بلال خان

بلال خان
پیدائش	پاکستان (1986-10-04) 4 اکتوبر 1986
تعلق	لاہور، پاکستان
اصناف	راک, پاپ
پیشے	گلوکار/سونگ رائٹر/اداکار
آلات	آواز، گٹار
سالہائے فعالیت	2009-تاحال
متعلقہ کارروائیاں	عاطف اسلم، روحیل حیات،کوک اسٹوڈیو، علی ظفر
قابل ذکر آلہ موسیقی
Black Acoustic Guitar Martin OOCXAE

بلال خان (انگریزی: Bilal Khan، (پیدائش بلال امجد خان, 4 اکتوبر 1986ء) ایک پاکستانی پاپ سنگر اور گیتکار (سانگ رائٹر: گانا لکھنے والا) ہے - انھوں نے اپنی پہلی البم امید 2009ء میں ریلیز کی- اس کے علاوہ "بچانا"، "تو کیا ہوا"، "لڑو مجھے " اور "متاعِ جاں " انفرادی (واحد) گانوں کے طور پر ریلیز کیے -

2012ء میں بلال خان اپنی البم امید کے لیے گیارہویں لکس سٹائل ایوارڈز میں بہترین البم کے ایوارڈ کے لیے نامزد ہوئے - بلال خان نے لاہور یونیورسٹی آف مینیجمنٹ سائنسز سے سیاسیات اور معاشیات میں بی ایس سی (آنرز) کی ڈگری حاصل کی ہوئی ہے -

پیشہ ورانہ زندگی

ابتدائی پیشہ ورانہ زندگی

لمز یونیورسٹی میں اپنی تعلیم کے دوران انھوں نے اپنا ایک گانا "بچانا" ریلیز کیا- جو ابتدائی طور پر یوٹیوب پر ریلیز کیا گیا تاہم بعد میں یہ گانا پاکستان کے کئی میوزک چینلز پر بھی ریلیز کر دیا گیا- ایف ایم 103 پر ہونے والی ووٹنگ سے بلال خان کا یہ گانا 2010 کا بہترین گانا اور بلال خان خود بہترین گلوکار قرار پائے - ان کا پہلا بین الاقوامی کانسرٹ کوالالمپور میں منعقد ہوا بعد میں انھوں نے برطانیہ، امریکا، کینیڈا اور متحدہ عرب امارات سمیت کئی ملکوں میں کانسرٹ کیاـ

کوک اسٹوڈیو (2010 - 2011)

بلال خان نے کوک اسٹوڈیو پاکستان (سیزن 4) میں "تو کیا ہوا" سمیت البم امید سے دو گانے گائے - انھوں نے کوک اسٹوڈیو پاکستان سیزن 5 میں اپنی دوسری البم مکتوب سے دو گانے بشمول "لڑو مجھے " اور "تارے " گائے -

پس پردہ گلوکاری

بلال خان نے ہم ٹی وی کے دو ڈراموں "متاعِ جان" اور "روشن ستارہ" کے ٹائٹل سونگ گائے ان دونوں کے تخلیق کار وقار علی تھے - متاع جان کے ٹائٹل سونگ کو 12ویں لکس سٹائل ایوارڈ میں بہترین ٹائٹل سونگ کے لیے نامزد کیا گیا تھا-

سپانسرشپ

بلال خان نے لیوی کی طرف سے سٹرنگز بینڈ کو خراج تحسین پیش کرنے کے لیے زوئے وکاجی کے ساتھ ایک گانا "انجانے " بھی گایا-وہ لیوی کی مہم گو فورتھ کے ماڈل بھی رہے -2011ء میں بلال خان نے عالمگیر کو خراج تحسین پیش کرنے کے لیے گانا "دیکھا نہ تھا" گایا-

اداکاری

بلال خان نے ایک ٹیلی فلم "تمنا کی تمنا" میں اداکاری کے جوہر دکھائے ہیں - اس ٹیلی فلم کیاسکرپٹ بشری انصاری نے لکھی ہے اور یہ ہم ٹی وی پر نشر کی گئی اس کی کاسٹ میں اداکارہ متھیرا اور صنم سعید بھی شامل تھیں، ٹیلی فلم کے ہدایتکار سراج الحق اور تخلیق کار مومنہ درید ہیں -

ریکارڈ نامہ

سال	ٹائٹل
2011	امید

امید

ٹریک لسٹنگ

نمبر.	عنوان	طوالت
1.	"بچانا"	03:36
2.	"تو کیا ہوا"	04:41
3.	"لمحہ"	04:19
4.	"میں آؤں گا"	03:38
5.	"تارے"	03:14
6.	"بندہ"	04:39
7.	"تقدیر"	03:31
8.	"کبھی غم نہ آئے"	04:14

انفرادی

• دل میں
• دیکھا نہ تھا
• لگنے لگا
• دو گھڑی

کوک اسٹوڈیو (پاکستان) سیزن 4

• تو کیا ہوا
• لمحہ

حوالہ جات

• ساحر لودھی

بیرونی روابط

• انٹرنیٹ مووی ڈیٹابیس (IMDb) پر بلال خان