ایڈوبی فوٹو شاپ ایک گرافک ایڈیٹنگ سافٹ وئیر ہے۔ ایڈوبی نے 2003ء میں اپنی مصنوعات کے نام تبدیل کیے۔ ایڈوبی فوٹو شاپ 8 کا نام بدل کر ایڈوبی فوٹو شاپ سی ایس رکھ ریا گیا، اس لحاظ سے ایڈوبی فوٹو شاپ سی ایس 6 ایڈوبی فوٹو شاپ کا تیرہواں ورژن ہے۔ ایڈوبی نے سی ایس کی ”دُم“ صرف فوٹو شاپ کے ساتھ ہی نہیں بلکہ اور بہت سے سافٹ وئیرز کے ساتھ لگا کر کچھ کو کم قیمت میں اور کچھ کو زیادہ قیمت میں فروخت کیا۔ ایڈوبی فوٹو شاپ کو بھی دو ایڈیشنز میں جاری کیا گیا۔ ایڈوبی فوٹو شاپ اورایڈوبی فوٹو شاپ ایکسٹینڈ۔ ایڈوبی فوٹو شاپ ایکسٹینڈ میں تھری ڈی تصاویر بنانے کے ساتھ ساتھ متحرک تصاویر بھی بنائی جا سکتی ہیں۔ ایڈوبی فوٹو شاپ ایکسٹینڈ میں کری ایٹیو سوٹ کے تمام فیچر شامل کیے گئے مگر ڈیزائن اسٹینڈرڈ کو ایڈوبی فوٹو شاپ ایڈیشن میں شامل کیا گیا۔ ان دونوں ایڈیشنز کے ساتھ ساتھ ایڈوبی نے فوٹو شاپ ایلیمنٹ اور فوٹو شاپ لائیث روم بھی جاری کیے۔ ان تمام سافٹ وئیر کو ایڈوبی نے "دا ایڈوبی فوٹو شاپ فیملی" کا نام دیا۔ 2008ء میں ایڈوبی نے ایڈوبی فوٹو شاپ ایکپریس جاری کیا جو ایک مفت آن لائن فوٹو ایڈیٹنگ ٹول ہے جو بلاگز اور شوشل نیٹ ورکنگ سائٹس پر براہ راست فوٹو ایڈٹ کر سکتا ہے۔ 2011ء میں اس کا اینڈورائیڈ اورآئی او ایس کے لیے ورژن جاری کیا گیا جبکہ 2013ء میں ونڈوز 8 کے لیے۔ ایڈوبی نے اپنے فوٹو شاپ کو ونڈوز اور میکنٹوش ورژن میں تقسیم کیا ہوا ہے۔
ایڈوبی فوٹو شاپ سب سے پہلے 19 فروری 1990ء کو لانچ کیا گیا۔ اس کا تازہ ترین ورژن (24.1) ہے، جو 13 دسمبر 2022ء کو جاری کیا گیا۔ ایڈوبی فوٹو شاپ کوC++ اور پاسکل وی1.0 میں لکھا گیا ہے۔ اس کے لیے آپریٹنگ سسٹم ونڈوز 7 یا میک او ایس X 10.7 ہونا چاہے۔ ایڈوب فوٹو شاپ 27زبانوں میں دستیاب ہے۔[5]
↑Lextrait، Vincent (جنوری 2010). "The Programming Languages Beacon, v10.0". 25 دسمبر 2018 میں اصل سے آرکائیو شدہ. اخذ شدہ بتاریخ 14 مارچ 2010.الوسيط |url-status= تم تجاهله (معاونت); تحقق من التاريخ في: |access-date=, |date= (معاونت)
