ریحانہ صدیقی

ریحانہ صدیقی
معلومات شخصیت
تاریخ پیدائش	1 فروری 1940ء
وفات	29 جولا‎ئی 2021ء (81 سال)  بلیک برن
عملی زندگی
پیشہ	فلم اداکارہ ،  منچ اداکارہ ،  ادکارہ
	IMDB پر صفحہ

ریحانہ صدیقی (1940ء - 2021ء) ایک پاکستانی اداکارہ تھیں۔ وہ ڈراموں زمین، فساد کی جڑ، تکمیل، مچلے کا سودا، سات بھرائی اور برسوں بعد میں اپنے کرداروں کے لیے جانی جاتی تھیں۔

ابتدائی زندگی

وہ 1940ء میں شملہ، برطانوی ہندوستان میں پیدا ہوئیں اور ان کے والد نذیر احمد ایک سرکاری ملازم تھے۔

عملی زندگی

ریحانہ نے 1962ء میں ریڈیو پاکستان میں کام کرنا شروع کیا اور ریڈیو میں آنے سے پہلے وہ اپنے قلمی نام ریحانہ زیارت سے اخبارات اور رسالوں کے لیے مختصر کہانیاں لکھتی تھیں۔ انھوں نے بطور اداکارہ اپنی عملی زندگی کا آغاز 1964ء میں کیا جب پی ٹی وی کا نیا قیام عمل میں آیا۔ وہ ڈراموں فساد کی جڑ، شمع ہر رنگ میں جلتی ہے، زمین، کچھ تو کہوں، تکمیل اور کالو میں اپنے کرداروں کے لیے مشہور ہوئیں۔ وہ سات بھرائی ، آدھی روٹی ایک لنگوٹی ، تنہا اور گھوڑا گھاس کھاتا ہے ڈراموں میں بھی نظر آئیں۔ وہ لاہور میں تھیٹر اور سٹیج ڈرامے بھی کرتی تھیں۔ انھوں نے اردو اور پنجابی فلموں میں بھی کام کیا اور بہو رانی ، آنچ، ہمدم، آگ تائے خون اور محبت رنگ لائے گی میں بھی کام کیا۔ ریڈیو، ٹیلی ویژن اور فلم انڈسٹری میں ان کی خدمات کے لیے انھیں حکومت پاکستان نے 2009ء میں تمغائے حسن کارکردگی سے نوازا تھا۔

ذاتی زندگی

انھوں نے فلمی اداکار اورنگزیب سے شادی کی لیکن بعد میں دونوں میں طلاق ہو گئی اور انھوں نے اپنی دو بیٹیوں کو سنبھال لیا اور ان کی بڑی بہن طلعت صدیقی بھی اداکارہ تھیں۔ ریحانہ کی بھانجیاں فریحہ پرویز اور عارفہ صدیقی دونوں گلوکارہ ہیں اور ناہید صدیقی مشہور رقاصہ ہیں۔

بیماری اور موت

وہ ایک طویل بیماری میں مبتلا تھیں۔ جس سے وہ 29 جولائی 2021ء کو بلیک برن، برطانیہ میں 81 سال کی عمر میں انتقال کر گئیں۔

بیرونی روابط

• انٹرنیٹ مووی ڈیٹابیس (IMDb) پر ریحانہ صدیقی