جامعہ ہزارہ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

جامعہ ہزارہ پاکستان کے صوبہ خیبر پختون خوا میں، ہزارہ ڈویژن کے ضلع مانسہرہ میں ڈھوڈیال کے مقام پر واقع ہے۔ ڈھوڈیال کا قصبہ مانسہرہ شہر سے باہر تقریباً سولہ کلو میٹر شاہراہ قراقرم پر واقع ہے۔ یہ جامعہ میں 2002ء قائم ہوئی۔ اس جامعہ میں سائنس، آرٹس اور ہیلتھ سائنسز کی تین فیکلٹیز ہیں۔
شروعات میں یہاں نہایت قلیل وسائل اور تعمیرات دستیاب تھیں لیکن اب یہاں بڑے پیمانے پر تعمیرات اور سہولیات فراہم کر دی گئی ہیں۔
یہ جامعہ اس لحاظ سے بھی منفرد ہے کہ نامساعد حالات کے باوجود تھوڑے ہی عرصے میں کافی ترقی کی ۔ 2005ء کے زلزلہ کشمیر میں اس جامعہ کو کافی نقصان ہوا لیکن پھر بھی یہاں نئے مواقع پیدا ہوتے رہے۔ شروعات میں اس جامعہ میں انفارمیشن ٹیکنالوجی، مائیکروبیالوجی، کیمسٹری، بائیو کیمسٹری،تعلیم، انگریزی، اسلامیات، ثقافت و سیاحت، صحافت، معاشیات، ہیلتھ و فزیکل ایجوکیشن، فنون لطیفہ، سیاسیات، فزکس، حساب، قانون اور مینجمنٹ سائنسز کے شعبے کام کر رہے تھے۔ اب یہاں کئی نئے شعبے جیسے کہ زولوجی، باٹنی، بائیو انفارمیٹکس، زراعت، فارمیسی وغیرہ کام کر رہے ہیں۔ اس جامعہ میں بیچلر سے لے کر پی ایچ ڈی تک تعلیم کے وسائل اورذرائع دستیاب ہیں۔

اضافی کیمپس[ترمیم]

اس کے علاوہ قلیل عرصہ میں دو نئے کیمپس جو کہ ضلع ایبٹ آباد میں حویلیاں اور ضلع ہری پور میں ہری پور کے مقام پر شروع کیے گئے ہیں۔ لیکن ہری کیمپس کو بعد میں جامعہ ہری پور کا درجہ دے دیا گیا۔جبکہ گارڈن کیمپس حویلیاں کو اب ایبٹ آباد یونیورسٹی آف سائنس و ٹیکنالوجی کا درجہ دیدیا گیا ہے[1]

بیرونی روابط[ترمیم]