زیمبیزی دریا
| زیمبیزی دریا | |
|---|---|
 نمیبیا، زیمبیا، زمبابوے اور بوتسوانا کے سنگم پر زیمبیزی دریا کا منظر | |
 | |
| دیگر نام | زمبیسی، زیمبیزے |
| ممالک | |
| طبعی خصوصیات | |
| بنیادی ماخذ | اصل ماخذ۔ زیمبیزی منبع قومی جنگلات اکیلینگے ڈسٹرکٹ، شمال مغربی صوبہ, زمبیا 1,500 میٹر (4,900 فٹ) 11°22′11″S 24°18′30″E / 11.36972°S 24.30833°E |
| دوسرا ماخذ | زیمبیزی۔لنگوے بنگو نظام کا سب سے دور افتادہ منبع موکسیکو مونسپلٹی، موکسیکو صوبہ، انگولا 1,440 میٹر (4,720 فٹ) 12°40′34″S 18°24′47″E / 12.67611°S 18.41306°E |
| دریا کا دھانہ | بحر ہند زمبیزیا صوبہ اور Sofala Province، موزمبیق 18°34′14″S 36°28′13″E / 18.57056°S 36.47028°E |
| لمبائی | 2,574 کلومیٹر (1,599 میل) |
| نکاس |
4,134 میٹر3/سیکنڈ (146,000 فٹ مکعب/سیکنڈ)[3] 3,896.189 میٹر3/سیکنڈ (137,592.6 فٹ مکعب/سیکنڈ)[4]
|
| نکاس (مقام 2) |
|
| نکاس (مقام 3) |
|
| نکاس (مقام 4) |
|
| نکاس (مقام 5) | |
| طاس خصوصیات | |
| دریا نظام | زیمبیزی کا طاس |
| طاس سائز | 1,390,000 کلومیٹر2 (1.50×1013 فٹ مربع)[1][2] |
| معاون | |
حوالہ جات
[ترمیم]- ^ ا ب "Richard Beilfuss & David dos Santos: Patterns of Hydrological Change in the Zambezi Delta, Monogram for the Sustainable Management of Cahora Bassa Dam and The Lower Zambezi Valley (2001). Estimated mean flow rate 3424 m³/s" (PDF)۔ 17 دسمبر 2008 میں اصل (PDF) سے آرکائیو شدہ۔ اخذ شدہ بتاریخ 18 اکتوبر 2008
- ^ ا ب International Network of Basin Organisations/Office International de L'eau: آرکائیو شدہ 27 مارچ 2009 بذریعہ وے بیک مشین "Développer les Compétences pour mieux Gérer l'Eau: Fleuves Transfrontaliers Africains: Bilan Global." (2002). Estimated annual discharge 106 km3, equal to mean flow rate 3360 m3/s
- ↑ "The Zambezi River Basin - A Multi Sector Investment Opportunities - Volume 4-Modelling, Analysis and Input Data" (PDF)۔ Jun 2010۔ 20 دسمبر 2021 میں اصل (PDF) سے آرکائیو شدہ۔ اخذ شدہ بتاریخ 30 اکتوبر 2023
- ^ ا ب "Rivers Network"۔ 2020۔ 25 جنوری 2023 میں اصل سے آرکائیو شدہ۔ اخذ شدہ بتاریخ 26 مارچ 2022
- ^ ا ب "Rivers Network"۔ 2020۔ 25 جنوری 2023 میں اصل سے آرکائیو شدہ۔ اخذ شدہ بتاریخ 26 مارچ 2022
- ↑ "Rivers Network"۔ 2020۔ 25 جنوری 2023 میں اصل سے آرکائیو شدہ۔ اخذ شدہ بتاریخ 26 مارچ 2022
زیمبیزی (جس کی ہجے Zambeze اور Zambesi بھی ہے) افریقہ کا چوتھا سب سے لمبا دریا ہے، افریقہ کا سب سے طویل مشرق میں بہنے والا دریا ہے اور افریقہ سے بحر ہند میں گرتا ہے۔[ حوالہ درکار ] اس کا نکاسی آب کا بیسن 1,390,000 مربع کلومیٹر پر محیط ہے، یعنی دریائے نیل کے نصف سے تھوڑا کم۔ 2,574 کلومیٹر (1,599 میل) لمبا دریا زیمبیا سے نکلتا ہے اور مشرقی انگولا سے ہوتا ہوا، نمیبیا کی شمال مشرقی سرحد اور بوٹسوانا کی شمالی سرحد کے ساتھ ساتھ بہتا ہے اور پھر زیمبیا اور زمبابوے کے درمیان سرحد کے ساتھ ساتھ بہتا ہے یہاں تک کہ موزمبیق کو عبور کر کے بحر ہند میں گرتا ہے۔ [1] [2]
زیمبیزی کی سب سے مشہور خصوصیت وکٹوریہ آبشار ہے۔ اس کے دیگر آبشاروں میں زامبیا اور انگولا کے درمیان سرحد پر چاوما آبشار [3] اور مغربی زیمبیا میں سیوما کے قریب نگونیے فالز Ngonye Falls شامل ہیں۔ [4]
دریا پر پن بجلی کے دو اہم ذرائع کریبا ڈیم، جو زیمبیا اور زمبابوے کو بجلی فراہم کرتا ہے اور موزمبیق میں کاہورا باسا ڈیم، جو موزمبیق اور جنوبی افریقہ کو بجلی فراہم کرتا ہے، ہیں۔ مزید برآں، دو چھوٹے پاور اسٹیشن زیمبیا میں دریائے زیمبیزی کے پر ہیں، ایک وکٹوریہ آبشار پر اور دوسرا زینگامینا میں، اکیلینج ڈسٹرکٹ میں کیلین ہل کے قریب۔ [5]
بڑے شہر
[ترمیم]دریا کی لمبائی کے ساتھ ساتھ، آبادی بہت کم ہے، لیکن اس کے راستے میں اہم قصبوں اور شہروں میں شامل ہیں:
- کتیما ملیلو (نمیبیا)
- لیونگ اسٹون، مونگو، لوکولو، سیننگا اور سیشیکے (زیمبیا)
- وکٹوریہ آبشار اور کاریبا (زمبابوے)
- سانگو اور ٹیٹے (موزمبیق)
- کازومبو (انگولا)
راستہ
[ترمیم]بنیاد
[ترمیم]
دریا سطح سمندر سے 1,524 میٹر ( 5,000 فٹ) کی بلندی پر ایک سیاہ، دلدلی ڈیمبو میں گھنے، غیر منقطع میمبو جنگلاتی زمین سے شروع ہوتا ہے جو موینیلوں گا (Mwinilunga) سے 50 کلومیٹر (31 میل) شمال میں اور شمال مغربی صوبے Ikelenge ڈسٹرکٹ، زیمبیا سے 20 کلومیٹر (12 میل) جنوب میں واقع ہے۔
ا ۔ [6]
منبع کے ارد گرد کا علاقہ ایک قومی یادگار، محفوظ جنگل اور اہم پرندوں کا علاقہ ہے۔ [7]
منبع کے مشرق کی طرف، کانگو اور زیمبیزی کے طاس کے درمیان واٹرشیڈ اونچی زمین کی ایک اچھی طرح سے نشان زدہ پٹی ہے، جو تقریباً مشرق-مغرب کی طرف چلتی ہے اور اچانک شمال اور جنوب میں گرتی ہے۔ یہ واضح طور پر زمبیزی سے لوالابا Lualaba (بالائی کانگو دریا کی مرکزی شاخ) کے طاس کو کاٹ دیتا ہے۔ منبع کے پڑوس میں، واٹرشیڈ کو واضح طور پر بیان نہیں کیا گیا ہے، لیکن ان دو دریائوں کے نظام آپس میں جڑے ہوئے نہیں ہیں۔ [8]
زمبیزی کے ذریعے خشک ہونے والا خطہ ایک وسیع، ٹوٹا ہوا سطح مرتفع 900 سے 1,200 میٹر تک بلند ہے، جو میٹامورفک بیڈز کے دور دراز کے اندرونی حصے میں بنا ہوا ہے اور وکٹوریہ آبشار کی آگنیس کی چٹانوں سے جڑا ہوا ہے۔ چوپنگا میں، زیریں زیمبیزی پر، سرمئی اور پیلے رنگ کی ریت کے پتھروں کی پتلی تہیں، جس میں کبھی کبھار چونے کے پتھر کی پٹیاں بھی خشک موسم میں دریا کے راستے پر نکل آتی ہیں اور یہ ٹیٹے سے آگے بھی برقرار رہتی ہیں، جہاں ان کا تعلق وسیع کوئلے کی سیون سے ہے۔ ضلع میں وکٹوریہ آبشار کے بالکل نیچے کوئلہ بھی پایا جاتا ہے۔ سونے کی چٹانیں کئی جگہوں پر پائی جاتی ہیں۔ [9]
بالائی زیمبیزی
[ترمیم]یہ دریا جنوب مغرب میں انگولا میں تقریباً 240 کلومیٹر (150 میل) تک بہتا ہے، اس کے بعد بڑی بڑی معاون ندیوں جیسے لوئینا اور چیفوماگے اس سے مل جاتی ہیں اور یہ پہاڑی علاقوں سے شمال مغرب کی طرف بہتا ہے۔ [8] یہ جنوب کی طرف مڑتا ہے اور خشک اور برسات کے موسموں کے درمیان چوڑائی کے انتہائی فرق کے ساتھ ایک سیلابی میدان تیار کرتا ہے۔ یہ گھنے سدا بہار کرپٹوسیپلم خشک جنگل میں داخل ہوتا ہے، حالانکہ اس کی مغربی جانب، مغربی زیمبیزین گھاس کے میدان بھی پائے جاتے ہیں۔ یہاں یہ دوباہ زیمبیا میں داخل ہوتا ہے اور برسات کے موسم میں اس کی چوڑائی تقریباً 400 میٹر (1,300 فٹ) ہوجاتی ہے اور یہ تیزی سے بہتا ہے، جس کا اختتام چاوما آبشار میں ہوتا ہے، جہاں دریا پتھریلی دراڑ سے بہتا ہے۔ دریا اپنے منبع سے جو 1,500 میٹر (4,900 فٹ) کی بلندی پر ہے سے چاوما آبشار تک جو 1,100 میٹر (3,600 فٹ) کی بلندی پر ہے تک تقریباً 400 میٹر (1,300 فٹ) نیچے آتا ہے اور اس دوران 400 کلومیٹر (250 میل) فاصلہ طے کرتا ہے۔ اس مقام سے وکٹوریہ آبشار تک، طاس کی سطح بہت یکساں ہے اور یہ مزید 180 میٹر (590 فٹ) تک گرتی ہے۔ جبکہ اس دوران دریا تقریباً 800 کلومیٹر (500 میل) فاصلہ طے کرتا ہے۔ [10][ سرکلر حوالہ ]
زیمبیزی میں داخل ہونے والا اس کا سب سے بڑا معاون دریائے کابومپو ہے جو زیمبیا کے شمال مغربی صوبے میں ہے۔ سوانا جس کے درمیان دریا بہتا ہے ایک وسیع سیلابی میدان کو راستہ فراہم کرتا ہے، جس میں بوراسس فین پالم کے درخت لگے ہوئے ہیں۔ تھوڑا دور جنوب میں دریائے لونگ ویبونگو کے ساتھ سنگم ہوجاتا ہے۔ یہ باروتسے فلڈ پلین کا آغاز ہے، جو بالائی زیمبیزی کی سب سے قابل ذکر خصوصیت ہے، لیکن اس شمالی حصے میں اتنا سیلاب نہیں آتا اور اس کے درمیان میں اونچی زمین کے جزیرے شامل ہیں۔ [11][ حوالہ درکار ]
لنگویبونگو کے سنگم سے تقریباً 30 کلومیٹر نیچے، ملک بہت ہموار ہو جاتا ہے اور عام باروتسے فلڈ پلین Barotse Floodplain کا منظر سامنے آتا ہے اور بارش کے موسم میں سیلاب کی چوڑائی 25 کلومیٹر تک پہنچ جاتی ہے۔ اگلے 200 کلومیٹر نیچے کی طرف، سالانہ سیلابی چکر قدرتی ماحول اور انسانی زندگی، معاشرے اور ثقافت پر حاوی ہے۔ تقریباً 80 کلومیٹر مزید نیچے، Luanginga ، جو اپنی معاون ندیوں کے ذریعے مغرب کی طرف ایک بڑے علاقے کو سیراب کرتا ہے، زیمبیزی Zambezi میں شامل ہو جاتا ہے۔ مشرق کی طرف تھوڑا سا چڑھائی والا فاصلہ طے کر کے، مرکزی دھارا برسات کے موسم میں لوامپا / لوینا سسٹم کے بہاؤ سے جڑ جاتا ہے۔ [8]
لوانگنگا Luanginga کے ساتھ سنگم سے نیچے کی طرف ایک مختصر فاصلہ پر لیلوئی ہے، جو لوزی کے لوگوں کے دارالحکومتوں میں سے ایک ہے، جو مغربی صوبے میں باروٹسیلینڈ کے زیمبیا کے علاقے میں آباد ہیں۔ لوزی قبیلے کا سربراہ لیلوئی میں اپنے دو مرکبات میں سے ایک کو برقرار رکھتا ہے۔ دوسرا Limulunga میں ہے، جو اونچی زمین پر ہے اور برسات کے موسم میں دار الحکومت کے طور پر کام کرتا ہے۔ Lealui سے Limulunga کی طرف سالانہ منتقلی ایک بڑا واقعہ ہے، جسے زیمبیا کے سب سے مشہور تہوار، کومبوکا کے طور پر منایا جاتا ہے۔
لیلوئی کے بعد دریا جنوب مشرق کے جنوب کا رخ کرتا ہے۔ مشرق سے، اس میں متعدد چھوٹی ندیاں ملتی رہتی ہیں، لیکن مغرب میں، یہ 240 کلومیٹر تک بغیر کسی بڑی معاون ندی کے بہتا ہے۔ اس سے پہلے، Ngonye Falls اور اس کے بعد کے ریپڈز نیویگیشن میں خلل ڈالتے ہیں۔ Ngonye Falls کے جنوب میں، دریا مختصر طور پر نمیبیا کی کیپریوی پٹی سے ملتا ہے۔ [8] دریائے کوانڈو اور زمبیزی کے سنگم کے نیچے، دریا تقریباً مشرق کی طرف مڑتا ہے۔ یہاں، دریا چوڑا اور اتھلا ہے اور آہستہ سے بہتا ہے، لیکن جیسے ہی یہ مشرق کی طرف افریقہ کی عظیم مرکزی سطح مرتفع کی سرحد کی طرف بہتا ہے، یہ ایک ایسی کھائی تک پہنچ جاتا ہے جس میں وکٹوریہ آبشار گرتا ہے۔
وسطی زیمبیزی
[ترمیم]
وکٹوریہ آبشار کو بالائی اور وسطی زیمبیزی کے درمیان حد سمجھا جاتا ہے۔ اس کے نیچے، دریا تقریباً 200 کلومیٹر (120 میل) تک مشرق کی طرف بہتا ہے اور بیسالٹ کی 20 تا 60 میٹر (66 تا 197 فٹ) دیواروں کو کاٹتا ہوئے پہاڑیوں میں 200 تا 250 میٹر (660 تا 820 فٹ) راستہ بناتا ہے۔ دریا بٹوکا گھاٹی کے درمیان تیزی سے بہتا ہے، جبکہ بہائو میں چٹانیں مسلسل رکاوٹ ڈال رہی ہوتی ہیں۔ اسے [12] دنیا کے سب سے شاندار وائٹ واٹر ٹرپس میں سے ایک کے طور پر بیان کیا جاتا ہے، جس میں کیاکر kayaker اور رافٹر rafter کے لیے یکساں طور پر ایک زبردست چیلنج ہے۔ گھاٹی سے آگے پے در پے ریپڈز کا ایک سلسلہ ہے جو وکٹورہ آبشار سے 240 کلومیٹر (150 میل) نیچے ختم ہو جاتا ہے۔ اس دوران، دریا 250 میٹر (820 فٹ) گرتا ہے۔
اس مقام پر، دریا کریبا جھیل میں داخل ہوتا ہے، جو سنہ 1959ء میں کریبا ڈیم کی تکمیل کے بعد بنی تھی۔ یہ جھیل دنیا کی سب سے بڑی انسان ساختہ جھیلوں میں سے ایک ہے اور ڈیم پر پن بجلی پیدا کرنے والی سہولیات زیمبیا اور زمبابوے کے بیشتر علاقوں کو بجلی فراہم کرتی ہیں۔
Luangwa اور Kafue دریا زیمبیزی کے بائیں ہاتھ کی دو سب سے بڑی معاون ندیاں ہیں۔ کافیو 180 میٹر (590 فٹ) چوڑی ایک پرسکون، گہری ندی کی صورت میں مرکزی دریا میں شامل ہو جاتا ہے۔ اس مقام سے، زیمبیزی کے شمال کی طرف موڑ کی روک ہوتی ہے اور بہائو مشرق کی طرف جاری رہتا ہے۔ لوانگوا کے سنگم پر (15°37' S)، یہ موزمبیق میں داخل ہوتا ہے۔
وسطی زیمبیزی کا اختتام ہوتا ہے جہاں یہ دریا جھیل کاہورا باسا میں داخل ہوتا ہے، پہلے یہ خطرناک ریپڈس کی جگہ تھی جسے کیبراباسا کہا جاتا تھا۔ یہ جھیل 1974ء میں کہورا باسا ڈیم کی تعمیر سے بنی تھی۔ [13][ حوالہ درکار ]
زیریں زیمبیزی
[ترمیم]زیریں زیمبیزی کا کہوراباسا سے بحر ہند تک 650 کلومیٹر کا سفر کشتی رانی کے قابل ہے، حالانکہ خشک موسم میں دریا بہت سی جگہوں پر اتھلا ہوتا ہے۔ یہ اتھلا پن اس وقت پیدا ہوتا ہے جب دریا ایک وسیع وادی میں داخل ہوتا ہے اور ایک بڑے علاقے میں پھیل جاتا ہے۔ صرف ایک مقام، لوپاٹا گھاٹی میں، اس کے دہانے سے 320 کلومیٹر دور، دریا اونچی پہاڑیوں کے درمیان محدود ہوجاتا ہے۔ یہاں، یہ شاذ و نادر ہی 200 میٹر سے زیادہ چوڑا ہوتا ہے۔ دوسری جگہوں پر یہ 5 سے 8 تک۔ کلومیٹر چوڑا ہوتا ہے اور بہت سی ندیوں کی شکل میں آہستہ سے بہتا ہے۔ دریا کی تہ ریتلی ہے اور کنارے نیچے اور سرکنڈوں والے ہیں۔ تاہم، کچھ مقامات پر اور خاص طور پر برسات کے موسم میں، ندیاں ایک وسیع، تیز بہنے والے دریا کی شکل اختیار کرلیتی ہیں۔[ حوالہ درکار ]
160 سمندر سے تقریباً 160 کلومیٹر پہلے، زیمبیزی میںجھیل ملاوی کی نکاسی دریائے شائر کے ذریعے مل جاتی ہے۔ بحر ہند کے قریب پہنچنے پر، دریا ایک ڈیلٹا میں تقسیم ہو جاتا ہے۔ [8] بنیادی تقسیم کاروں میں سے ہر ایک، کونگون، لوابو اور ٹمبوے، ایک ریت کی باڑھ کی وجہ سے رکاوٹ ہوتی ہے۔ ایک زیادہ شمال کی شاخ، جسے Chinde Mouth کہا جاتا ہے، داخلی راستے پر کم سے کم پانی میں 2 میٹر گہری ہے اور آگے جاکر مزید 4 میٹر گہری ہوجاتی ہے اور یہ شاخ کشتی رانی کے لیے استعمال ہوتی ہے۔ 100 کلومیٹر مزید شمال میں ایک دریا ہے جسے Quelimane کہا جاتا ہے، جس کا نام اس کے دہانے پر آباد شہر کے نام پر رکھا گیا ہے۔ یہ ندی، جو گاد سے بھر جاتی ہے، بارش کے موسم میں زیمبیزی کے بہائو سے سیراب ہوجاتی ہے۔ [14][ حوالہ درکار ]
- ↑ "Zambezi River | river, Africa"۔ Encyclopedia Britannica (بزبان انگریزی)۔ اخذ شدہ بتاریخ 20 مئی 2021
- ↑ "Zambezi River Facts and Information"۔ www.victoriafalls-guide.net۔ اخذ شدہ بتاریخ 27 مئی 2021
- ↑ "Chavuma Falls | waterfall, Zambia | Britannica"۔ www.britannica.com (بزبان انگریزی)۔ اخذ شدہ بتاریخ 26 جون 2022
- ↑ "Zambia Tourism: Waterfalls"۔ Zambia Tourism (بزبان انگریزی)۔ اخذ شدہ بتاریخ 25 جون 2022
- ↑ "Zengamina Hydro Project | North West Zambia Development Trust" (بزبان انگریزی)۔ اخذ شدہ بتاریخ 18 اپریل 2022
- ↑ "Dilapidated Zambezi Source Site Worry Ikelenge DC"۔ muvitv.com۔ Muvi TV۔ 04 ستمبر 2015 میں اصل سے آرکائیو شدہ۔ اخذ شدہ بتاریخ 01 اگست 2015
- ↑ "ZM002 Source of the Zambezi"۔ birdlife.org۔ Birdlife International۔ 04 ستمبر 2015 میں اصل سے آرکائیو شدہ۔ اخذ شدہ بتاریخ 01 اگست 2015
- ^ ا ب پ ت ٹ Dorling Kindersley, pp. 84–85
- ↑ Peter Ashton، David Love، Harriet Mahachi، Paul Dirks۔ "An Overview of the Impacts of Mining and Mineral Processing Operations on Water Resources and Water Quality in the Zambezi, Limpopo AND Olifant Catchments in Southern Africa" (PDF)۔ International Institute for Environment and Development۔ Mining, Minerals and Sustainable Development Project, Southern Africa۔ اخذ شدہ بتاریخ 13 نومبر 2020
- ↑ Geology Page (2014-11-25)۔ "Zambezi River"۔ Geology Page (بزبان انگریزی)۔ اخذ شدہ بتاریخ 20 مئی 2021
- ↑ "Zambezi River Facts and Information"۔ www.victoriafalls-guide.net۔ اخذ شدہ بتاریخ 22 مئی 2021
- ↑ Sean Edington (2020-12-29)۔ "Is rafting on the Zambezi River below The Victoria Falls Dangerous?"۔ SAFPAR (بزبان انگریزی)۔ اخذ شدہ بتاریخ 20 مئی 2021
- ↑ "GAZ Term "Zambezi River" (GAZ:00044898)"۔ archive.gramene.org۔ اخذ شدہ بتاریخ 20 مئی 2021
- ↑ "Zambezi - Encyclopedia"۔ theodora.com (بزبان انگریزی)۔ اخذ شدہ بتاریخ 20 مئی 2021