زائچہ

آزاد دائرۃ المعارف، ویکیپیڈیا سے
Jump to navigation Jump to search

علم نجوم میں کسی بھی مخصوص وقت اور مقام پر کواکب کی بروج اور بیوت میں پوزیشن کے نقشے کا نام زائچہ ہے۔ اس کو عربی میں مخططات الابراج، سنسکرت میں راشی چکر، ہندی میں کنڈلی (جنم پتر) اور انگریزی میں ہورو اسکوپ یا چارٹ کہتے ہیں۔

مبادیات[ترمیم]

علم نجوم میں ہر زائچہ بارہ خانوں پر مشتمل ہوتا ہے جس میں کواکب و بیوت کی 12 بروج میں پوزیشن درج ہوتی ہیں۔ کواکب یعنی سیارگان کو کبھی ان کے مخخف سے اور کبھی علامات سے ظاہر کیا جاتا ہے۔ زائچہ کا پہلا خانہ، طالع کہلاتا ہے۔ مغربی یا یونانی طرز پر بنے زائچے دائرہ نما جبکہ ہندی اور عرب طرز پر بنے زائچے مربع نما ہوتے ہیں۔

بنیادی ریاضی اور علم ہیئت سے شد بد رکھنے والا کوئی بھی شخص بآسانی زائچہ بنا سکتا ہے۔ اس کی مثال بالکل ٹگ آف وار گیم یا کسی عمارت کے نقشے کی سی ہے۔ پاکستان میں اکثر لوگ زائچہ کو کواکب کی پوزیشن کی بجائے تعویز، نقش، علم الاعداد یا دست شناسی سے اخذ کردہ مرموز شے سمجھ لیتے ہیں جو درست نہیں۔ کمپیوٹر کی ترویج اور روز بروز بڑھتی مہارت کے باعث اب زائچہ کشید کرنے کے کئی سافٹ ویئر انٹر نیٹ پر دسیتاب ہیں جو کسی بھی مقام اور وقت کے لیے نہ صرف سیارگان کی درست ترین پوزیشن بلکہ متعلقہ ذیلی زائچے، قوت و ضعف، نظرات، ادوار(دشا) اور حرکات کواکب (گوچر) کے جدول لمحوں میں تخمین کرسکتے ہیں۔ اس ضمن میں ہندوستان اور امریکہ کا تحقیقی کردار قابل ستائش ہے۔

اقسام[ترمیم]

  • زائچہ پیدائش (جنم کنڈلی)
  • وقتی زائچہ (پرشن کنڈلی)
  • ملکی زائچہ (راجیا کنڈلی)
  • سالانہ و ماہانہ زائچہ (ورش پھل کنڈلی)
  • اختیاری زائچہ (مہورت کنڈلی)

اقسام بلحاظ ظاہری شکل[ترمیم]

  • یونانی غیر گھڑی وار دائرہ نما (ساکن بیوت، متحرک بروج)
  • یورپی غیر گھڑی وار مربع نما (ساکن بیوت، متحرک بروج)
  • عرب اور تاجک غیر گھڑی وار مربع نما (ساکن بیوت، متحرک بروج)
  • شمالی ہند غیر گھڑی وار مربع نما (ساکن بیوت، متحرک بروج)
  • مشرقی ہند غیر گھڑی وار مربع نما (ساکن بروج، متحرک بیوت)
  • جنوبی ہند گھڑی وار مربع نما (ساکن بروج، متحرک بیوت)

حوالہ جات[ترمیم]