ثمن اسلم

ثمن اسلم
معلومات شخصیت
پیدائش	20 جولائی جدہ، سعودی عرب
قومیت	پاکستانی
والدین	محمد اسلم، نسرین اسماعیل
عملی زندگی
دور فعالیت	2011 - موجودہ
وجہ شہرت	پاکستان کی پہلی خاتون اور کم عمر ترین ماہر تحریر شناس سعودی عرب کی پہلی غیر ملکی رہائش پذیر تحریر شناس

ثمن اسلم پاکستان سے تعلق رکھنے والی پہلی پاکستانی اور کم عمر خاتون تحریر شناس اور گرافو تھراپسٹ ہیں۔ تحریر شناسی ایک علم ہے اور اس علم میں تحریر کنندہ کی تحریر کا جائزہ لے کر اس کی شخصیت کی خصوصیات کا اندازہ لگایا جاتا ہے۔ تحریر شناسی کی سائنس کو عام طور پر کاذب سائنس کے طور پر تصور کیا جاتا ہے اور یہ علم فرانس میں بڑے پیمانے پر استعمال میں ہے۔

کیریئر

ثمن سعودی عرب میں پیدا ہوئیں اور سعودی عرب میں ہی ان کی پرورش ہوئی ۔ انھیں سعودی عرب میں پہلی غیر ملکی رہائشی تحریر شناس کے طور پر جانا جاتا ہے۔ ثمن اسلم واحد دو لسانی (انگریزی اور عربی زبان) کی تحریر شناس ہیں ۔

ثمن کو اپنے کام کی جگہ پر تحریر شناس سے تعارف حاصل ہوا۔ وہاں ان ان کو ایک قرآنی آیت "'بسم اللہ الرحمن الرحیم" لکھنے کو کہا گیا۔ جب انھوں نے یہ آیت لکھی اور وہ تحریر جب وہاں موجود تحریر شناس ماہرین نے دیکھی تو وہ یہ جان کر حیران رہ گئیں کہ ان ماہرین نے اس تحریر کو پرکھ کر ان کی شخصیت کے کچھ خصائص کو صحیح طور پر بیان کر دیا۔