اٹلانٹا

 

اٹلانٹا
اٹلانٹا پرچم
تاریخ تاسیس	29 دسمبر 1845
نقشہ
انتظامی تقسیم
ملک	ریاستہائے متحدہ امریکا
دار الحکومت برائے	ریاست جارجیا فلٹن کاؤنٹی، جارجیا
تقسیم اعلیٰ	فلٹن کاؤنٹی، جارجیا ،  ڈیکلب کاؤنٹی، جارجیا
جغرافیائی خصوصیات
متناسقات	33°45′25″N 84°23′25″W
رقبہ	347.996293 مربع کلومیٹر (2016)
بلندی	225 میٹر
آبادی
کل آبادی	498715 (ریاست ہائے متحدہ کی مردم شماری، 2020ء اور مردم شماری ) (1 اپریل 2020)
• گھرانوں کی تعداد	215179 (31 دسمبر 2020)
مزید معلومات
جڑواں شہر	تائی پے (1979–) نورنبرگ (1998–) سالزبرگ یوکنیم کوماسی برسلز شہر مونٹیگو بے ریو دے جینیرو (1972–) لاگوس تولوز نیوکاسل اپون ٹائن (1977–) پورٹ آف اسپین تبلیسی (–10 اکتوبر 1987) اسمارا ایتھنز بخارسٹ کوتونوؤ پکانبارو رعنانہ فوکوکا سالسیدو، ایرماناس میرابال برسلز ڈائے گو (10 نومبر 1981–) سیریبون
اوقات	مشرقی منطقۂ وقت ،  متناسق عالمی وقت−05:00 (معیاری وقت )،  متناسق عالمی وقت−04:00 (روشنیروز بچتی وقت )
سرکاری زبان	انگریزی
رمزِ ڈاک	30060 30301–30322 30324–30334 30336–30350 30353
فون کوڈ	404،  678،  770
قابل ذکر
باضابطہ ویب سائٹ	باضابطہ ویب سائٹ
جیو رمز	4180439

اٹلانٹا، جارجیا

اٹلانٹا، جارجیا

اٹلانٹا، جارجیا

اٹلانٹا امریکہ کی ریاست جارجیا کا دار الحکومت اور بلحاظ آبادی سب سے بڑا شہر ہے۔ جولائی 2005ء کی مردم شماری کے مطابق شہر کی آبادی 4 لاکھ 70 ہزار سے زائد ہے جبکہ شہر کی کل حدود میں واقع آبادی تقریباً 50 لاکھ ہے۔

سیاہ فاموں کا شہر

امریکا میں شہری حقوق کی تحریک کے دوران جنوب کے دیگر شہروں کے مقابلے میں اٹلانٹا نے الگ موقف اختیار کیا اور اپنے ترقی پسندانہ موقف کے باعث تبدیلی مقام کرنے والے افریقی امریکی باشندوں کا مرکز بن گیا اور 1972ء سے سیاہ فام امریکی باشندے شہر کی اکثریت ہیں۔ افریقی امریکی باشندے جلد ہی شہر کی سب سے اہم سیاسی قوت بن گئے اور 1974ء سے اب تک شہر کے تمام ناظمین اور ساتھ ساتھ آگ بجھانے والے ادارے، پولیس اور حکومت کے اعلی عہدے داران کی اکثریت بھی، سیاہ فام ہی ہے۔ شہر سے سفید فاموں کی ہجرت کاسلسلہ 1970ء اور 1980ء کی دہائی میں رہا جس کی وجہ سے 1970ء سے 1990ء کے دوران شہرکی آبادی میں ایک لاکھ کی کمی واقع ہوئی۔ 1980ء میں شہر کے سیاہ فام باشندے کل آبادی کا 69 فیصد تھے جبکہ 2005ء کے مطابق یہ تعداد کم ہو کر اب 54 فیصد رہ گئی ہے۔

سیاہ فاموں کے حقوق کی تحریک کے عظیم رہنما مارٹن لوتھر کنگ جونیئر یہیں پیدا ہوئے تھے اور ان کے مقام پیدائش کو قومی تاریخی مقام کی حیثیت حاصل ہے۔

گرمائی اولمپک کھیل 1996ء

1990ء میں بین الاقوامی اولمپک انجمن نے اٹلانٹا کو صد سالہ گرمائی اولمپک کھیلوں کی میزبانی کا اعزاز بخشا۔ اس طرح سینٹ لوئس اور لاس اینجلس کے بعد 1996ء میں اٹلانٹا امریکا کا تیسرا شہر بنا جسے کھیلوں کے ان عالمی مقابلوں کی میزبانی کا شرف حاصل ہوا۔ اس اعلان کے بعد شہر میں کھیلوں کی تنصیبات اور ذرائع نقل و حمل کی بہتری کے لیے بڑے پیمانے پر ترقیاتی کام ہوئے۔ ان اولمپک کھیلوں کا انعقاد انتہائی شاندار انداز میں ہوا لیکن صد سالہ اولمپک باغ میں ہونے والے بم دھماکے نے ان رنگا رنگیوں کو گہنا دیا۔ اس بم دھماکے کے نتیجے میں دو افراد ہلاک اور 111 زخمی ہوئے تھے۔