رانا سانگا

1529ء

اصل نام رانا سنگرام سنگھ ۔ چتوڑ کا مشہور راجپوت سردار ۔ اس کے جسم پر تلوار اور نیزوں کے زخموں کے اسی نشان موجود تھے۔ اس نے بابر کو ہندوستان پر حملہ کرنے کی ترغیب دی تھی ۔ لیکن اسے یہ بات پسند نہ تھی کہ بابر ہندوستان پر قبضہ کر لے ۔ چنانچہ جب بابر ابراہیم لودھی کو پانی پت کے میدان میں شکست دے کر شمالی ہند کا بادشاہ بن گیا تو رانا نے اس کے مقابلے کی ٹھانی اور 1527ء میں کنواہہ کے مقام پر مقابلہ کیا، شکست کھائی اور میدان جنگ سے بھاگ گیا ۔ اس واقعے کے دو سال بعد فوت ہو گیا۔