باجی (2019ء فلم)

باجی
ہدایت کار	ثاقب ملک
پروڈیوسر	ثاقب ملک
تحریر	عرفان احمد عرفی
ستارے	عثمان خالد بٹ آمنہ الیاس محسن عباس حیدر علی کاظمی میرا نیر اعجاز
موسیقی	طہ ملک
پروڈکشن کمپنی	پیج 33 فلم
تقسیم کار	اے آر وائی فلمز
تاریخ نمائش	28 جون 2019ء (2019ء-06-28)
ملک	پاکستان
زبان	اردو
بجٹ	6 کروڑ
باکس آفس	11 کروڑ

باجی ایک پاکستانی سنسنی خیز ڈراما فلم ہے جس کی ہدایات ثاقب ملک نے دی ہیں اور اسے اُنھی کی پروڈکشن کمپنی ’پیج 33 فلمز‘ نے پروڈیوس کیا ہے۔ فلم میں عثمان خالد بٹ، آمنہ الیاس، محسن عباس حیدر، میرا، علی کاظمی، نیر اعجاز اور نشو نمایاں کردار نبھا رہے ہیں۔ فلم 28 جون 2019ء کو پاکستان کے سنیما گھروں میں نمائش کے لیے پیش کی جائے گی۔

اداکار

• نیر اعجاز
• میرا بطور سپر اسٹار شمیرا
• عثمان خالد بٹ بطور روہیل خان، معروف فلمی ہدایت کار
• آمنہ الیاس بطور نیہا
• محسن عباس حیدر
• علی کاظمی
• نشو
• مہوش حیات ’’گینگسٹر گڑیا‘‘ آئٹم نمبر میں

کہانی

سپر اسٹار شمیرا (میرا)، ایک بھرپور فلمی کیریئر گزارنے کے بعد، اپنی ڈھلتی عمر کی وجہ سے اپنا مقام کھوتی جا رہی ہیں۔ اسی دوران، وہ گاؤں سے آنے والی نیہا نامی لڑکی (آمنہ الیاس) کو اپنا سیکریٹری رکھتی ہیں۔ بعد ازاں، شوبز انڈسٹری سے تعلق رکھنے والے افراد نیہا کو مستقبل کی کامیاب اداکارہ کے روپ میں دیکھنے لگتے ہیں اور یوں دونوں کے درمیان اختلافات جنم لیتے ہیں۔

نمائش

فلم کی پہلی جھلک 23 اپریل 2019ء کو پیش کی گئی، جبکہ پہلا ٹریلر 30 مئی 2019ء کو ریلیز کیا گیا۔ فلم 28 جون 2019ء کو سنیما گھروں میں نمائش کے لیے پیش کی گئی۔

گیت

باجی
ساؤنڈ ٹریک
صنف	فلمی گیت
زبان	اردو

فہرست

نمبر.	عنوان	بول	گلوکار	طوالت
1.	"کھلتی کلی (فلم: سبق)"	کلیم عثمانی (اصل بول)، عثمان خالد بٹ اور طہ ملک (اضافی بول)	زیب بنگش، طہ ملک، عثمان خالد بٹ
2.	"بدلاں"	شکیل سہیل	زیب بنگش، سعد سلطان
3.	"ایک تو"	شکیل سہیل	زیب بنگش
4.	"گینگسٹر گڑیا"	عثمان خالد بٹ	طہ ملک، سنیدھی چوہان

بیرونی روابط

• باجی آئی ایم ڈی بی پر (انگریزی میں)