ضیاء مودی

ضیاء مودی
معلومات شخصیت
پیدائش	(1956-07-19) 19 جولائی 1956 ممبئی، بھارت
شہریت	بھارت
نسل	پارسی
مذہب	بہائیت
عملی زندگی
مادر علمی	کیمبرج یونیورسٹی ہارورڈ یونیورسٹی
پیشہ	مینیجنگ پارٹنر، اے زیڈ پی اینڈ پارٹنرز

ضیاء مودی (پیدائش: 19 جولائی، 1956ء) ایک بھارتی قانونی مشیر ہے۔ انھیں تجارتی تاسیسات کے انضمام اور حصول، سیکیوریٹیز قانون، نجی حصے داری اور پروجیکٹ کے مالیات پر سند کا درجہ حاصل ہے۔ وہ ایک پارسی خاندان میں سولی سہراب جی کے گھر پیدا ہوئی ہیں۔ وہ بہائیت کی ایک فعال رکن ہیں۔

سوانح

مودی کی ابتدائی تعلیم ایلفینسٹون کالج، ممبئی میں ہوئی۔ انھوں نے سیلوین کالج، کیمبرج میں قانون کی پڑھائی کی۔ آگے انھوں نے قانون میں ماسٹرز کی ڈگری ہارورڈ لا اسکول سے 1979ء میں حاصل کی۔ وہ نیو یارک ریاستی بار امتحان کامیاب کر چکی ہیں اور اُس ریاست میں اٹارنی کے طور پر اہل ہیں۔ وہ بیکر اینڈ میک کینزی کے یہاں 5 سال کام کر چکی ہیں، تاہم شوہر کی درخواست پر بھارت لوٹ آئی ہیں۔

ممبئی میں اپنا پیشہ ورانہ کام انھوں نے 1984ء میں شروع کیا، جب اس نے دو فرموں کا انضمام کرکے اے زیڈ پی اینڈ پارٹنرز کو تشکیل کیا، جو بھارت میں سب سے بڑی لا فرموں میں سے ایک ہے اور جہاں وہ مینیجنگ پارٹنر ہیں۔ اس فرم میں مودی کا 40 فی صد قانونی عملہ کام کرتا ہے۔ اس کے علاوہ وہ سیکیوریٹیز اینڈ ایکسچینج بورڈ آف انڈیا کی میوچوئل فنڈز پر مجلس قائمہ کی رکن ہیں اور فیڈریشن آف انڈین چیمبرز آف کامرس اینڈ انڈسٹری کی سرمایہ بازار کمیٹی کی بھی رکن ہیں۔

مذہبی رجحانات

ایک پارسی گھرانے سے آنے کے باوجود مودی بہائی فرقے کی ایک سرگرم رکن ہیں۔

اسکولی تعلیم سے دلچسپی

مودی نیو ایرا ہائی اسکول کے بورڈ کی رکن بھی ہے۔

ازدواجی زندگی

مودی تین بیٹیوں کی ماں ہے اور تجارتی دنیا میں ایک سرکردہ شخصیت جے دیو مودی کی زوجیت میں ہیں۔ وہ ممبئی، بھارت میں رہتی ہیں۔

کامیابیاں

بزنس ٹوڈے نے مودی کو بھارت کی 25 سب سے طاقتور خواتین کی فہرست میں 2011ء سے شامل کیا۔ انھیں فائنانشیل ایکسپریس کی جانب سے سال کی سب سے زیادہ معلومات گیرندہ پیشہ ور (Knowledge Professional of the Year Award) اعزاز سے نوازا۔ دی اکنامک ٹائمز نے انھیں بھارت کی 100 سب سے طاقتور چیف ایگزیکیٹیو آفیسرز میں سے ایک کا اعزاز سے 2004ء اور 2006ء میں نوازا۔