ذیابیطس قسم ایک
| ذیابیطس ٹائپ ون | |
|---|---|
| مترادف | ذیابیطس میلٹس قسم 1، انسولین پر منحصر ذیابیطس,[1]نوعمری کی ذیابیطس[2] |
 | |
| ایک نیلے رنگ کا دائرہ، ذیابیطس کی علامت۔[3] | |
| تلفظ | |
| اختصاص | اینڈوکرائن غدود کا علم-اینڈو کرائنولوجی |
| علامات | بار بار پیشاب، پیاس میں اضافہ، بھوک میں اضافہ،وزن میں کمی[4] |
| مضاعفات | ذیابیطس کیٹو ایسڈوسس, غیر کیکٹوٹک ہائپروسمولر کوما, ناقص شفا یابی, دل کی بیماری, آنکھوں کونقصان[2][4][5] |
| عمومی حملہ | نسبتاً کم وقت کی مدت[1] |
| دورانیہ | طویل المدتی[4] |
| وجوہات | جسم کافی مقدار میں انسولین پیدا نہیں کرتا[4] |
| خطرہ عنصر | خاندانی تاریخ، سیلیک بیماری[5][6] |
| تشخیصی طریقہ | بلڈ شوگر، A1C[5][7] |
| تدارک | نامعلوم[4] |
| علاج | انسولین، ذیابیطس کے لئے پرہیزی خوراک، ورزش[1][2] |
| تعدد | ~ 7.5% ذیابیطس کے معاملات[8] |
ٹائپ ون ذیابیطس ( T1D )، جو پہلے نوعمری کے ذیابیطس کے نام سے جانا جاتا تھا،یہ ذیابیطس کی ایک شکل ہے جس میں لبلبہ بہت کم یا بالکل انسولین پیدانہیں کرتا ہے۔ [4] انسولین ایک ہارمون ہے جو جسم کی بلڈ شوگر کو استعمال کرنے کے لیے درکار ہوتا ہے۔ [2] علاج سے پہلے انسولین کی کمی سے جسم میں بلڈ شوگر کی سطح بڑھ جاتی ہے۔ [1] اس کی روایتی علامات میں بار بار پیشاب آنا ، پیاس میں اضافہ ، بھوک میں اضافہ اور وزن میں کمی شامل ہیں۔ [4] اضافی علامات میں دھندلا پن ، تھکاوٹ اور زخم کا ٹھیک نہ ہونا شامل ہو سکتے ہیں۔ [2] علامات عام طور پر تھوڑے عرصے ہی میں پیدا ہو جاتی ہیں۔ [1]
ٹائپ ون ذیابیطس کی وجہ معلوم نہیں ہے، [4] لیکن خیال کیا جاتا ہے کہ اس میں جینیاتی اور ماحولیاتی عوامل کا امتزاج شامل ہے۔ [1] خطرے کے عوامل میں خاندان کے کسی فرد میں ذیابیطس کا ہونا شامل ہے۔ [5] بنیادی میکانزم میں لبلبہ میں انسولین پیدا کرنے والے بیٹا خلیات کی خود کار تباہی شامل ہے۔ [2] ذیابیطس کی تشخیص خون میں شوگر یا گلائیکیٹڈ ہیموگلوبن (HbA1C) کی سطح کو جانچ کر کی جاتی ہے۔ [5] [7] آٹو اینٹی باڈیز کی موجودگی کی جانچ کرکے ٹائپ 1 ذیابیطس کو ٹائپ 2 سے الگ شناخت کیا جا سکتا ہے۔ [5]
ٹائپ ون ذیابیطس سے بچاؤ کا کوئی طریقہ معلوم نہیں کیا جا سکا ہے۔۔ [4] بقا کے لیے انسولین کے ساتھ علاج کی ضرورت ہے۔ [1] انسولین تھراپی عام طور پر صرف جلد کے نیچے انجیکشن کے ذریعہ دی جاتی ہے لیکن یہ انسولین پمپ کے ذریعہ بھی فراہم کی جا سکتی ہے۔ [9] ذیابیطس کی پرہیزی خوراک اور ورزش ذیابیطس کے انتظام کے اہم حصے ہیں۔ [2] اگر باقاعدہ علاج نہ کیا جائے تو ذیابیطس بہت سی پیچیدگیاں کا باعث بن سکتی ہے۔ [4] نسبتاً تیزی سے شروع ہونے والی پیچیدگیوں میں ذیابیطس کیٹو ایسڈوسس اور نان کیٹوٹک ہائپروسمولرکوما شامل ہیں۔ طویل مدتی پیچیدگیوں میں دل کی بیماری ، فالج ، گردے کی خرابی ، پاؤں کے السر اور آنکھوں کو پہنچنے والے نقصان شامل ہیں۔ [4] مزید برآں، انسولین کی ضرورت سے زیادہ خوراک کی وجہ سے کم بلڈ شوگر سے پیچیدگیاں پیدا ہو سکتی ہیں۔ [5]
قسم ایک کے ذیا بیطس یا شوگر کے تمام کیسز کا تخمینہ 5-10فی صدہے۔ [8] عالمی سطح پر متاثر ہونے والے افراد کی تعداد معلوم نہیں ہے، حالانکہ ایک اندازے کے مطابق ہر سال تقریباً 80,000 بچے اس مرض میں مبتلا ہوتے ہیں۔ ریاستہائے متحدہ کے اندر متاثرہ افراد کی تعداد ایک سے تین ملین بتائی جاتی ہے۔ [5] [10] مشرقی ایشیا اور لاطینی امریکہ میں فی 100,000 سالانہ تقریباً 1 نئے کیس اور اسکینڈینیویا اور کویت میں فی 100,000 کے قریب 30 نئے کیسز کے ساتھ بیماری کی شرح وسیع پیمانے پر مختلف ہوتی ہے۔ [11] [12] یہ عام طور پر بچوں اور نوجوان بالغوں میں شروع ہوتا ہے۔ [1]
حوالہ جات:
[ترمیم]- ^ ا ب پ ت ٹ ث ج چ "Causes of Diabetes"۔ NIDDK۔ اگست 2014۔ 10 اگست 2016 کو اصل سے آرکائیو کیا گیا۔ اخذ شدہ بتاریخ 31 جولائی 2016
- ^ ا ب پ ت ٹ ث ج "Types of Diabetes"۔ NIDDK۔ فروری 2014۔ 16 اگست 2016 کو اصل سے آرکائیو کیا گیا۔ اخذ شدہ بتاریخ 31 جولائی 2016
- ↑ "Diabetes Blue Circle Symbol"۔ International Diabetes Federation۔ 17 مارچ 2006۔ 5 اگست 2007 کو اصل سے آرکائیو کیا گیا
- ^ ا ب پ ت ٹ ث ج چ ح خ د "Diabetes Fact sheet N°312"۔ WHO۔ نومبر 2016۔ 26 August 2013 کو اصل سے آرکائیو کیا گیا۔ اخذ شدہ بتاریخ 29 May 2017
- ^ ا ب پ ت ٹ ث ج چ JL Chiang، MS Kirkman، LM Laffel، AL Peters (جولائی 2014)۔ "Type 1 diabetes through the life span: a position statement of the American Diabetes Association"۔ Diabetes Care۔ ج 37 شمارہ 7: 2034–54۔ DOI:10.2337/dc14-1140۔ PMC:5865481۔ PMID:24935775
- ↑ P Elfström، J Sundström، JF Ludvigsson (نومبر 2014)۔ "Systematic review with meta-analysis: associations between coeliac disease and type 1 diabetes"۔ Alimentary Pharmacology & Therapeutics۔ ج 40 شمارہ 10: 1123–32۔ DOI:10.1111/apt.12973۔ PMID:25270960
- ^ ا ب "Diagnosis of Diabetes and Prediabetes"۔ NIDDK۔ مئی 2015۔ 16 اگست 2016 کو اصل سے آرکائیو کیا گیا۔ اخذ شدہ بتاریخ 31 جولائی 2016
- ^ ا ب D Daneman (مارچ 2006)۔ "Type 1 diabetes"۔ Lancet۔ ج 367 شمارہ 9513: 847–58۔ DOI:10.1016/S0140-6736(06)68341-4۔ PMID:16530579
- ↑ "Alternative Devices for Taking Insulin"۔ NIDDK۔ جولائی 2016۔ 2016-08-16 کو اصل سے آرکائیو کیا گیا۔ اخذ شدہ بتاریخ 2016-07-31
- ↑ "Fast Facts Data and Statistics about Diabetes"۔ American Diabetes Association۔ 2015-12-16 کو اصل سے آرکائیو کیا گیا۔ اخذ شدہ بتاریخ 2014-07-25
- ↑ Global report on diabetes (PDF)۔ World Health Organization۔ 2016۔ ص 26–27۔ ISBN:978-92-4-156525-7۔ 7 اکتوبر 2016 کو اصل سے آرکائیو کیا گیا (PDF)۔ اخذ شدہ بتاریخ 31 جولائی 2016
- ↑ Jay Skyler (2012)۔ Atlas of diabetes (4th ایڈیشن)۔ New York: Springer۔ ص 67–68۔ ISBN:978-1-4614-1028-7۔ 8 ستمبر 2017 کو اصل سے آرکائیو کیا گیا