بدر الدین حسن

بدر الدین حسن
الملک الناصر
سلطان مصر
دسمبر،1347 – اگست، 1351ء
پیشرو	المظفر حجی
جانشین	الصالح صالح
شریک حیات	طلبیہ بنت عبداللہ الناصری
نسل	احمد قاسم ابراہیم علی اسکندر شعبان اسماعیل یحیی موسی یوسف محمد
مکمل نام الملک الناصر بدرالدین حسن ابن محمد ابن قلاوون
خاندان	قلاوون
والد	الناصر محمد
پیدائش	سن 1334 یا 1335ء قاہرہ، م۔لوک سلطنت مصر
وفات	17 مارچ، 1361ء (27 سال)
مذہب	اسلام

الناصر بدر الدین حسن بن محمد بن قولون (1334/35–17 مارچ 1361)، جسے ناصر حسن کے نام سے جانا جاتا ہے، مصر کا مملوک سلطان تھا اور ناصر محمد کا ساتواں بیٹا تھا جس نے اقتدار سنبھالا اور سنہ 1347ء سے1351ء اور سنہ 1354ء سے 1361ء تک دو بار حکومت کی۔ اپنے پہلے دور حکومت کے دوران، جس کا آغاز اس نے 12 سال کی عمر میں کیا، سینئر مملوک امیر جو پہلے ناصر محمد سے تعلق رکھتے تھے، نے ان کی انتظامیہ پر غلبہ حاصل کر لیا، جبکہ ناصر حسن ایک رسمی سلطان رہ گیا۔ اسے سنہ 1351ء میں اس وقت معزول کر دیا گیا جب اس نے انتظامی اختیار حاصل کرنے کی کوشش کی جو اعلیٰ امیروں کی ناراضی کا سبب بن گئی۔ تین سال بعد ان کے بھائی سلطان الصالح صالح کے خلاف امیر شیخو اور سرگتمش کی بغاوت کے نتیجے میں اسے دوبارہ تخت پر بحال کر دیا گیا۔

اپنے دوسرے دور حکومت کے دوران، ناصر حسن نے سرکردہ امیروں کے خلاف چال چلی، انھیں اور ان کے حامیوں کو بتدریج قید، جبری جلاوطنی اور پھانسی کے ذریعے انتظامیہ سے پاک کیا۔ اس نے بہت سے مملوکوں کی جگہ اولاد الناس ( مملوکوں کی اولاد) کو تعینات کیا جنہیں اس نے زیادہ قابل اعتماد، قابل اور عوام میں مقبول پایا۔ الناصر حسن کو اس کے اپنے مملوکوں میں سے ایک، یلبوغہ العمری نے قتل کر دیا، جس نے ایک دھڑے کی سربراہی کی جو الناصر حسن کی اولاد الناس کی پالیسی کے خلاف تھا۔ اپنے دوسرے دور حکومت کے دوران، ناصر حسن نے قاہرہ میں سلطان حسن مسجد-مدرسہ کمپلیکس کے ساتھ ساتھ قاہرہ، یروشلم، غزہ اور دمشق میں دیگر مذہبی تعمیرات کا آغاز کیا۔