معاونت:ٹول سرور میں کام کا آغاز

آزاد دائرۃ المعارف، ویکیپیڈیا سے
Jump to navigation Jump to search

براہ کرم اس مضمون کو پڑھنے سے قبل آغاز پائیتھون روبہ پڑھ لیں۔

ٹول سرور میں داخل نوشتگی کا منظر

ویکیمیڈیا ٹول سرور (انگریزی: wikimedia toolserver) بہت سے ویب سرور کا مجموعہ ہے جسے ویکیمیڈیا منصوبوں کے لیے لکھے گئے آلات تک مشترکہ رسائی کے لیے استعمال کیا جاتا ہے۔

اندراج[ترمیم]

ٹول سرور پر روبہ چلانے کے لیے وہاں کھاتہ ہونا شرط ہے، لیکن اس پر کھاتہ بذات خود نہیں بنایا جاسکتا بلکہ اس کے لیے درخواست دینی ہوتی ہے۔ درخواست دینے سے قبل آپ اپنے ان کاموں کا تعین کر لیں جو ٹول سرور کے ذریعہ کرنا چاہتے ہیں۔ اگر آپ روبہ چلانا چاہتے ہیں تو دو باتوں کا تعین ضروری ہے:

  1. آپ کا روبہ کس زبان میں لکھا گیا ہے۔
  2. آپ روبہ سے کیا کام لینا چاہتے ہیں۔ واضح رہے کہ بین الویکی روابط کے لیے ٹول سرور پر نیا کھاتہ دینا بند کردیا گیا ہے۔

اس کے بعد کھاتہ بنانے کے لیے یہاں درخواست دیں، اس سے قبل وہاں موجود ہدایات کا بغور مطالعہ بھی فرمالیں تاکہ آئندہ کسی قسم کی دشواری پیش نہ آئے، اور اپنی درخواست میں وضاحت کے ساتھ اپنے روبہ کی پروگرامنگ زبان اور مقصد تحریر کریں۔ درخواست دینے کے بعد اپنا عدد درخواست محفوظ کرلیں اور وقتاً فوقتا اپنی درخواست کا جائزہ لیتے رہیں۔ بقیہ معلومات درج بالا ربط میں تفصیلاً موجود ہیں۔

کلید بنانا[ترمیم]

نمائش پوٹی جین

کھاتہ بنانے سے قبل ٹول سرور کے عہدیداران ایک قسم کی کلید (key) طلب کریں گے جسے آپ کو مطلوبہ معلومات کے ساتھ منسلک کرنا ہوگا۔ اس کلید کو بنانے کے لیے آپ ایک پروگرام putty generator یہاں سے حاصل کرلیں۔

  1. پروگرام کو اپنے کمپیوٹر میں کھولیں۔
  2. Generate نامی بٹن پر کلک کریں اور اپنے ماؤز (mouse) کو حرکت دیتے رہیں، کچھ ہی دیر میں چند لاطینی حروف پر مشتمل ایک عبارت نظر آجائے گی۔
  3. اب یہاں پر نیچے کے جانب Key passphrase اور Confirm passphrase کے سامنے خانے موجود ہونگے، ان دونوں خانوں میں اپنا پاس ورڈ تحریر کریں، خیال رہے کہ آپ کو یہاں ٹول سرور پر اپنے کھاتہ میں داخل ہونے کے لیے استعمال ہونے والا پاس ورڈ لکھنا ہوگا۔ اسی پاس ورڈ کے ذریعہ آپ ٹول سرور میں داخل ہو سکیں گے، اس لیے اسے یاد رکھیں۔
  4. اب generate پر کلک کردیں نیز public key اور private key کو محفوظ (save) کرلیں۔

کلید بننے کے بعد[ترمیم]

اب ٹول سرور کے عہدیداران آپ سے جو کلید طلب کررہے ہیں اس کے لیے آپ انہیں public key ارسال کردیں اور private key کو اپنے پاس خصوصی طور پر محفوظ رکھیں، اور اس بات کا خیال رکھیں کہ یہ کلید صرف آپ کی دسترس میں ہو۔

ٹول سرور میں داخل نوشتگی[ترمیم]

ونڈوز میں ٹول سرور پر روبہ متحرک کرنے کرنے کے لیے برنامج پوٹی زیراثقال کرلیں۔

  • ٹول سرور پر کھاتہ تخلیق ہونے کے بعد putty کو کھولیں اور host name کے ذیل میں
willow.toolserver.org

تحریر کریں اور Connection->SSH->Auth میں جاکر کمپیوٹر میں SSH key private جہاں آپ نے محفوظ کی تھی، اس کی راہ (path) کا تعین کردیں۔

  • اب Window>Translation میں جائیں UTF-8 کو منتخب کرلیں۔
  • اس کے بعد Conection>Data میں جائیں اور Autologin-username کے سامنے اپنا صارف نام جو آپ نے ٹول سرور پر منتخب کیا ہے، یا آپ کو بذریعہ برقی ڈاک دیا گیا ہے تحریر کریں۔
  • ان سب کے بعد Session میں جائیں اور ان تبدیلیوں کو محفوظ (save) کرلیں، واضح رہے کہ آپ نے تبدیلیوں کو محفوظ نہیں کیا تو ہر مرتبہ آپ کو ان تمام مراحل سے گزرنا ہوگا۔
  • اب open پر طق کریں اور اپنا کلمہ شناخت جو آپ نے کلید بناتے وقت منتخب کیا تھا تحریر کریں، واضح رہے کہ آپ کو یہاں کلمہ شناخت درج ہوتا ہوا نظر نہیں آئے گا۔
  • جیسے ہی آپ ٹول سرور میں داخل ہونگے، تصویرِ ذیل آپ کے سامنے ہوگی۔
Wikimedia Community Logo-Toolserver.svg willow.toolserver.org - PuTTY

زبراثقال املاف بر ٹول سرور[ترمیم]

ٹول سرور پر اپنے کھاتہ میں موجود املاف دیکھنے یا زبراثقال کرنے کے لیے برنامج ون ایس سی پی کو استعمال کریں۔
ون ایس سی پی (winscp) میں بھی داخل ہونے کا طریقہ کار بالکل پوٹی کے مشابہ ہے، یعنی اپنا اسم صارف اور private key داخل کریں اور ون ایس سی پی کو استعمال کریں۔

ون ایس سی پی[ترمیم]

ون ایس سی پی (winscp) جس میں دائیں جانب کمپیوٹر پر موجود املاف اور بائیں جانب ٹول سرور کے کھاتہ میں زبراثقال شدہ املاف نظر آرہی ہیں۔

ون ایس سی پی میں داخل نوشتہ ہونے کے بعد دائیں جانب ذاتی کمپیوٹر پر موجود فائلیں نظر آئیں گی، جبکہ بائیں جانب ٹول سرور پر آپ کے کھاتہ میں جو فائلیں ہونگی وہ نظر آئیں گی۔ اپنے کمپیوٹر سے جس فائل کو ٹول سرور پر رکھنا چاہتے ہیں دائیں جانب سے اس کو ماؤز (mouse) سے پکڑ کر بائیں جانب لائیے اور چھوڑ دیجیے۔ اب فائل کی توسیع طلب کی جائے گی؛ اگر پائیتھون روبہ کی کوئی فائل ہو تو نقطہ (.) کے بعد محض py لکھ دیں، اسی طرح فائل کی توسیعات درج کی جاتی ہیں۔ اگر کوئی folder ہو تو توسیع درج کرنے کی ضرورت نہیں ویسے ہی ok کردیں۔