زندگی گلزار ہے

زندگی گلزار ہے
ہدایات	سلطانہ صدیقی
تخلیق	مومنہ درید
تحریر	عمیرہ احمد
ستارے	فواد افضل خان صنم سعید جاوید شیخ بہروز سبزواری
موسیقی	علی ظفر
تقسیم کاری	ہم ٹی-وی
وقت دورانیہ	30 منٹ
ملک	پاکستان
زبان	اردو

ایک پاکستانی ڈرامہ جوکہ ہم ٹی-وی سے 30 نومبر 2012 کو نشر ہونا شروع ہوا-

مرکزی خیال

یہ ایک رومانوی کہانی ہے- صنم نامی ایک لڑکی جس کی ماں کواس کے باپ نے صرف اس بنیاد پر چھوڑدیا تھا کہ وہ اسے بیٹے کا سُکھ نہیں دے سکی- باپ کی لاتعلقی صنم کواندر سے کمزور تو کردیتی ہے لیکن وہ اس کو اپنی پڑھائی پر اثرانداز نہیں ہونی دیتی- اسی قابلیت کی بناء پر اسے جلد ایک بڑے بزنس اسکول میں اسکالرشپ مل جاتی ہے۔

زندگی ایک خاص ڈگر پر چل نکلتی ہے کہ تبھی درمیان میں زارون آجاتا ہے- زارون خوبرو ، جوان اور صنم کا ہم جماعت ہے ۔ اسے صنم ایک نظر میں ہی بھاجاتی ہے مگر صنم اسے فلرٹ سمجھ کر نظر انداز کردیتی ہے۔ لیکن زاون بھی بھلا کب ہار ماننے والا تھا ۔ اس نے صنم کو پانے کے لئے اس کی ماں اور بہن تک پہنچنے کا راستہ نکالا اور شادی کا پیغام بھجوادیا۔

صنم ماں او ربہن کے دباؤ کی وجہ سے زارون سے شادی کرتولیتی ہے لیکن اس کے دل میں اب بھی زارون کےبار ے میں بہت سے خدشات اور اندیشے چھپے ہیں ، شاید یہی وجہ تھی کہ شادی کے باوجود بھی صنم زارون کو دل سے قبول نہیں کرپاتی۔

اس سے آگے کی کہانی زندگی کے ان تانے بانوں پر چلتی ہے جس میں ایک جانب زارون کی محبت ہے اور دوسری جانب صنم کا احساس کمتری ہے-

نشریات

”زندگی گلزار ہے “ ہر جمعہ کی شب 8 بجے ہم ٹی وی سے نشر ہوتا ہے- کھیل کو عمیرہ احمد نے تحریر کیا ہے اور یہ مومل پروڈکشنز کی پیش کش ہے-
یہ ایک نامکمل مضمون ہے۔ آپ اس میں اضافہ کرکے ویکیپیڈیا کی مدد کر سکتے ہیں۔