کیرن آرم سٹرانگ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
کیرن آرم سٹرانگ
پیشہ مصنف
قومیت برطانوی
مادر علمی جامعہ آکسفورڈ
Official website

کیرن آرم سٹرانگ (انگریزی: Karen Armstrong) ایک عالمی شہرت یافتہ مصنفہ ہیں۔ وہ برطانیہ میں ویسٹ مڈلینڈ کے علاقے ووسٹر شائر میں 14 نومبر 1944 کو پیدا ہوئیں۔ وہ سات برس تک کیھتولک نن رہیں۔ اس حوالے سے انہوں نے اپنے تجربے کو “تنگ دروازے میں سے“ (Through The Narrow Gate) کے عنوان سے شائع ہونے والی اپنی معروف و مقبول آب بیتی میں تفصیل سے بیان کیا ہے۔ انہوں نے “ خدا کی تاریخ “ (A History of God) کے نام سے ایک کتاب لکھی جسے عالمی سطح پر شہرت و پذیرائی حاصل ہوئی۔ اس کتاب کی مقبولیت کا اندازہ اس بات سے لگایا جاسکتا ہے کہ دنیا بھر میں اب اس کتاب کے تیرہ سے زیادہ تراجم شائع ہوچکے ہیں۔

کیرن آرم سٹرانگ کی اب تک کی تصانیف کی تعداد اکیس 21 ہے۔ ان معروف کتابوں میں ایک اور معروف کتاب “ یروشلم کی تاریخ “ (History of Jerusalem) ہے۔ جبکہ دو مزید کتابوں “ خدا کے لئے جنگ “ ( The Battle For God) اور “ بدھ“ (BUDDHA) نے بھی شہرت حاصل کی ہے۔ کیرن آرم سٹرانگ کی ایک اور شہرہ آفاق کتاب “ اسلام کی مختصر تاریخ “ ( Islam:A Short History) سن 2000 میں شائع ہوچکی ہے جس کا اردو ترجمہ “ مسلمانوں کا سیاسی عروج و زوال “ کے نام سے احسن بٹ نے کیا ہے۔

کرین آرم سٹرانگ کو لندن کے لیوبیک کالج میں مطالعہ یہودیت کی استاد ہیں۔ مسلم پبلک افئیرز کی جانب سے انہیں 1999 میں میڈیا اعزاز سے نوازا گیا۔ علاوہ ازیں انہوں نے دنیا بھر میں متعدد لیکچرز دیئے ہیں۔