گوالاکا بس حادثہ 2023ء

Gualaca bus crash
تفصیلات
تاریخ	15 فروری 2023ء
حادثے کی قسم	ٹریفک حادثہ
وجہ	دو بسوں کا ٹکرائو
اعداد و شمار
اموات	45
زخمی	30

15 فروری 2023ء کو پاناما میں بس حادثے میں 45 افراد ہلاک ہو گئے۔ یہ حادثہ دار الحکومت پاناما شہر سے تقریبا 400 کلومیٹر (250 میل) دور مغربی صوبہ چیریکی کے ضلع گوالاکا میں پیش آیا۔ بس میں 66 مسافر سوار تھے جو کولمبیا سے ڈیرین گیپ عبور کر کے پاناما پہنچے تھے۔ اور مغرب کی طرف کوسٹا ریکا کی طرف بڑھ رہے تھے اور وہاں سے وسطی امریکا اور میکسیکو کے ذریعے ریاستہائے متحدہ امریکہ جانا چاہتے تھے۔ یہ حادثہ اس وقت پیش آیا جب بس ڈرائیور نے یو ٹرن لینے کی کوشش کی اورسامنے سے آنے والی دوسری بس سے ٹکرا کر کھائی میں جا گری۔

پس منظر

ڈارین گیپ، پان امریکن ہائی وے پر ایک علاقہ ہے جو دلدلوں اور جنگلوں پر مشتمل ہے۔ 2022ء میں 248,000 تارکین وطن نے اس علاقہ کو عبور کر کے شمالی امریکا پہنچنے میں کامیاب ہوئے۔ اس کے بعد 2023ء میں یہ تعداد 32,800 ہو گئی۔

یہ بس ان تارکین وطن کو لے جا رہی تھی جو پہلے ہی کوسٹا ریکا کی سرحد سے متصل مغربی صوبے چیریکی میں ایک پناہ گاہ کو عبور کر چکے تھے ۔

حکومتی رد عمل

اس حادثے میں ایکواڈور کے 22 اور کچھ کولمبیا اور کیوبا کے مسافر تھے۔ پاناما کے صدر لارینٹینو کورٹیزو نے ٹویٹ کیا: "یہ خبر پاناما اور خطے کے لیے بدقسمتی ہے۔ حکومت اس حادثے میں ہلاک ہونے والوں کے اہل خانہ سے تعزیت کرتی ہے اور اس سے نمٹنے کے لیے انسانی امداد اور مناسب حالات فراہم کرنے کے لیے اپنے عزم کا اعادہ کرتی ہے۔ کولمبیا اور پاناما کے حکام نے غیر قانونی نقل مکانی، منشیات کی اسمگلنگ اور غیر قانونی کان کنی کو روکنے کے لیے دارین کے جنگل میں مشترکہ فوجی کارروائیوں کو فروغ دینے پر اتفاق کیا۔