سوہاوہ

آزاد دائرۃ المعارف، ویکیپیڈیا سے
Jump to navigation Jump to search
سوہاوہ
سوہاوہ
ملک پاکستان
صوبہ پنجاب
ضلع جہلم
منطقۂ وقت پاکستان کا معیاری وقت (UTC+5)

تحصیل سوہاوہ ضلع جہلم(انگریزی: Sohawa) پاکستان کا ایک رہائشی علاقہ جو پنجاب، پاکستان میں واقع ہے سوہاوہ کی مختصر تاریخ تحصیل سوہاوہ ضلع جہلم کی چار تحصیلوں میں سے ایک ہے۔ سوہاوہ گاؤں کے نام پر اس علاقے کو یہ نام دیا گیا۔ راجپوتوں کی قوم 'سوہا' یا 'سوہاوہ' نامی ہندو نے اسے 639ھ/ 1241ء میں آباد کیا۔[1]یہ مجموعی علاقہ قدیم دور سے ''پبی'' کے نام سے موسوم ہے۔ قوم کسوال (مہاجود کے لڑکے کیاس خان کی اولاد) 810ھ/1407ء میں یہاں آباد ہوئی۔ اکبر کے دور میں یہ علاقہ سلطان جلال خان کو منصب میں عطا ہوا۔ 1121ھ /1709ء میں بہادر شاہ بادشاہ نے روؤسائے پھ رہالہ سے یہ علاقہ لے کر گکھڑان میرپور کو اجارہ پر دے دیا۔ احمد شاہ درانی نے 1163ھ/1750ء میں یہ علاقہ سلطان مقرب خان گکھڑ کو یہ علاقہ منصب میں عطا کیا۔ 1177ھ/1763ء میں گوجر سنگھ بھنگی اور پھر سرداران اٹاری کے قبضہ میں رہا۔[2]سلطنت برطانیہ کی عملداری میں آنے کے بعد 1849ء میں راولپنڈی کو ضلع بنایا گیا تو اس علاقے کو راولپنڈی میں شامل کیا گیا، 1851ء میں اسے راولپنڈی سے ضلع جہلم میں منتقل کر دیا گیا۔[3]اسے تحصیل کا درجہ ملنے سے پہلے تحصیل جہلم کے ایک تھانہ کی حیثیت حاصل تھی۔ 1850ء میں دھمیک (تحصیل سوہاوہ) کو تھانہ مقرر کیا گیا جبکہ 1864ء میں کرنل پرسٹو ڈپٹی کمشنر کے دور میں تھانہ، سوہاوہ کے قصبے میں منتقل کر دیا گیا اور 1985ء میں اسے تحصیل کا درجہ دے دیا گیا جس کی 10 یونین کونسلیں مقرر کی گئیں:1 پنڈ متےخان 2 پیل بنے خان 3 لہڑی 4 کوہالی 5 ڈومیلی 6 پهلڑے سیداں 7 سوہاوہ 8 ججیال 9 نگیال 10 ادرنا۔[4]

مزید دیکھیے[ترمیم]

حوالہ جات[ترمیم]

  1. راے زادہ برج ناتھ، وجہ تسمیہ پرگنہ دان گلی و پھ رہالہ
  2. تاریخ پبی، 1938ء، راجا کفایت علی خان پنوار رئیس اعظم جندوٹ سوہاوہ
  3. جہلم گزٹیر، کلکتہ سنٹرل پریس کمپنی، 1884ء، ص47
  4. انگریزی ویکیپیڈیا کے مشارکین۔ "Sohawa"۔