کمپیوٹر نیٹ ورک

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

یہ مقالہ کمپیوٹر نیٹ ورک (Computer Networking) کے متعلق ہے. مزید استعمال کیلئے دیکھئے: جالکار (ضد ابہام)

کمپیوٹر نیٹ ورک ؛ انگریزی: Computer network) باہم متصل کمپیوٹروں کے گروہ کو کہا جاتا ہے۔کسی بھی نیٹ ورک سے متصل کمپیوٹروں کو نیٹ ورک شدہ کمپیوٹر (networked computer) کہا جاتا ہے۔

کمپیوٹر نیٹ ورک کی وسیع خصوصیات کی بناء پر ان کی کئی اقسام بنائی جاسکتی ہیں۔ذیل میں نیٹ ورک کے بنیادی اجزاء کی اقسام و زمرہ جات کے بارے میں عام معلومات فراہم کی جارہی ہیں۔

نیٹ ورکنگ اقسام[ترمیم]

وسعت[ترمیم]

وسعت کی بنیاد پر کمپیوٹر نیٹ ورکنگ کو لوکل ایریا نیٹ ورک ، وسیع علاقائی جالکار (Wide Area Network) اور ام البلادی علاقائی جالکار (Metropolitan Area Network) میں جماعت بند کیا جاسکتا ہے۔


طریقۂ اتصال[ترمیم]

کمپیوٹر نیٹ ورکنگ کو اُن میں استعمال ہونے والی کمپیوٹر سافٹ وئیری طرزیات پر بھی تقسیم کیا جاسکتا ہے. مثلاً بصری ریشہ (Optical Fibre)، ایتھرنیٹ (ethernet) اور وائرلیس لائن (Wireless LAN) وغیرہ۔

فعلی تعلق (جالکاری شکلِ تعمیر)[ترمیم]

کمپیوٹر نیٹ ورکنگ کو اُن میں موجود عناصر کے درمیان فعلی تعلق پر جماعت بند کیا جاسکتا ہے. مثلاً فعال نیٹ ورکنگ (Active networking)، کلائنٹ سرور (Client-Server) اور ہمتا بہ ہمتا (گروہِ کار) (Peer-to-Peer/P2P) طرزِتعمیر۔


مزید تفصیل کیلئے دیکھئے: جالکاری مقامیات

اقسام[ترمیم]

وسعت کی ترتیب پر سب سے عام جالاتِکار کی اقسام درج ذیل ہیں:

ذاتی علاقائی جالِکار(Personal Area Network/PAN)[ترمیم]

ذاتی علاقائی جالِکار ایک شمارندی جالِکار ہے جو ایک شخص کے قریبی شمارندی اختراعات کے درمیان اتصال کیلئے استعمال کیا جاتا ہے. کچھ اختراعات جو اِس قسم کے جالِکار میں استعمال ہوتی ہیں اُن میں مطبعے (Printers)، فیکس (Fax mechines)، ہاتف (Telephone)، مفراسات (Scanners) اور ذاتی رقمی معاون (PDAs) وغیرہ شامل ہیں. ذاتی علاقائی جالاتِکار کو شمارندی حافلات جیسے کسح (USB) اور فائر وائر (FireWire) کے ذریعے تاربند کیا جاسکتا ہے.

مقامی علاقائی جالِکار (Local Area Network/LAN)[ترمیم]

مقامی علاقائی جالِکار (جسے مختصراً معاجال بھی کہہ سکتے ہیں) ایک ایسا شمارندی جالِکار ہے جو کسی چھوٹے جغرافیائی علاقہ جیسے گھر، دفتر یا کوئی عمارت وغیرہ کی سرپوشی کرے. حالیہ مقامی علاقائی جالِکار تقریباً ایتھرجال طرزیات پر بنے ہوتے ہیں.

احاطی علاقائی جالِکار (Campus Area Network/CAN)[ترمیم]

ایسا شمارندی جالِکار جو دو یا دو سے زائد معاجالوں (LANs) کو باہم مربوط کرے مگر یہ جالِکار کسی خاص جغرافیائی علاقہ تک محدود ہوتا ہے جیسے کسی کالج کا احاطہ، کارخانوں کا علاقہ یا کوئی عسکری اساس وغیرہ. شمارندی جالِکار کی یہ قسم ام البلادی جالِکار کی ایک قسم سمجھی جاسکتی ہے مگر یہ اُس سے کم علاقے پر محیط ہوتی ہے.

ام البلادی جالِکار (Metropolitan Area Network/MAN)[ترمیم]

ام البلادی جالِکار ایک ایسا شمارندی جالِکار ہے جو دو یا دو سے زائد معاجالوں یا کیمپس علاقائی جالاتِکار کو آپس میں جوڑے. تاہم، یہ شمارندی جالِکار کسی شہر یا قصبے کی حدود کو پار نہیں کرتا.

وسیع علاقائی جالِکار (Wide Area Network/WAN)[ترمیم]

وسیع علاقائی جالِکار ایک ایسا ابلاغیاتی جالِکار ہے جو نسبتاً وسیع علاقے پر کام کرتا ہے (جیسے ایک شہر سے دوسرے شہر تک، یا ایک ملک سے دوسرے ملک تک).

عالمی علاقائی جالِکار (Global Area Network/GAN)[ترمیم]

اِس قسم کی جالِکار کی کوئی خاص تعریف تو سامنے نہیں آئی. تاہم، عموماً اِس کی تعریف کچھ یوں کی جاتی ہے کہ ایک ایسا جالِکار جو سیارچی سرپوشی علاقہ اور لاسلکی علاقائی جالِکاروں پر محمولاتی ابلاغیات کو سہارا دے.


مزید دیکھئے[ترمیم]