اننت کمار

اننت کمار
مناصب
وزیر ثقافت
برسر عہدہ 13 اکتوبر 1999  – 1 ستمبر 2001
معلومات شخصیت
پیدائش	22 جولا‎ئی 1959ء   بنگلور
وفات	12 نومبر 2018ء (59 سال)  بنگلور
وجہ وفات	پھیپھڑوں کا سرطان
رہائش	کرناٹک
شہریت	بھارت
جماعت	بھارتیہ جنتا پارٹی
عملی زندگی
مادر علمی	کرناٹک یونیورسٹی
پیشہ	سیاست دان

اننت کمار (22 جولائی 1959ء – 12 نومبر 2018ء) بھارتیہ جنتا پارٹی کے سیاست دان تھے۔ اننت مودی کابینہ میں وزیر کھاد و کیمیائی مواد اور وزیر پارلیمانی امور رہے، وہ ان عہدوں پر سنہ 2014ء سے اپنی وفات تک فائز تھے۔ وہ بھارتی پارلیمان کے سنہ 1996ء سے رکن تھے، ان کا حلقہ بنگلور جنوبی تھا۔ سنہ 1998ء سے 1999ء تک اٹل بہاری واجپائی کی کابینہ میں وزیر ہوابازی بھی رہے۔

نجی زندگی

اننت کمار 22 اکتوبر 1959ء کو بنگلور، کرناٹک میں to ایچ۔ این۔ ناراین شاستری اور گیریجا کے ہاں پیدا ہوئے تھے۔ انھوں نے کے کرناٹک یونیورسٹی سے منسلک ایس آرٹس کالج، ہوبلی سے بی اے آرٹس کیا اور بعد ازاں کرناٹک یونیورسٹی ہی سے منسلک جے ایس ایس لا کالج سے ایل ایل بی کی تعلیم حاصل کی۔

سیاست

وہ راشٹریہ سویم سیوک سنگھ میں دلچسپی رکھتے اور اس کے طلبہ گروہ اکھل بھارتیہ ودیارتھی پریشد کے رکن تھے۔ مارشل لا کے دوران وہ اور ہزاروں دوسرے طلبہ کو اندرا گاندھی حکومت نے گرفتار کیا تھا۔

سماجی کام

انھوں نے اپنی بیوی کے ساتھ مل کر ایک غیر منافع بخش سماجی خدمت کی تنظیم، ادمیہ چیتنا فاؤنڈیشن قائم کی، جس کا مقصد سماج کی خدمت کرنا تھا۔ سنہ 1998ء میں یہ تنظیم اننت کمار کی والدہ گیریجا شاستری کی یاد میں شروع کی گئی تھی۔ یہ تنظیم اسکول کے غریب بچوں کو وسط دن کے کھانوں کے پروگرام کے تحت کھانا فراہم کرتی ہے۔ لگ بھگ 2,00,000 لوگوں کو روزانہ کھانا کھلایا جاتا ہے۔

انھوں نے ریاست کرناٹک میں درخت اگانے کا پہلا قدم اٹھایا، وہ چاہتے تھے کہ ایک انسان ایک درخت اگائے۔

وفات

اننت کمار 12 نومبر 2018ء کو 59 سال کی عمر میں وفات پا گئے وہ کافی عرصے سے پھیپھڑوں کے سرطان میں مبتلا تھے۔ انھوں نے سوگواروں میں اپنی بیوی ڈاکٹر تیجسونی اور دو بیٹیاں ایشوریا اور ویجیتا چھوڑیں۔