پہیہ
پہیہ گول دائرے کی طرز کا آلہ ہے جو ایکسل یا دھرے پر گھومتا ہے جو اس کے مرکز میں نصب ہوتا ہے، اس طرح پہیہ گھومنے پر مادے کی ایک مقام سے دوسرے مقام تک حرکت یا ترسیل میں سہولت فراہم کرتا ہے۔ یہ نہ صرف بھاری بھر کم مادے کی ترسیل بلکہ مشین یا آلہ ثقیل میں مشقت کو بھی واضع طور پر کم کر دیتا ہے۔ پہیہ کی عام مثالیں وزن ڈھونے والے اطلاقیوں میں دیکھی جا سکتی ہیں۔ ایک پہیہ جو مجموعی طور پر ایکسل یا دھرے کے ساتھ شمار ہوتا ہے گھومنے کی وجہ سے مادے کی حرکت کو سطحی رگڑ کم کر کے سہل بناتا ہے۔ ایک پہیہ کو حرکت کے لیے طبیعی تصادم یا متحرک کی ضرورت ہوتی ہے، جو اس کے دھرے پر کشش ثقل کی وجہ سے یا پھر بیرونی قوت کی وجہ سے پیش آتی ہے۔ عام طور پر پہیہ کی اصطلاح مخصوس دائرے کے طرز کے آلے کے علاوہ کسی بھی گول جسم جو گھومنے کی صلاحیت رکھتے ہوں، کے لیے بھی استعمال ہوتی ہے، جیسے کہ کشتی کا پہیہ، گاڑی کا سٹئیرنگ یا ہوائی پہیے۔
ایوان عکس[ترمیم]
بھاپ سے چلنے والے ریل انجن کا پہیا
شن کاسن پہیا
ہتھ ریڑھی کے پہیے
ایک گاڑی کا پہیا
تربیتی پہیا، جو طالبعلموں کو سکھانے کے لیے آلہ ثقیل یا گاڑیوں کے ساتھ نصب کیے جاتا ہے۔
ریل کی بوگی کا پہیا
