معاونت:تعارف اسلوب نامہ/3

آزاد دائرۃ المعارف، ویکیپیڈیا سے
Jump to navigation Jump to search



اسلوب نامہ
گنجینہ ہدایات


مضامین کے قطعے
مضامین کو قابل مطالعہ بنائیں


تصویریں اور حوالے
مواد کو مزین کریں


ربط کاری
دائرۃ المعارف کو باہم مربوط کریں


اسلوب نگارش
دلکش اسلوب نگارش کا خیال رکھیں


خلاصہ
سابقہ ہدایات پر طائرانہ نظر ڈالیں




مضامین میں تصویروں کی موجودگی معلومات کے ابلاغ میں معاون ہوتی ہیں اس لیے متعلقہ تصویریں موزوں مقامات پر ضرور چسپاں کریں لیکن تصویروں کا غیر ضروری یا بے تحاشا استعمال ان کی مقصدیت کو فنا کر دیتا ہے۔ مزید برآں مضمون کے مندرجات کو حوالوں سے لازماً مزین کریں، بالخصوص ان معلومات کے حوالے ناگزیر سمجھے جاتے ہیں جو بظاہر بے اصل یا متنازع معلوم ہوں۔


تصویریں

مضامین میں تصویروں کا استعمال قارئین تک معلومات کی ترسیل کو مزید سہل، پرکشش اور موثر بناتا اور افہام و تفہیم کے عمل کو آسان کرتا ہے۔ اگر آپ کے پاس ایسی تصویریں موجود ہوں جو متعلقہ موضوع کا بہتر احاطہ کرتی ہیں انہیں مضمون میں ضرور شامل کریں۔ تصویروں کو بناتے، منتخب کرتے یا اپلوڈ کرتے وقت اس کی کوشش کریں کہ وہ اعلی معیار اور ہائی ریزولوشن (1024×768) کی ہوں اور مناسب فارمیٹ میں رکھی گئی ہوں۔


مضمون کے مختلف قطعات میں مختلف لیکن متعلقہ تصویریں چسپاں کی جا سکتی ہیں۔ تصویروں کو شامل کرتے وقت ان کا مختصر تعارف (کیپشن) بھی لکھیں۔ اردو ویکیپیڈیا میں طے شدہ طور پر تصویریں بائیں جانب ظاہر ہوتی ہیں تاکہ مضمون کے مندرجات کا تسلسل باقی رہے۔ تاہم بوقت ضرورت انہیں دائیں جانب بھی کیا جا سکتا ہے۔ بہت سے مضامین میں آپ کو نگارخانہ کی سرخی بھی دکھائی دے گی جس کے تحت موضوع سے متعلق متعدد تصویروں کو یکجا رکھا جاتا ہے۔ نیز بعض مضامین میں پنوراما شکل میں بھی تصویریں دکھائی دیں گی۔

تصویروں کے بے تحاشا اور غیر ضروری استعمال سے گریز کریں تاکہ مندرجات پر قارئین کی توجہ برقرار رہے۔


حوالہ دہی

  • زیادہ اقتباسات درج نہ کریں
  • قابل اعتماد اور معتبر مراجع سے استفادہ کریں
  • اپنے مراجع اور مصادر کو بطور حوالہ درج کریں
  • اندراج حوالہ کے لیے ویکیپیڈیا کا متعین اسلوب اور مقررہ ٹیگ استعمال کریں جس کے بعد تمام حوالے مضمون کے نچلے حصہ میں یکجا نظر آتے ہیں

متنازع یا بظاہر بے اصل معلومات کو بدون حوالہ درج نہ کریں۔ نیز کسی کا اقتباس نقل کریں، کسی زندہ شخصیت کی سوانح عمری لکھیں یا کوئی تصویر اپلوڈ کریں تو ماخذ لازماً درج کریں۔ حوالوں کے اندراج کے وقت اس بات کا خصوصی خیال رکھیں کہ مآخذ کی ضروری تفصیلات مکمل درج ہوں تاکہ بوقت ضرورت دیگر صارفین انہیں بآسانی جانچ سکیں۔


تصویروں کی طرح حوالوں کے اندراج کا بھی ایک متعین طریقہ ہے (بعض تاریخی مضامین کے استثنا کے استثنا کے ساتھ جن میں بین القوسین حوالے رکھے جاتے ہیں)۔ نئے حوالوں کو شامل کرتے وقت اسی متعین طریقہ کو اختیار کریں۔ اس طریقہ پر شامل کردہ حوالے "حوالہ جات" کی سرخی ("مزید دیکھیے" کی سرخی کے نیچے اور "بیرونی روابط" کے اوپر) کے تحت از خود نظر آنے لگتے ہیں۔