گرو ہارلم برنت لاند

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

Gro Harlem Brundtland

پیدائش: 20 اپریل ، 1939 ء

گرو ہارلم برنت لاند ( 2007 )

گرو ہارلم برنت لاند ایک سابقہ نارويجن سیاستدان ہيں. وہ تین بار ناروے کی منتخب وزیراعظم رہی ہيں. ان کا دور حکومت 1981 ميں شروع ہوا ، پھر 1986 سے 1989 ، اور آخری بار 1990 سے 1996 تک وہ ملک کی وزیر اعظم رہی ہيں. گرو ناروے کی پہلی خاتون وزیراعظم اور نارویجن ليبر پارٹی کی 1981 سے 1992 تک پہلی خاتون صدر رہی ہيں.

گرو 20 اپريل 1939 میں ناروے کے دارالحکومت اوسلو میں پیدا ہوئیں . انہوں نے 1963 میں اوسلو یونیورسٹی سے ڈاکٹری کی ڈگری لی ۔ 1965 میں انہوں نے نے ھارورڈ یونیورسٹی سے پبلک ھیلتھ میں ایم اے پاس کیا ۔ 1968 سے 1974 کے دوران گرو نے ڈاکٹر کے طور پر کام کیا ۔

سیاسی زندگی[ترمیم]

گرو 1974 سے 1979 تک ناروے کی لیبر پارٹی کی ماحولیاتی وزیر رہی ہیں ۔ 1981 میں فروری اور اکتوبر کے درمیاں وہ ناروے کی پہلی وزیر اعظم رہی ہیں ۔ 1981 میں انتخابات میں شکست کے بعد انہوں نے نارویجن لیبر پارٹی کی قیادت سنبھالی ۔ اور اپوزیشن لیڈر کا رول ادا کیا ۔ 1986 میں انتخاب جیت کر وہ دوبارہ وزیر اعظم منتخب ہوئیں . ان کا دور حکومت 1989 تک رہا ، اس دوران ناروے معاشی بحران کا شکار ہوا جسکے نتیجے میں گرو 1989 کا انتخاب ہار گئیں ۔ لیکن ان کے بعد قاّْئم ہونے والی دائیں بازو کی حکومت زیادہ عرصے تک نہ چل سکی ، نتیجتا گرو نے 1990 میں دوبارہ اقتدار سنبھالا ۔ اس دوران ناروے کی سیاسی زندگی میں گرو کی ساکھ بہت مضبوط تھی ، تاہم 25 اکتوبر 1996 کو انہوں نے وزارت عظمی سے استعفی دے دیا ۔

1998 میں گرو عالمی ادارہ صحت کی صدر منتخب ہوئیں . 2003 میں انہیں سال کا بہترین پالیسی رہنما قرار دیا گیا لیکن 2003 کے موسم گرما میں انہوں نےاس عہدے سے استعفی دے دیا اور اپنے خاوند کے ساتھ فرانس منتقل ہو گئیں ۔

1908 میں گرو ایک اسکینڈل کا شکار ہوئیں کیونکہ کچھ عرصہ پہلے انہوں نے ناروے میں سرطان کا اپریشن کروایا تھا ، فرانس رہنے کی وجہ سے وہ ناروے کی حکومت کو ٹیکس ادا نہیں کرتیں تھیں اس لئے وہ مفت علاج کی مستحق نہیں تھیں ۔ تاہم گرو نے اعلان کر دیا کہ وہ ناروے میں کرائے گئے اپنے اپریشن کے اخراجات خود ادا کریں گی ، مزید براں وہ ناروے منتقل ہو جائیں گی ۔