جی ایم درانی

جی ایم درانی
معلومات شخصیت
پیدائش	سنہ 1919ء  پشاور
وفات	8 ستمبر 1988ء (68–69 سال)  ممبئی
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
عملی زندگی
پیشہ	گلو کار،  نغمہ ساز،  اداکار
	IMDB پر صفحات

غلام محمد مصطفٰی درانی یا جی ایم ایم درانی (1919ء - 8 ستمبر 1988ء) ایک بھارتی ریڈیو ڈراما فنکار، پلے بیک گلوکار، اداکار اور موسیقی ڈائریکٹر تھا۔ وہ ریڈیو ڈراما آرٹسٹ اور دہلی اسٹیشن، لاہور اسٹیشن اور بمبئی ایئر ( آکاشوانی ، ریڈیو براڈکاسٹر) کے تمام وقت گلوکار تھے۔ ان کی مادری زبان اگرچہ پشتو تھی مگر اس کی ہندی، پنجابی و اردو پر بھی مضبوط گرفت تھی۔ انھوں نے 1930ء، 1940ء اور 1950ء کی دہائیوں میں اردو، پشتو، پنجابی سمیت بھارت کی کئی فلموں میں گانے گائے۔ 50 کی دہائی کے بعد درانی نے گلوکاری کم کر دی وہ ریڈیو براڈ کاسٹر ذو الفقار علی بخاری کے شاگرد تھے۔ انھوں نے پلے بیک گلوکاری کے ذریعے اپنی شناخت پیدا کرنے کی کوشش کی اور کے ایل سہگل کی گلوکاری کے انداز کو نہیں اپنایا۔ جی ایم درانی کی قرآن خوانی، اداس گانوں، رومانٹک گیت، بھجن، قوالیاں، حب الوطنی پر مبنی گانے قابل ذکر ہیں۔ وہ ان پہلے مسلمان گلوکاروں میں سے ایک تھے جس نے ہندو دیوتاؤں کے بھجن گائے۔ اس موقع پر ایم درانی پنجابی کے سب سے سینئیر گلوکار اور اداکار بھی تھے۔

ابتدائی زندگی

جی ایم درانی 1919ء میں پشاور برطانوی بھارت میں پیدا ہوئے۔ وہ ایک پشتون تھے۔ محمد زئی درانی کے قبیلہ سے تعلق رکھتے تھے۔ وہ ایک قدامت پسند خاندان تھا جہاں چائے تک نہیں پی جاتی تھی اور دودھ، لسی جیسے مشروبات کو ہی منتخب کیا جاتا تھا ۔ جب انھوں نے سنے ہوئے کچھ گانوں کو گایا تو لوگ ان کے بارے میں یہی کہتے کہ اسے بمبئی جانا چاہئیے کیونکہ اس کی آواز بہت اچھی تھی۔ اس کے دماغ میں اداکار بننے کا خیال پیدا ہوا اور وہ گھر بار چھوڑ کر پیسہ کمانے نکل پڑا۔

خاندان

اس کی ماں اس کے بچپن میں ہی گذر گئی تھی۔ جب وہ بڑا ہوا تو اس کا والد اس کی تعلیم و تربیت کے معاملے میں بہت سخت مزاج کا حامل تھا۔ اس کے گھر میں صرف اس کی دادی اس کا ساتھ دیتی تھی لیکن اپنے بیٹے کے غصہ کے سامنے وہ بھی اسے نہیں بچا سکتی تھی۔

شادی

مشہور اداکارہ جیوتی، جس کے ساتھ اس نے گلوکاری کی، اس خوبصورت پٹھان جو شاندار آواز کا مالک بھی تھا، سے بہت متاثر ہوئی۔ اس کا اصل نام ستارہ بیگم تھا۔ وہ اس سے محبت میں مبتلا ہوا اور انھوں نے جلد ہی شادی کر لی۔ جیوتی، وحیدان کی سب سے چھوٹی بہن تھی جس نے علی بابا سمیت کئی فلموں میں کام کیا۔