ہیلن کیلر

ہیلن کیلر
(انگریزی میں: Helen Adams Keller)
معلومات شخصیت
پیدائشی نام	(انگریزی میں: Helen Adams Keller)
پیدائش	27 جون 1880
وفات	1 جون 1968 (88 سال)  ایسٹن، کنیکٹیکٹ
مدفن	Washington National Cathedral
شہریت	ریاستہائے متحدہ امریکا
جماعت	سوشلسٹ پارٹی آف امریکا
عملی زندگی
مادر علمی	ریڈکلف کالج جامعہ ہارورڈ
تعلیمی اسناد	فاضل الفنیات
پیشہ	مصنفہ،مضمون نگار،فعالیت پسند،جنگ مخالف کارکن
پیشہ ورانہ زبان	انگریزی
دستخط
ویب سائٹ
	IMDB پر صفحات
باب ادب

ہیلن کیلر 1880 میں امریکا کے ایک قصبہ میں پیدا ہوئی۔ دو سال کی عمر تک ہیلن ایک عام بچی ہی تھی مگر فروری 1882ء میں ننھی ھیلن کیلر بڑی خطرناک طور سے بیمار ہو گئی-اس بیماری نے اس سے اس کے دیکھنے اور سننے کی صلا حیت چھین لی-ہیلن کے والدین کے لیے یقینا یہ ایک بہت بڑا سانحہ تھا مگر انہوں نے اسے جلد ہی قبول کر لیا اور فیصلہ کر لیا کہ ننھی ہیلن کے لیے وہ جو اچھے سے اچھا اور بہتر سے بہتر کر سکے‘ وہ ضرور کریں گے۔ ہیلن کیلر جب سات برس کی ہوئی تو اسے مس سلیون کی شاگردی میں دے دیا گیا۔ مس سلیون نے اپنی اس شاگردہ کو بڑی محنت سے پڑھایا۔ وہ ہیلن کا ہاتھ پانی میں ڈالتی اور اس کا ہا تھ پکڑ کر اسے ریت پر پا نی لکھنا سکھاتی۔ بے شک یہ ایک نہا یت مشکل کام تھا مگر مس سلیون نے ہمت نہ ہاری اور آہستہ آہستہ ہیلن کیلر کو لکھنا سکھایا۔ ہیلن جب آٹھ برس کی ہوئی تو اسے نابینا بچوں کے اسکول میں داخل کرادیا گیا۔ دو سال کی عمر سے ہی بہری اور نا بینا ہو جا نے والی ہیلن کیلر اس وقت تک بولنا تقریبا بھول ہی چکی تھی۔ نا بینا بچوں کے لیے بنائے جانے والے اس اسکول میں ہیلن کی استانیوں نے اس پر بڑی محنت کی۔ وہ اس کے ہاتھ اس کے اپنے ہونٹوں پر رکھتیں اور پھر آہستہ آہستہ اسے کوئی لفظ بولنا سکھایا جا تا۔ ہیلن نے اس سے ملتی جلتی کئی مشقیں کیں اور بالآخر تقریبا دس سال کی عمر میں اس نے پھر سے بولنا شروع کر دیا۔