سدرشن

آزاد دائرۃ المعارف، ویکیپیڈیا سے
Jump to navigation Jump to search
سدرشن
معلومات شخصیت
پیدائش سنہ 1896  ویکی ڈیٹا پر تاریخ پیدائش (P569) کی خاصیت میں تبدیلی کریں
سیالکوٹ، برطانوی ہند  ویکی ڈیٹا پر مقام پیدائش (P19) کی خاصیت میں تبدیلی کریں
وفات سنہ 1967 (70–71 سال)  ویکی ڈیٹا پر تاریخ وفات (P570) کی خاصیت میں تبدیلی کریں
دہلی، بھارت  ویکی ڈیٹا پر مقام وفات (P20) کی خاصیت میں تبدیلی کریں
شہریت British Raj Red Ensign.svg برطانوی ہند
Flag of India.svg بھارت  ویکی ڈیٹا پر شہریت (P27) کی خاصیت میں تبدیلی کریں
عملی زندگی
پیشہ افسانہ نگار، ڈراما نگار، مترجم  ویکی ڈیٹا پر پیشہ (P106) کی خاصیت میں تبدیلی کریں
پیشہ ورانہ زبان اردو، ہندی  ویکی ڈیٹا پر زبانیں (P1412) کی خاصیت میں تبدیلی کریں
P literature.svg باب ادب

بدری ناتھ شرما، قلمی نام پنڈت سدرشن (پیدائش: 1896ء – وفات: 1967ء) بھارت سے تعلق رکھنے والے ہندی اور اردو زبان کے نامور افسانہ نگار، ڈراما نگار اور مترجم تھے۔ سدرشن 1896ء میں سیالکوٹ میں پیدا ہوئے۔ ان کا اصل نام پنڈٹ بدری ناتھ شرما تھا۔ پنجاب سے تعلق رکھتے تھے۔ ان کا ادبی کیریئر وہیں پروان چڑھا۔ بدری ناتھ شرما ایک رئیس زمین دار کے بیٹے تھے۔ انہوں نے ادب میں بی اے کیا تھا۔ اردو روزنامچہ ہزار داستان کے لیے لکھ کر ادبی سفر کا آغاز کیا۔[1] لاہور کے ادبی مرکز سے جو گروپ اُبھرا اس کے افسانہ نگاروں میں سدرشن نے خاصا نام پیدا کیا۔ وہ منشی پریم چند کی روایت کے نمائندہ ادیب تھے۔ ان کی نمایاں خوبی زبان و بیان اور خیال کی سادگی ہے۔ جذبات کی ترجمانی کا سلیقہ رکھتے تھے۔ پنڈت سدرشن کے افسانوں کا رخ شہر سے دیہات تک ہے۔ سماجی زندگی کے نقوش ان کے یہاں بہت گہرے ہیں۔ ان کردار زیادہ تر متوسط طبقے سے تعلق رکھتے ہیں۔ انہوں نے ہندی اور اردو دونوں زبانوں میں لکھا ہے۔ پہلی کہانی ہارجیت 1920ء میں شائع ہوئی ۔ ان کے افسانوں کے مجموعوں کی تعداد دس ہے۔ ان کے افسانوی مجموعوں میں کنجِ عافیت، قدرت کے کھیل، پارس، چٹکیاں، سولہ سنگھار، آزمائش، چندن، سدا بہار، تہذیب کے تازیانے اور بے گناہ مجرم شامل ہیں۔ ان کے ڈراموں کے مجموعوں میں عورت کی محبت، مہا بھارت، آنریری مجسٹریٹ، اندھے کی دنیا، محبت کا انتقام، قوم پرست اور وجے سنگھ شامل ہیں ہے۔ دیانند پرکاش ان کے تراجم میں شامل ہے۔ ان کا انتقال 1967ء میں دہلی، بھارت میں ہوا۔ [2]

پنڈت سدرشن ابتدائی 1930 عیسوی کی دہائی میں بھارتی سنیما کے حصہ تھے۔ انہوں نے کلاسیک اسٹوڈیو کے دور کی فلموں کو عملی جامہ پہنایا اور ہندی سنیما میں ادب کے کردار کو افزوں کیا۔[1]

حوالہ جات[ترمیم]

  1. ^ ا ب "پنڈت سدرشن۔۔۔کون ہیں؟"۔ سینستان (انگریزی زبان میں)۔
  2. جامع اردو انسائیکلوپیڈیا (جلد اول) ادبیات، قومی کونسل برائے فروغ اردو زبان، نئی دہلی، 2003ء، صفحہ 307