھ کی قدیم لوہانہ برادری سے ملتا ہے جو روایتی طور پر ہندو مذہب پر عمل کرتے تھے۔ اس نام کی ابتدا مومن (مؤمن، عربی میں "مومن") سے ہوئی ہے اور بعد میں اس کا نام میمن بنا۔ میمن برادری کی بنیاد پندرھویں صدی میں 700 خاندانوں نے رکھی تھی جس میں کل 6,178 افراد تھے۔ انتھوان کے مطابق، ٹھٹھہ، سندھ کے وہ لوہانے جنھوں نے ہندو مذہب سے اسلام قبول کیا وہ میمن بن گئے اور انھیں سولہویں صدی میں بھوج کے حکمران راؤ کھینگرجی جدیجا نے کچھ بھوج میں آباد ہونے کی دعوت دی تھی۔ یہیں سے کچھی میمن نے کاٹھیاواڑ اور سرزمین گجرات کی طرف ہجرت کی۔ گجرات میں سورت سنہ 1580ء سے 1680ء تک ایک اہم تجارتی مرکز تھا اور میمنوں نے اپنا رزق وہاں تلاش کیا۔ سورت میں تجارت کے نتیجے میں میمن خاصی دولت مند ہو گئے۔
تاجر برادری[ترمیم]
برادریی کی تجارتی نوعیت کی وجہ سے، میمنوں نے اٹھارویں اور انیسویں صدی میں ہندوستان کی سرحدوں سے باہر ایک اہم ہجرت شروع کی۔ اس کی وجہ سے مشرق وسطیٰ، جنوبی افریقہ، سری لنکا اور مشرقی ایشیا میں میمن برادری نے قدم جما لیے۔ میمن تاجروں نے جوائنٹ سٹاک کمپنیوں کا ایک نیٹ ورک قائم کیا جو وسطی افریقہ سے لے کر چین تک کے علاقے میں دوسرے ارکان کے ساتھ مل کر کام کرتی تھی۔ میمن عطیہ دہندگان نے اس دوران مساجد کی تعمیر کے لیے اہم مالی تعاون کیا، جن میں کئی جامع مساجد شامل ہیں۔ انیسویں صدی کے آخر تک کئی ہزار میمن تجارت کی وجہ سے ممبئی میں آباد ہو چکے تھے۔ میمن کے نمائندہ رہنماؤں نے اپنی ہندوستانی اجارہ داریوں کو فروغ دینے کے لیے برطانوی سرمایہ داروں کے ساتھ تجارت کی۔ ممبئی کا وہ علاقہ جس میں میمن تاجر اکٹھے ہوئے تھے بعد میں میمن واڑہ کے نام سے جانا جانے لگا۔
حوالہ جات[ترمیم]
- ↑ Tanweer Fazal (2013-10-18)۔ Minority Nationalisms in South Asia (بزبان انگریزی)۔ Routledge۔ ISBN 9781317966463
- ↑ "World Memon Organisation | Serving Mankind"۔ wmoworld.com (بزبان انگریزی)۔ اخذ شدہ بتاریخ 09 اکتوبر 2019
- ↑ "IMO - International Memon Organization"۔ www.internationalmemon.org۔ اخذ شدہ بتاریخ 09 اکتوبر 2019