ویشالی ٹھکر

ویشالی ممبئی پولیس اور این جی او کے بچوں کے فنکشن میں
پیدائش	ویشالی ٹھکر بمبئی، مہاراشٹر، بھارت
قومیت	بھارت
نسل	گجراتی
پیشہ	اداکارہ
مذہب	ہندو مت

ویشالی ٹھکر (ہندی: वैशाली ठक्कर‎) ایک بھارتی ٹھیٹر اور ٹیلی ویژن اداکارہ ہے۔ وہ اسٹار پلس کے معروف شو با، بہو اور بے بی میں ”پَرَوینا“ کا کردار نبھانے کے لیے مشہور ہے۔ اس نے کلرس ٹی وی کے مشہور شو اترن میں بھی ”دامنی“ کا مشہور کردار نبھایا ہے۔

سوانح حیات

ویشالی ٹھکر ممبئی میں پیدا ہوئی۔ وہ بھارتی ٹیلی ویژن کی ایک آزمودہ کار ہے۔ وہ گجراتی تھیٹر میں لمبے عرصہ تک کام کر چکی ہے اور ساتھ ہی ساتھ اس کے باپ نے بھی گجراتی تھیٹر میں لمبے عرصہ تک کام کیا ہے۔ اس کا بھائی ”ہیمل ٹھکر“ ایک معروف ٹیلی ویژن پروڈیوسر ہے۔

کیریئر

اس نے اپنے کیریئر کا آغاز گجراتی ناٹکوں سے کیا اور بعد میں لمبے عرصے تک سونی ٹی وی پر نشر ہونے والے ڈراما سلسلے ”ایک محل ہو سپنوں کا“ اور اسٹار پلس پر نشر ہونے والے ڈرامے با بہو اور بے بی میں اداکاری کی۔ با بہو اور بے بی میں اس نے ایک گھریلو عورت کا کردار نبھایا جس کا نام پَرَوینا تھا۔ با بہو اور بے بی کے درمیان میں اس کے کردار کو مار دیا گیا تھا جس سے شائقین مایوس ہوئے، پروڈیوسروں کے بقول اس کا کردار ایسے نہیں بن سکا جیسا وہ ”بنانا“ چاہتے تھے تو مجبوراً ان کو اسے نکالنا پڑا۔ اس کے بعد اس نے ایک ڈرامے میں کام کیا۔ پھر اس نے کلرز ٹی وی کے ڈرامے ”اُترن“ میں ”دامنی راجندر بھارتی“ کا مشہور کردار نبھایا۔

ویشالی انگریزی، ہندی اور گجراتی روانی سے بولتی ہے۔