آئی آئی چندریگر روڈ

آزاد دائرۃ المعارف، ویکیپیڈیا سے
Jump to navigation Jump to search
غروب آفتاب کے وقت آئی آئی چندریگر روڈ کا ایک طائرانہ منظر

ابراہیم اسماعیل چندریگر روڈ یا آئی آئی چندریگر روڈ پاکستان کی "وال اسٹریٹ" سمجھی جاتی ہے۔ یہ شاہراہ کراچی کے قلب میں واقع ہے۔ برطانوی راج کے دوران یہ میکلوڈ روڈ کے نام سے جانی جاتی تھی لیکن آزادی کے بعد اسے پاکستان کے سابق وزیراعظم ابراہیم اسماعیل چندریگر کے نام سے منسوب کر دیا گیا۔

پاکستان کے اکثر مالی اداروں کے صدر دفاتر آئی آئی چندریگر روڈ پر ہی قائم ہیں جن میں اسٹیٹ بینک، حبیب بینک پلازہ، ایم سی بی ٹاور، نیشنل بینک، بینک الفلاح، اسٹینڈرڈ چارٹرڈ بینک اور سٹی بینک وغیرہ شامل ہیں۔

پاکستان کے سب سے زیادہ فروخت ہونے والے اخبار روزنامہ جنگ اور پاکستان کے سب سے بڑے نجی ٹیلی وژن چینل جیو ٹی وی کے علاوہ کئی اہم قومی و مقامی اخبارات اور ٹی وی چینلوں کے دفاتر یہاں قائم ہیں۔

آئی آئی چندریگر روڈ کراچی کی معاشی سرگرمیوں کا مرکز ہے۔ کراچی اسٹاک ایکسچینج اور کراچی کاٹن ایکسچینج سمیت کئی مالی و کاروباری اداروں کے دفاتر بھی یہیں واقع ہیں۔

اس شاہراہ پر کراچی کی کئی خوبصورت قدیم عمارات بھی قائم ہیں، جیسا کہ کراچی ایوان صنعت و تجارت کی عمارت۔

متعلقہ مضامین[ترمیم]