احمد سعید

احمد سعید
معلومات شخصیت
پیدائش	21 نومبر 1942ء   جالندھر ،  برطانوی ہند
وفات	13 جنوری 2021ء (79 سال)  لاہور ،  پاکستان
شہریت	پاکستان
عملی زندگی
مادر علمی	گورنمنٹ کالج یونیورسٹی لاہور جامعہ پنجاب
پیشہ	مورخ ،  پروفیسر
پیشہ ورانہ زبان	اردو
شعبۂ عمل	تحریک پاکستان ،  تاریخ پاکستان ،  تحریک آزادی ہند
ملازمت	اسلامیہ کالج لاہور ،  گورنمنٹ ایم اے او کالج لاہور
اعزازات
تمغائے حسن کارکردگی
باب ادب

پروفیسر احمد سعید (وفات: 21 نومبر 1942ء - 13 جنوری 2021ء) پاکستان سے تعلق رکھنے والے نامور محقق، مورخ، معلم اور مصنف تھے۔ تحریک پاکستان، قائد اعظم محمد علی جناح، مولانا ظفر علی خان اور زمیندار اخبار ان کے خاص موضوعات ہیں۔ وہ تاریخِ تحریک پاکستان پر سند مانے جاتے ہیں۔

حالات زندگی

احمد سعید 21 نومبر 1942ء کو مشرقی پنجاب کے شہر جالندھر میں میں پیدا ہوئے۔ چشتیہ ہائی اسکول لاہور سے 1958ء میں میٹرک، اسلامیہ کالج لاہور سے 1960ء میں ایف اے، گورنمنٹ کالج لاہور سے 1962ء میں بی اے کیا۔ پھر پنجاب یونیورسٹی تاریخ اور سیاسیات میں ایم اے کی ڈگریاں حاصل کیں اور گورنمنٹ ایم اے او کالج لاہور سے بطور لیکچرار وابستہ ہو گئے۔ یہاں 1967ء سے 1988ء تک شعبہ تاریخ کے سربراہ رہے۔ 1989ء سے 1993ء تک اسلامیہ کالج لاہور میں شعبہ تاریخ کے سربراہ رہے۔ 1994ء میں ایم اے او کالج میں واپس آ گئے اور اسی ادارے میں 2002ء میں بطور پروفیسر و صدر شعبہ تاریخ سبکدوش ہوئے۔ انھیں صدارتی تمغا حسن کاردگی بھی دیا گیا۔ تحریک پاکستان، قائد اعظم، مولانا ظفر علی خان اور ان کا اخبار زمیندار ان کے خاص موضوعات ہیں جس پر اب تک دو درجن کتب تحریر کر چکے ہیں۔

تصانیف

اردو

• مسلمانانِ پنجاب کی سماجی اور فلاحی انجمنیں
• مولانا اشرف علی تھانوی اور تحریک آزادی
• بزمِ اشرف کے چراغ
• قائد اعظم اور مسلم پریس
• اقبال اور قائد اعظم
• تاریخ اسلامیہ کالج لاہور
• انجمنِ اسلامیہ امرتسر
• اشاریہ قائد اعظم
• حیات قائد اعظم چند نئے پہلو
• نگارشاتِ حمید نظامی
• نوائے وقت اور تحریکِ آزادی
• دو قومی نظریہ: منہ بولتے حقائق
• نگارشاتِ ظفر علی خان
• اگر پاکستان نہ بنتا
• روزنامہ زمیندار مقالہ ہائے افتتاحیہ و شذرات (6 جلدیں)
• حصولِ پاکستان
• گفتارِ قائد اعظم
• لاہور ایک شہر بے مثال

انگریزی

• The Eastern Times on Quaid-i-Azam
• Writings of Quaid-i-Azam
• Visitors of Quaid-i-Azam
• Muslim India A biographical dictionary
• Quaid-i-Azam Mohammed Ali Jinnah_ A bunch of rare letters

وفات

پروفیسر احمد سعید 13 جنوری 2021ء کو لاہور میں انتقال کر گئے۔