غدہ فوق الکلیہ

غدہ فوق الکلیہ
دروں افرازی نظام
Adrenal gland
تفصیلات
نظام	Endocrine
شریان	superior suprarenal artery, middle suprarenal artery, Inferior suprarenal artery
ورید	suprarenal veins
عصب	celiac plexus, renal plexus
لمف	lumbar glands
شناخت کنندگان
لاطینی	glandula suprarenalis
میش	properties
TA98	A11.5.00.001
TA2	properties
FMA	9604
تشریحی اصطلاحات

غدۂ فوق الکلیہ یا غدۂ کلاہ گردہ (ایڈرینل غدود) یہ دروں افرازی غدود ہیں اور گردوں کے بالائی حصے پر واقع ہوتے ہیں۔ یہ دروں افرازی نظام (Endocrine system) کا ایک حصہ ہیں۔ یہ غدود مخصوص کیمیائی مرکبات پیدا کرتے ہیں۔ یہ مرکبات ہارمون کہلاتے ہیں۔ ہارمون جسم کے افعال کو کنٹرول کرنے کے لیے براہ راست خون میں شامل ہو جاتے ہیں۔ ہر ہارمون جسم میں ایک مخصوص فعل کو کنٹرول کرتا ہے۔

غدہ فوق الکلیہ کے دو حصے ہوتے ہیں: قشر الکلیہ / ایڈرینل کارٹیکس (بیرونی جانب ) اور لب الکلیہ / ایڈرینل میڈولا (اندرونی جانب)۔ ایڈرینل کارٹیکس کے ہارمونوں میں سے کئی ہارمون جسم میں شکر کے استعمال کو باقاعدہ بناتے ہیں۔ شکر جسم کے لیے توانائی کا ایک ذریعہ ہے۔ یہ ہارمون خون میں نمک کی مقدار کو بھی اعتدال پر رکھتے ہیں۔ اگر یہ اپنا کام کرنا بند کر دیں تو موت واقع ہو سکتی ہے۔

خوف یا غصے کی حالت میں ایڈرینل غدود زیادہ مقدار میں ایڈرینالین ہارمون خارج کرنا شروع کر دیتا ہے۔ ایڈرینالین کے زیادہ افراز کی وجہ سے عضلات میں کھچاؤ پیدا ہونے سے برفانی چیتے کے بال کھڑے ہو گئے اور وہ غزاتا دکھائی دے رہی ہے۔

ایڈرینل کارٹیکس اس وقت ہارمون بناتا ہے جب دماغ کی بنیاد پر واقع غدۂ نخامیہ (پیچوٹری غدود) کا ایک ہارمون ACTH ایڈرینل غدود کو اس کام کی تحریک (Stimulation) دیتا ہے۔ ایڈرینل کاٹیکس کا سب سے معروف ہارمون کورٹیسول ہے۔

جب ایڈرینل غدود میڈولا دماغ سے ایک خاص اشارہ وصول کرتا ہے، تو یہ ایک ہارمون کلاہ گردہ (ایڈرینالین) بناتا ہے۔ یہ ہارمون دباؤ کی حالت میں جسم کو زیادہ توانائی دیتا ہے۔ اگر کوئی شخص خوفزدہ ہو تو وہ عام حالت کے مقابلے میں زیادہ تیزی سے اور دیر تک بھاگ دوڑ سکتا ہے۔ کیونکہ ایڈرینالین اس کے خون میں شامل ہو چکا ہوتا ہے۔ جب کوئی شخص خوف کی حالت میں ہوتا ہے لیکن بھاگتا نہیں، تو ایسی صورت میں دوران خون میں شامل ایڈرینالین کی وجہ سے اس کے ہاتھ پاؤں کانپنے لگتے ہیں۔