شعبۂ عاجلہ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
اصطلاح term

عاجلہ
شعبۂ عاجلہ
عاجلہ جَناح (نگرانگاہ)
کمرۂ عاجلہ
شعبۂ حادثہ و عاجلہ

حادثہ و عاجلہ
شعبۂ اصابات
اصابات

emergency
emergency department
emergency ward
emergency room
accident & emergency
     department
accident & emergency
casualty department
casualty

شعبۂ عاجلہ (emergency department) طبی شعبۂ علم سے تعلق رکھنے والا ایک شعبہ ہے جسے اختصاصات طب میں شمار کیا جاتا ہے۔ اس شعبے کی جانب سے فراھم کی جانے والی خدمات ، فوری طور پر (جان بچانے کی خاطر) مہیا کرنا ناگزیر ہوتی ہیں۔ شعبۂ عاجلہ کسی شفاخانے کا حصہ بھی ہوسکتا ہے اور یا پھر یہ کسی ابتدائی نگہداشت (primary care) ، جیسے مطب وغیرہ میں بھی قائم کیا جاسکتا ہے۔ عام طور پر بڑے شفاخانوں میں اسکے لیۓ شعبے کی اصطلاح اختیار کیا جاتی ہے جبکہ ابتدائی نگہداشت کے علاقائی یا چھوٹے مراکز میں اس کی ساخت ایک ملحقہ کمرے پر بھی مشتمل ہوسکتی ہے جس کے لیۓ کمرۂ عاجلہ کی اصطلاح بھی دیکھنے میں آتی ہے۔ شعبۂ عاجلہ سے تعلق رکھنے والا علم ، طبِ عاجلہ (emergency medicine) کہلایا جاتا ہے۔ عاجلہ کا لفظ عربی سے آیا ہے اور عجل سے بنا ہے جسے ؛ جلدی ، فوری اور حادثاتی یا اچانک نمودار ہونے والی شے یا مظہر پر ادا کیا جاتا ہے، اردو میں بھی عجل اور عاجل سمیت عاجلہ[1] کا لفظ بھی لغات میں ملتا ہے۔
جیسا کہ مذکورہ بالا بیان میں تذکرہ آیا شعبۂ عاجلہ اصل میں فوری یا اچانک نمودار ہونے والی طبی کیفیات کا فوری معالجہ فراھم کرنے والا شعبہ ہے اور اسی وجہ سے اردو میں اسکے لیۓ دیگر نام ، جیسے ؛ شعبۂ ہنگامی طبی امداد ، شعبۂ حادثات وغیرہ بھی دیکھنے میں آتے ہیں مگر ان الفاظ کو عام فہم ہونے کے باوجود emergency department کا درست متبادل اس لیۓ نہیں لیا جاسکتا کہ حادثات کا لفظ accident کے لیۓ موزوں ہے نا کہ emergency کے لیۓ۔ ایک اور وجہ لفظ ہنگامی یا حادثاتی کے emergency کے لیۓ اختیار کیے جانے پر دیگر الفاظ کے متبادلات میں پیدا ہونے والی پیچیدگی ہے، مثال کے طور پر emergency light reflex جیسے الفاظ، یہاں مفہوم عجلت یا عاجلہ کا ہے نا کہ حادثے یا ہنگامے کا۔ مزید یہ کہ اسکے لیۓ ایک اور لفظ انگریزی میں بھی خاصا منفرد ہے پایا جاتا ہے اور وہ casualty department کا ہے اسے صرف casualty بھی کہہ دیا جاتا ہے، اردو میں اسکا متبادل شعبۂ اصابات ہے اسے صرف اصابات بھی کہا جاسکتا ہے۔ لفظ اصابات اصل میں اصابت سے بنا ہے جو کہ بذات خود صبت سے ماخوذ ہوا ہے اور عربی سے آیا ہے ، اردو میں اسی سے مصائب اور مصیبت جیسے الفاظ بھی بناۓ جاتے ہیں ؛ لفظ اصابت اردو لغات میں بھی مستعمل ہے۔

بحرانی طبی کیفیات[ترمیم]

حوالہ جات[ترمیم]

  1. ^ ایک موقع روۓ خط براۓ اردو لغت پر لفظ عاجلہ کا اندراج۔