ریڈیو پاکستان

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
پاکستان براڈ کاسٹنگ کارپوریشن
قسم ریڈیو نیٹ ورک
ذریعہ برائے بین الاقوامی تعلقات
ذریعہ برائے تعلقات عامہ
مارکہ PBC
ملک پاکستان
دستیابی پاکستان
عالمی سروس
قائم 23 جولائی1927ء
شعار

قُولُوا لِلنَّاسِ حُسْناً

ماخذ قرآن 2:83;
"لوگوں سے اچھاکہو"
صدر دفتر اسلام آباد, پاکستان
رقبہ پاکستان
دنیائے عالم
مالک حکومت پاکستان
کلیدی شخصیات سینیٹر پرویز رشید(وزیر اطلاعات)
محکمہ اطلاعات و نشریات پاکستان
(بورڈ آف گورنرز)
قیام اگست 14, 1947; 67 سال قبل (1947-08-14)
آغاز تاریخ 14 اگست 1947ء
سابقہ نام پاکستان براڈ کاسٹنگ سروس
ڈیجیٹل چینل ایف ایم
اینالاگ چینل اے ایم
تعارفی نشان PBC
باضابطہ ویب سائٹ Official website

ریڈیو پاکستان اسلامی جمہوریہ پاکستان کا قومی و سرکاری ادارہ برائے صوتی نشریات و اطلاعات ہے ۔ اس ادارے کا انتظام و انصرام پاکستان براڈکاسٹنگ ایکٹ 1972 کے تحت ہے ۔ یہ ادارہ اقتصادی ، زرعی ، سماجی ، سیاسی ، مذہبی اور ثقافتی شعبوں میں سماجی موضوعات پر مباحثوں ، ڈراموں ، فیچرز ، دستاویزی پروگرام ، سامعین کی شرکت والے مذاکروں ، عام بات چیت ، موسیقی اور خبروں کے پروگراموں کے ذریعے عوامی خدمات کی سرگرمیاں پیش کرنا ہے۔ بنیادی طور پر ریڈیو پاکستان دراصل قیام پاکستان سے پہلے آل انڈیا ریڈیو کے نام سے موجود تھا ۔ مگر پاکستان کے قیام کے بعد یہ ادارہ ریڈیو پاکستان کے نام سے پیش کیا جانے لگا ۔ آزادی کے بعد ریڈیو پاکستان نے اپنی شناخت پیش کی اور اردو اور بیس علاقائی زبانوں کے رابطے کے ذرائع کے طور پر استعمال سے اور جدید مواصلاتی مہارت کے ذریعے متنوع معلومات کی نشر و اشاعت، پاکستانی قومیت ، اسکے نظام اور ثقافت کے احترام کے جذبات کو فروغ دینے کے قابل ہوا۔

اس وقت ریڈیو پاکستان سے 23 زبانوں میں پروگرام نشر کیے جاتے ہیں ۔

مقاصد[ترمیم]

ریڈیو پاکستان کے پروگرام متنوع نوعیت کے ہیں اور ان کی رسائی پورے ملک تک ہے۔ ریڈیو پاکستان ملک کا سب سے بڑا اور موثر ذریعہ معلومات ہے جس کے باعث اسکیذمہ داری ہے کہ وہ لوگوں کو حکومت کی پالیسیوں سے آگاہ کرے۔ انہیں اندرون ملک اور بیرون ملک ہونے والے واقعات سے باخبر رکھنے ، قومی ترقی میں حائل رکاوٹیں دور کرنے کیلئے سخت محنت کرنے پر آمادہ کرے ، انہیں مسلمان اور پاکستانی کی حیثیت سے ان کی شناخت یاددلائے ، انہیں ہر محاذ پر اپنی خوشیوں اور کامیابیوں میں دوسروں کو شریک کرنے کی دعوت دے ، خواہ وہ کامیابی زراعت کے شعبے کے ذریعے اقتصادی ترقی میں ہو، خواہ وہ کھیلوں ، فنون لطیفہ اور ادب کے میدان میں ہوں، انہیں ماضی پر فخر کرنے کا جذبہ پیدا کرے اور انہیں جدوجہد آزادی اور قومی تاریخ کے درخشاں ابواب سے روشناس کرانے کیلئے کام کرے جو انسانی تخیلات اور تہذیب وتمدن سے متعلق مسلمان دانشوروں ، فلسفیوں اور سائنسدانوں کے عظیم کارناموں سے بھری پڑی ہے۔

فرائض[ترمیم]

پی بی سی ایکٹ میں درج کئے گئے اغراض ومقاصد :

  1. اطلاعات ، تعلیم اور تفریح کے شعبوں میں ایسے پروگرام پیش کرنا جن کے موضوعات میں معیار اور اخلاق کے اعلیٰ درجات کے اعتبار سے مناسب توازن قائم ہو۔
  2. ایسے پروگرام نشر کرنا جن سے ملک میں اسلامی نظریے ، قومی اتحاد اور اسلامی تعلیمات کے مطابق جمہوریت ، آزادی ، مساوات ، روادری اور سماجی انصاف کے اصولوں کو فروغ حاصل ہو۔
  3. مختلف واقعات سے متعلق خبریں حتی الامکان حقیقت پر مبنی ، درست اور غیرجانبدارانہ انداز میں اور پروگراموں سے متعلق عمومی پالیسیوں کے تحت وفاقی حکومت کی ہدایات پر عمل کرتے ہوئے پیش کرنا۔ دوسرے ممالک کیلئے اپنی ایکسٹرنل سروس میں اس نظریے سے پروگرام نشر کرنا کہ ان کے ساتھ دوستانہ تعلقا ت کو فروغ حاصل ہو اور بین الاقوامی امور پر پاکستان کا موقف ان کے درست پس منظر میں اجاگر ہو۔

ذمہ داری[ترمیم]

ریڈیو پاکستان کی بنیادی پالیسی قومی اور بین الاقوامی خبروں اور دوسری عام نشریات کے انتخاب میں ریڈیو کے فنی ماہرین کی رہنمائی کرتی ہے ۔ اس بنیادی مقصد پر مبنی ہے کہ نشر ہونے والا پروگرام حقیقت اور مصدقہ ذرائع پر بنیاد رکھتا ہو، عوام میں اشتعال ، ناراضگی یا باہمی منافرت پیدا کرنے والا نہ ہو، صحافتی اخلاق کے اعلیٰ معیار کے مطابق ہو اور ادارے کیلئے غیرضروری پیچیدگیاں پیدا کرنے کا سبب نہ بنے۔

[1]

پاکستان براڈکاسٹنگ کارپوریشن[ترمیم]

ریڈیو پاکستان کا انتطام و انصرام "پاکستان براڈ کاسٹنگ کارپوریشن (PBC) کے پاس ہے ۔

تاریخ کے آئینے میں[ترمیم]

  • مارچ 1926ء  : انڈین براڈکاسٹنگ کارپوریشن ایک نجی کمپنی کی شکل میں قائم ہوئی۔
  • 23 جولائی1927ء  : انڈین براڈکاسٹنگ کارپوریشن نے بمبئی میں اپنا سٹیشن قائم کیا اور برصغیر پاک وہند میں ایک نشریاتی ادارے کی حیثیت سے کام کا آغاز کیا۔
  • 1928ء  : لاہور میں ایک چھوٹا ٹرانسمیٹنگ سٹیشن قائم ہوا۔
  • اپریل 1930ء  : ادارے کو انڈین سٹیٹ براڈکاسٹنگ سروس کا نام دیا گیا اور اسے حکومت کے براہ راست کنٹرول میں دیدیا گیا۔
  • جنوری 1934ء  : ادارے پر انڈین وائرلیس ٹیلی گرافی ایکٹ 1933 لاگو کیا گیا۔
  • جنوری 1935ء : صوبہ سرحد کی حکومت نے پشاور میں 250 کلوواٹ کا ٹرانسمیٹنگ سٹیشن قائم کیا
  • مارچ 1935ء  : صنعتوں اور محنت کے سرکاری محکمے کے ماتحت آفس آف کنٹرولر آفبراڈکاسٹنگ کے نام سے ایک ادارہ قائم کیا گیا۔
  • اگست 1935ء  : مسٹر لیونل فیلڈن پہلے کنٹرولر آف براڈکاسٹنگ کی حثیت سے تعینات ہوئے۔
  • جنوری 1936ء  : دہلی ریڈیو سٹیشن قائم ہوا۔
  • 9 جولائی1936ء  : سٹیشن ڈائریکٹر دہلی مسٹر اے ایس بخاری کا ڈپٹی کنٹرولر براڈکاسٹنگ کی حیثیت سے تقرر ہوا۔
  • 8 جون 1936ء  : انڈین سٹیٹ براڈکاسٹنگ سروس کا نام تبدیل کر کے آل انڈیا ریڈیو رکھا گیا۔
  • 16 جولائی 1936ء  : پشاور میں ایک سٹیشن کا افتتاح ہوا اور اسے یکم اپریل 1937 کو حکومت نے اپنی تحویل میں لے لیا۔
  • دسمبر 1937ء  : لاہور سٹیشن کا آغاز ہوا۔
  • مارچ 1939ء  : پشاور مرکز ریلے سٹیشن میں تبدیل ہوا۔۔
  • ستمبر 1939ء  : مرکزی طور پر دہلی سے تمام زبانوں میں خبرناموں کی نشریات کا آغاز ہوا ، اسی سال ڈھاکہ میں بھی ایک اسٹیشن قائم ہوا۔
  • 12 نومبر 1939ء : بمبئی ریڈیو سٹیشن سے عید کے دن قائداعظم کی پہلا ریڈیو خطاب نشر ہوا۔
  • 24 اکتوبر 1941ء  : اطلاعات ونشریات کا محکمہ قائم ہوا۔
  • جولائی 1942ء  : پشاور ریڈیو سٹیشن باقاعدہ نشریاتی ادارے میں تبدیل ہوا۔
  • 16 جولائی 1942ء  : ریڈیو سٹیشن پشاور کا باضابطہ افتتاح ہوا۔
  • فروری 1943ء  : کنٹرولر براڈکاسٹنگ کے عہدے کا نام تبدیل کر کے ڈائریکٹر جنرل رکھا گیا۔
  • 3 جون 1947ء  : قائداعظم محمد علی جناح نے آل انڈیا ریڈیو سے اپنا تاریخی خطاب کیا اور برصغیر کے مسلمانوں کیلئے ایک نئی خودمختار مملکت پاکستان کے معرض وجود میں آنے کا اعلان کیا۔
  • 14 اگست 1947ء : پاکستان کے وجود میں آنے کا اعلان نئے ادارے پاکستان براڈکاسٹنگ سروس نے کیا جس کا نام بعد میں تبدیل کر کے ریڈیو پاکستان رکھا گیا اور نشریاتی مراکز اور ٹرانسمیٹرز قائم کئے گئے۔
  • 1948ء : راولپنڈی میں 500 واٹ شارٹ ویو ٹرانسمیٹرکے ریڈیو سٹیشن اور کراچی میں 100 واٹ شارٹ ویو ٹرانسمیٹر کے ساتھ ریڈیو سٹیشنوں کا افتتاح ہوا۔
  • 1949ء : راولپنڈی میں 100 واٹ میڈیم ویو ٹرانسمیٹر کے ریڈیو سٹیشن کا افتتاح ہوا۔
  • 1950ء : کراچی میں نئے براڈکاسٹنگ ہاوس کا افتتاح ہوا۔
  • 1951ء : حیدرآباد میں ایک کلوواٹ میڈیم ویوٹرانسمیٹر کے ریڈیو سٹیشن کا سنگ بنیاد رکھا گیا۔
  • 17 اکتوبر 1956ء : کوئٹہ میں ایک کلوواٹ میڈیم ویو ٹرانسمیٹر کے ریڈیو سٹیشن کا افتتاح ہوا۔
  • 15 اکتوبر 1960ء : ایک کلوواٹ شارٹ ویو ٹرانسمیٹر کے ساتھ راولپنڈی ۔2 سٹیشن اور پشاور میں ریسیونگ سینٹر کا افتتاح ہوا۔۔
  • 1970ء : اسلام آباد میں سٹاف ٹریننگ سکول اور ٹیکنیکل ٹریننگ سکول اور ملتان میں 120 کلوواٹ میڈیم ویو ٹرانسمیٹر کے ساتھ ریڈیو سٹیشن کا افتتاح ہوا۔
  • 1972ء : سابق صدر پاکستان :۔جناب ذوالفقارعلی بھٹو نے 1972ءمیں ریڈیو پاکستان کو ایک آرڈیننس کے تحت کارپوریشن بنایا۔

پی بی سی ہیڈکوارٹرز اسلام آباد کی بلڈنگ کا سنگ بنیاد سابق صدر جناب ذوالفقارعلی بھٹو نے27اپریل 1972ءکورکھا ۔

  • 21 اپریل 1973ء : نئے آئین کی تشکیل اور 1973ءمیں نفاذ کے بعد پارلیمنٹ نے پی بی سی ایکٹ 1973ءمنظور کرلیا

سمندر پار پاکستانیوں کیلئے عالمی سروس کا افتتاح ہوا۔

  • 1974ء : خیرپور میں ایک سوکلوواٹ ٹرانسمیٹر کا سنگ بنیاد رکھا گیا۔
  • 18 اگست 1975ء : بہاولپور میں 10 کلوواٹ میڈیم ویو ٹرانسمیٹر کے ریڈیو سٹیشن کا افتتاح ہوا۔
  • 1977ء : پاکستان براڈکاسٹنگ کارپوریشن کے مرکزی نشریاتی یونٹ اسلام آباد کیلئے ایک ہزار کلوواٹ میڈیم ویو ٹرانسمیٹر کے ساتھ نئے تعمیر شدہ نیشنل براڈکاسٹنگ ہاوس اسلام آباد میں افتتاح ہوا۔
  • 1977ء : گلگت میں 250 واٹ میڈیم ویو ٹرانسمیٹر کے ساتھ ریڈیو سٹیشن کا افتتاح ہوا۔

سکردو میں 250 واٹ میڈیم ویو ٹرانسمیٹر کے ساتھ ریڈیو سٹیشن کا افتتاح ہوا۔

  • 1981ء : تربت میں 250 واٹ میڈیم ویو ٹرانسمیٹر کے ساتھ،

ڈیرہ اسماعیل خان میں 10 کلوواٹ میڈیم ویو ٹرانسمیٹر کے ساتھ ، اور خضدار میں 250 واٹ میڈیم ویو ٹرانسمیٹر کے ریڈیو سٹیشنوں کا افتتاح ہوا۔

  • 15 ستمبر 1982ء : فیصل آباد میں 250 واٹ میڈیم ویو ٹرانسمیٹر کا ریڈیو سٹیشن قائم ہوا۔
  • 7 مئی 1986ء : خیرپور میں نئے براڈکاسٹنگ ہاوس کا افتتاح ہوا۔
  • 1989ء : سبی میں 250 واٹ ٹرانسمیٹر کے ریلے سٹیشن کا افتتاح ہوا۔

ایبٹ آباد میں 250 واٹ ٹرانسمیٹر کے ریلے سٹیشن کا افتتاح ہوا۔

  • اگست 1993ء : چترال میں ایک کلوواٹ ایف ایم ٹرانسمیٹر کے ریڈیو سٹیشن کا افتتاح ہوا۔
  • 1996ء : لورالائی میں 10 کلوواٹ میڈیم ویو ٹرانسمیٹر کے ریڈیو سٹیشن کا سنگ بنیاد رکھا گیا

ژوب میں 10 کلوواٹ میڈیم ویو ٹرانسمیٹر کے ریڈیو سٹیشن کا سنگ بنیاد رکھا گیا۔۔

  • 1997ء : وفاقی وزیر اطلاعات مشاہد حسین سید نے پی بی سی کی خبروں کی کمپیوٹرائزیشن اور خبروں کے بلیٹنز کی متن اور آواز کے ساتھ انٹرنیٹ پر دستیابی کے نظام کو افتتاح کیا۔
  • اکتوبر 1998ء : ریڈیو پاکستان کے ایف ایم کی نشریات کا آغاز ہوا۔
  • 2002ء : صدر جنرل پرویز مشرف نے پی بی سی اسلام آباد میں ایف ایم 101 اسٹیشن کا افتتاح کیا۔
  • 2005ء : گوادر ، میانوالی ، سرگودھا ، کوہاٹ ، بنوں اور مٹھی میں ایف ایم اسٹیشن قائم ہوئے۔
  • 18اگست 2008ء : نیشنل براڈکاسٹنگ سروس کاافتتاح سابق وزیراطلاعات ونشریات شیری رحمان نے 18اگست ء2008کوکیا۔

تاریخی ورثہ[ترمیم]

ریڈیوپاکستان کے پاس اپنے 'آواز خزانے' میں ایک مجموعہ موجودہے۔ جو پاکستان کے 14اگست 1947ءسے ایک آزاد قوم کے طور پر ابھرنے کے آغاز سے لے کراب تک کی کثیرالجہتی تاریخ اور ورثے کی نمائندگی کرتا ہے ۔

اس قومی آواز خزانے میں قائداعظم محمد علی جناح ،قائد ملت لیاقت علی خان،مادر ملت فاطمہ جناح،اور دوسرے قومی رہنماﺅں کی تقاریر شامل ہیں۔ اس کے علاوہ ان دوست ممالک کے سربراہوں کی تقاریر بھی موجود ہیں جو گزشتہ 6 دہائیوں کے دوران اکثر پاکستان آتے جاتے رہے ہیں۔ یہ ثقافتی مجموعہ پاکستانی موسیقی کی گلگت بلتستان ،آزادجموں کشمیر،خیبرپختونخوا،پنجاب ،سندھ اور بلوچستان اور ملک کے مختلف حصوں میں بولی جانے والی زبانوں سے حاصل ہونے والے نادر نمونوں پر مشتمل ہے ۔ ہزاروں ادبی پروگرام ،مشاعرے ،ڈرامے اور دستاویزات بھی محفوظ ہیں ۔

ریڈیو پاکستان اپنے اس مجموعے کو یو ٹیوب چینل جس کانام ‚‚ریڈیو پاکستان آن لائن ،،ہے ، کے ذریعے عوام تک رسائی دیتا ہے ۔ اس چینل کامقصد پاکستان اور اس کے عوام کے بارے میں اصل حقیقت سے روشناس کرانا ہے ،جووادی سندھ ،گندھارا تہذیب اور اسلام کے بردبار اور پرامن ورثے کے نگہبان ہیں

  1. ^ "ریڈیو پاکستان سرکاری ویب سائٹ" (اردو میں). ریڈیو. http://www.radio.gov.pk/Urdu/20۔ اخذ کردہ بتاریخ 5 مارچ 2013.