کرشنا سوبتی

کرشنا سوبتی
(ہندی میں: कृष्णा सोबती)
معلومات شخصیت
پیدائش	18 فروری 1925ء   گجرات
وفات	25 جنوری 2019ء (94 سال)  نئی دہلی
وجہ وفات	نمونیا
شہریت	بھارت (26 جنوری 1950–) ڈومنین بھارت
عملی زندگی
پیشہ	مصنفہ ،  مضمون نگار
پیشہ ورانہ زبان	ہندی
کارہائے نمایاں	زندگی نامہ - زندہ رخ
اعزازات
گیان پیٹھ انعام   (2017) ساہتیہ اکادمی فیلوشپ (1996) ساہتیہ اکادمی ایوارڈ   (برائے:زندگی نامہ - زندہ رخ ) (1980)
باب ادب

کرشنا سوبتی (18، فروری 1925ء تا 25، جنوری 2019ء) ایک ہندوستانی خاتون اور ہندی زبان کی اہم افسانہ نگار، مضمون نگار اور مصنفہ تھیں۔ انھوں نے اپنے ناول زندگی نامہ کے لیے 1980ء میں ساہتیہ اکیڈمی اعزاز حاصل کیا اور 1996ء میں اکادمی کا سب سے بڑا اعزاز (ساہتیہ اکادمی فیلوشپ) حاصل کیا۔ ہندوستانی ادب کی خدمت کے سلسلے میں 2017ء میں ان کو گیان پیٹھ انعام سے نوازا گیا۔

سوبتی کا شاہکار ان کا 1966ء میں لکھا گیا ناول مترو ماراجانی ہے۔ ایک شادی شدہ عورت کی جنسی زندگی کی ایسی تصویر کشی ہے جو ایک مہذب کیا غیر مہذب سماج میں ناقابل معافی ہے۔ انھیں 1999ء میں پہلا کاتھا چودامانی حاصل زیست اعزاز برائے ادب ملا۔ اس کے علاوہ انھیں 1981ء میں شیرومنی اعزاز، 1982ء میں ہندی اکیڈمی اعزاز اور شلاکا ہندی اکیڈمی، دہلی اعزاز سے نوازا جا چکا ہے۔ کے کے برلا فاؤنڈیشن کی جانب سے انھیں ان کے ناول سمے سرگم کے لیے ویاس سمان اعزاز کے لیے 2008ء میں منتخب کیا گیا۔

کرشنا سوبتی کو ہندی ادب کی گرانڈے ڈیم (grande dame) بمعنی عظیم خاتون کہا جاتا ہے۔ ان کی ولادت گجرات، پنجاب (پاکستان) میں ہوئی۔ وہ قلمی نام حشمت سے بھی لکھتی ہیں۔ وہ ہم حشمت کے تحت خوب لکھتی ہیں۔ ان کے دیگر ناولوں میں دار سے بچھوری، سروج مکھی اندھیرے کے، یاروں کا یار، زندگی نامہ ہیں۔ ان کے مشہور افسانوں میں نفیسہ، سکہ، بادل گیا، بادلوں کے گھیرے ہیں۔ ان کی تخلیقات کا ایک مجموعہ سوبتی ایکا سوہابتا کے نام سے شائع ہوا ہے۔ ان کی تخلیقات انگریزی اور اردو میں دستیاب ہیں۔

2005ء میں دل و دانش کو ریما آنند اور میناکشی سوامی نے انگریزی میں ہرٹ ہیز اٹس ریزنس کے نام سے ترجمہ کیا اور بھارتی ترجمہ نگاری میں اس کتاب کو کراس ورڈ اعزاز سے نوازا گیا۔ ان کی تخلیقات کا متعدد بھارتی و بیرونی زبانوں میں ترجمہ کیا گیا ہے جیسے سویڈش، روسی اور انگریزی وغیرہ۔

زندگی نامہ

ہند و پاک تقسیم کے بعد پاکستان میں شامل ہونے والے علاقوں میں سے ایک گجرات کا وہ علاقہ بھی ہے جہاں کرشنا سوبتی کی پیدائش ہوئی۔ کرشنا سوبتی کی پیدائش 18، فروری 1925ء کو گجرات میں ہوئی۔ تقسیم کے بعد وہ دار الحکومت دلی منتقل ہو گئی اور وہاں کی شہریت اختیار کر لی۔ دلی میں سکونت پزیر ہونے کے بعد سے مستقل ادب کی خدمت کرتی رہی۔ ان کو ساہتیہ اکادمی کی جانب سے دو اعزاز ملے اور ایک گیان پیٹھ کے اعزاز سے نوازا گیا۔ کرشنا سوبتی کی لکھی ہوئی کہانیوں میں خاص طور پر زندگی نامہ، مترو مرجانی، بادلوں کے گھیرے اور سوبتی ایک صحبت قابل ذکر ہیں۔ 25، جنوری 2019ء کو ایک ذاتی ہسپتال میں طویل علالت کے بعد کرشنا سوبتی کی وفات ہو گئی۔

کہانیوں کی فہرست

• بادلوں کے گھیرے - 1980ء
• ڈار سے بچھڑی - 1958ء
• مترو مرجانی - 1967ء
• یاروں کے یار - 1968ء
• تین پہاڑ - 1968ء
• اے لڑکی - 1991ء
• جینی مہربان سنگھ - 2007ء
• چل چتریہ 2007
• سورج مکھی اندھیرے کے - 1972ء
• زندگی نامہ - 1979ء
• دل و دانش - 1993ء
• سمَی سرگم - 2000ء
• گجرات پاکستان سے گجرات ہندوستان - 2017ء (آپ بیتی)
• وچار- سنواد- سنسمرن
• ہم حشمت (تین جلد)
• سوبتی ایک صحبت
• شبدوں کے آلوک میں
• سوبتی وید سنواد
• مکتی بودھ - 2017ء
• لیکھک کا جنتنتر - 2018ء
• معرفت دلی - 2018ء
• بدھ کا کمنڈل : لداخ