نوسٹرا ڈیمس

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
مچل نوسٹر ڈومس
Nostradamus: انکے بیٹے کیسر کی طرف سے بنائی گئی انکی تصویر
پیدائش 14 یا 21 دسمبر 1503ء
سینٹ ریمی ڈی پرونس, پرونس, فرانس
وفات 2 جولائی 1566 (عمر 62 سال)
سالون دی پرونس, پرونس, فرانس
پیشہ پیشنگوئی, مصنف, مترجم, فلکیات
وجہِ شہرت فالج کے علاج کیلیۓ جانے جاتے تھے
مذہب رومن کیتھولک
دستخط

مچل نوسٹر ڈومس (1503ء-1566ء) ایک معروف فرانسیسی پیشن گوئی کرنے والا تھا انھوں نے لے پروفیٹی (Les Propheties) نامی کتاب لکھی۔ یہ کتاب چار سو سال میں سب سے زیادہ بکنے والی کتاب ہے۔ مچل ڈی نوسٹرا ڈیمس کا تعلق ایک قدیم یورپی یہودی خاندان سے تھا، اس کا دادا بییر ڈی نوسٹرا ڈیمس ایک یہودی تاجر تھا جو علم وتحقیق سے شغف رکھتا تھا، اس کے بیٹوں میں جیک نوسٹرا ڈیمس جو مچل کا باپ تھا نے ایک امیر عیسائی خاتون سے دوسری شادی کرکے عیسائیت قبول کر لی تھی اس وقت مچل کی عمر نو سال تھی۔

انکے مداحوں کے نزدیک وہ سچی پیشن گوئیاں کرتا تھا مثلا شاہ ہنری کی موت کے بعد جس کی نوسٹر ڈومس نے پہلے ہی بڑی تفصیلی پیشین گوئی کردی تھی، ملکہ کیٹرین ڈی میچی کو اس پر غصہ آگیا تھا گویا شاہ اس کی پیشین گوئی کی وجہ سے مرا ہو۔دوسری عالمی جنگ ،نائن الیون، پینٹاگون حملہ ،20 ویں صدی کی سائنسی انقلابات ان تمام واقعات کی کڑیاں انکے پیشگوئیوں سے ملائی گئی ہیں۔

وفات[ترمیم]

یکم جولائی 1566ء میں نوسٹر ڈومس خاموشی سے اس جہانِ فانی سے کوچ کرگیا، اسی رات اس کے طبیب کے پیر میں موچ آگئی چنانچہ وہ نوسٹر ڈومس کو ایک نظر بھی دیکھنے سے محروم رہا حتی کہ اسے دفن کردیا گیا۔

قبر کشائی[ترمیم]

انکی قبر کشائی سے متعلق ایک دلچسپ واقعہ مذکور ہے۔ مئی1791ء فرانسیسی انقلاب کا عروج، جب بڑے بڑے سر کاٹ دیے گئے تھے، اور ظالم حکمران اپنے طبعی انجام کو پہنچا دیے گئے تھے۔ تین چرواہوں کے دماغ پر شراب کا نشہ سر چڑھ کر بول رہا تھا اور ان کی عقل پر حاوی ہوگیا تھا، مگر وہ نہیں جانتے تھے کہ بدقسمتی انہیں دعوت دے رہی تھی، کیونکہ انہوں نے مشہور طبیب اور فلکیات دان مچل ڈی نوسٹرا ڈیمس کی قبر کھودنے کا فیصلہ کرلیا تھا!!

یہ کام اتنا مشکل بھی نہیں تھا، قبر ایک پرانے چرچ کے احاطے میں تھی جس میں لکڑی کا ایک تابوت دھرا تھا جو دو سو سال سے زیادہ عرصہ گزرنے کی وجہ سے گل سڑ چکا تھا۔ نشے میں ان تینوں نے قبر کھودنی شروع کی، جلد ہی گلا سڑا تابوت ان کے سامنے تھا۔ وہ جیت کی خوشی سے چلائے اور تابوت کھولنے لگے، اور اچانک ان کی آواز ان کے حلق میں ہی اٹک گئی اور آنکھیں حیرت سے پھیل گئیں. ہڈیوں کے ڈھانچے کی وجہ سے نہیں بلکہ ڈھانچے کے گلے میں لٹکی ایک تختی کی وجہ سے۔

تختی پر اس دن کی تاریخ درج تھی


سترہ مئی 1791ء


تختی کی پشت پر صاحبِ قبر نے حیران کن تفصیل سے اپنی قبر کھودنے کی پیشین گوئی ایک رباعی کی شکل میں درج کی تھی:

انقلاب کے دو سال بعد اور پانچویں مہینے میں
تین نشئی پرانی قبر کھودیں گے
دو اسی رات مر جائیں گے
اور تیسرا آخر تک پاگل رہے گا

یہ رباعی پڑھ کر تینوں کا نشہ کافور ہوگیا۔ وہ تینوں ڈر کے مارے پیچھے ہٹے اور وہاں سے بھاگنا چاہا مگر انقلابی پولیس نے انہیں بھاگتے ہوئے دیکھ لیا اور ان پر گولی چلا دی جس کے نتیجے میں ان میں سے دو ہلاک ہوگئے اور تیسرا شدتِ خوف سے پاگل ہوگیا.

بیرونی روابط[ترمیم]

٭ مستقبل بین