جوہر دودائیف

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

جوہر موسائیوچ دودائیف (چیچن : دوون موسی کانت جوہر ؛ اردو : جوہر ولد موسی دودن ) (فروری 1941ء - 21 اپریل 1996ء) ایک سویت ایئر فورس جنرل اور چیچن رہنما تھے ۔ وہ شمالی قفقاز میں روس تے علیحدگی اختیار کرنے والی ریاست چیچن جمہوریہ اشکیریہ کے پہلے صدر تھے ۔


ابتدائی زندگی اور فوجی کیریئر[ترمیم]

جوہر دودائیف 1944ء میں ، غیر قانونی قرار دی گئی "چیچن انگوش خودمختار سویت جمہوریہ " میں اپنے آبائی گاؤں "یالخوروئی" سے جبری بے دخلی ( جوزف ستالین کے حکم سے تمام چیچن ، انگوش ، بالکار ، کلمیک ، کریمیائی تاتار اور دوسری چھوٹی قومیتوں کے ساتھ) کے دوران پیدا ہوئے ۔ انہوں نے اپنے زندگی کے پہلے 13 سال قازاق سویت سوشلسٹ جمہوریہ میں اندرونی جلاوطنی میں گزارے ۔

1957ء میں جبری بے دخلی کے بعد چیچن اور انگوشوں کی اپنے علاقوں میں واپسی کے بعد انہوں نے چیچن انگوشتیا میں شام کے ایک سکول میں داخلہ لیا اور الیکٹریشن ڈپلومہ لیا ۔ 1962ء میں ، ولادی قفقاز میں دو سال الیکٹرونکس پڑھنے کے بعد ، وہ تمبوف کے پائیلٹوں کے لئے ہائر ملٹری ایوی ایشن سکول میں داخل ہوئے ، جہاں سے 1966ء میں گریجوئیشن کی ۔ دودائیف نے 1968ء میں سویت یونین (سویت اتحاد) کی کیمونسٹ پارٹی میں شمولیت اختیار کی اور 1971ء تا 1974ء اعلی میعار کی گیگارین ایئر فورس اکیڈیمی میں تعلیم حاصل کی ۔

انہوں نے ،ایک روسی شاعرہ "آلا" سے شادی کی ، جس سے ان کے تین بچے ہیں ۔

دودائیف نے سائیبیریا اور یوکرین میں سویت فضائیہ کی ہیوی بمبار یونٹ میں خدمات سرانجام دیں اور افغانستان میں سویت جنگ میں بھی حصہ لیا ۔ وہ سویت فضائیہ میں اس وقت نمایاں ہوئے ، جب 1987ء میں انہوں نے میجر جنرل کے رینک کے ساتھ ، تارتو اسٹونیا میں سویت سٹریٹیجک ایئر فورس کے ایئر بیس کی کمانڈ سمبھالی ۔ دودائیف نے اسٹونی زبان سیکھی اور اسٹونوی قوم پرستی کے لئے نرم گوشہ رکھا ، جب انہوں نے اسٹونوی پارلیمنٹ اور ٹیلی ویژن کو بند کرنے کے احکامات پر عمل درآمد کروانے کی بجائے ، ایک فوجی گشتی باورچی خانہ وہاں بھیجا۔ 1990ء میں اس کے ایئر ڈویژن کا اسٹونیا سے انخلا عمل میں آیا اور دودائیف نے سویت فوج سے استیفی دے دیا ۔


چیچن سیاست[ترمیم]

مئی 1990ء میں دودائیف ، چیچنیا کے دارالحکومت گروزنی لوٹ آیا اور خود کو مقامی سیاست کے لئے وقف کر دیا ۔ وہ غیرسرکاری حزب اختلاف "چیچن لوگوں کی کل قومی کانگرس"(آل نیشنل کانگرس آف دی چیچن پیپل) کے سربراہ منتخب ہوئے ، جو چیچنیا کی سویت یونین کی علیحدہ جمہوریہ کے طور پر حاکمیت اعلی کی وکالت کرتی تھی (جب کے اس وقت چیچن انگوش خودمختار جمہوریہ کی حثیت "روسی وفاقی سویت سوشلسٹ جمہوریہ کی ایک خودمختار جمہوریہ کی تھی) ۔