کوپرولو خاندان

کوپرولو خاندان ( ترکی زبان: Köprülü ailesi ) سلطنت عثمانیہ میں البانوی نژاد شریف اور اعلیٰ خاندان تھا۔ اس خاندان نے چھ وزرائے اعظم (بشمول قرہ مصطفی پاشا ، جو سوتیلے بیٹے تھے) مہیا کیے ، متعدد دیگر اعلیٰ عہدے داران بھی اسی خاندان سے تعلق رکھتے تھے۔سلطنت عثمانیہ میں ان کے دورِ وزارتِ عظمیٰ کو کوپرولو دور کہا جاتا ہے۔

اس خاندان کا ایک اور قابل ذکر فرد کوپرولو عبدالله پاشا (1684–1735) تھا جوعثمانی فارسی جنگوں میں سالار تھا ،اس نے سلطنت کے متعدد صوبوں میں والی کی ذمہ داریاں بھی ادا کیں۔ اس خاندان کی موجودہ نسل میں ترکی ادب کے ممتاز مورخ محمد فواد کوپرولو شامل ہیں۔ اس خاندان کے افراد ترکی ، مغرب اور امریکہ میں رہ رہے ہیں ۔

کوپرولو وزرائے اعظم

سلطنت عثمانیہ کی تاریخ کے دوران ، کوپرولو وزرائے اعظم کی وجہ شہرت، ریاست کو متحرک رکھنا تھی جو آہستہ آہستہ زوال و جمود کی علامات ظاہر کرنے لگی ۔ ابتدائی وزراء نے خاص طور پر فوجی مہموں پر توجہ دی جس نے سلطنت کی طاقت کو بڑھایا۔ تاہم ، قرہ مصطفی پاشا کی شروع کردہ ویانا کی تباہ کن جنگ (معاہدہ کارلوفچہ بھی دیکھیں) نے اس خاندان کے زوال پر مہر ثبت کردی۔

کوپرولوکمپلیکس کوریڈور

نام	زندگی	مدت وزارتِ عظمیٰ	سلطان
کوپرولو محمد پاشا	1583–1661	1656–1661	محمدرابع
کوپرولو زاده فضل احمد پاشا	1635–1676	1661–1676	محمد رابع
قرۃ مصطفی پاشا 1	1634–1683	1676–1683	محمدرابع
اباظہ سياوش پاشا ثانی 2	وفات 1688	1687–1688	سلیمان ثانی
کوپرولو زادہ فضل مصطفی پاشا	1637–1691	1689–1691	سلیمان ثانی احمد ثانی
عمجہ زادہ کوپرولو حسین پاشا	1644–1702	1697–1702	مصطفی ثانی
کوپرولو زادہ نعمان پاشا	1670–1719	1710–1711	احمد ثالث

¹ قرۃ مصطفی پاشا کی پرورش کوپرولو خاندان نے کی اور وہ کوپرولو فضل احمد پاشا کے بہنوئی تھے۔

² اباظہ سیاوش پاشا ،محمدکوپرولو پاشا کا خادم تھا۔ ان کی بیٹی سے شادی کر کے سیاوش طاقتور کوپرولو خاندان کا داماد بن گیا۔

• 
  مقبرہ کوپرولو
• 
  کوپرولو مسجد
• 
  کوپرولو کمپلیکس کا صحن