ذوالفقار علی بھٹو

ذوالفقار علی بھٹو
مناصب
وزیر خارجہ پاکستان
دفتر میں 15 جون 1963  – 31 اگست 1966
محمد علی بوگرہ  شریف الدین پیرزادہ
صدر پاکستان
دفتر میں 20 دسمبر 1971  – 13 اگست 1973
یحییٰ خان  فضل الہی چوہدری
مکلم ایوان زیریں پاکستان
دفتر میں 14 اپریل 1972  – 15 اگست 1972
عبد الجبار خان  فضل الہی چوہدری
وزیر اعظم پاکستان
دفتر میں 14 اگست 1973  – 5 جولا‎ئی 1977
نور الامین  محمد خان جونیجو
معلومات شخصیت
پیدائش	5 جنوری 1928  لاڑکانہ
وفات	4 اپریل 1979 (51 سال)  راولپنڈی
وجۂ وفات	پھانسی
مدفن	مزار قائد عوام
شہریت	پاکستان برطانوی ہند
جماعت	پاکستان پیپلز پارٹی
زوجہ	نصرت بھٹو
اولاد	بینظیر بھٹو،  مرتضیٰ بھٹو،  صنم بھٹو،  شاہنواز بھٹو
والد	شاہ نواز بھٹو
خاندان	بھٹو خاندان
عملی زندگی
مادر علمی	جامعہ جنوبی کیلیفونیا کرائسٹ چرچ جامعہ کیلیفورنیا، برکلے سٹی لا کالج
پیشہ	سیاست دان،  سفارت کار،  وکیل
پیشہ ورانہ زبان	اردو،  انگریزی
الزام
جرم	قتل

ذو الفقار علی بھٹو پاکستان سابق وزیر اعظم لاڑکانہ سندھ میں پیدا ہوئے۔ ان کے والد سر شاہ نواز بھٹو مشیر اعلیٰ حکومت بمبئی اور جوناگڑھ کی مسلم ریاست میں دیوان تھے۔ پاکستان میں آپ کو قائدِعوام‎ یعنی عوام کا رہبر اور بابائے آئینِ پاکستان بھی کہا جاتا ہے۔ آپ پاکستان کی تاریخ کے مقبول ترین وزیر اعظم تھے۔

ذو الفقار علی بھٹو نے 1950 میں برکلے یونیورسٹی کیلیفورنیا سے سیاسیات میں گریجویشن کی۔ 1952ء میں آکسفورڈ یونیورسٹی سے اصول قانون میں ماسٹر کی ڈگری لی۔ اسی سال مڈل ٹمپل لندن سے بیرسٹری کا امتحان پاس کیا۔ پہلے ایشیائی تھے جنھیں انگلستان کی ایک یونیورسٹی ’’ساؤ تھمپئین‘‘ میں بین الاقوامی قانون کا استاد مقرر کیا گیا۔ کچھ عرصہ مسلم لا کالج کراچی میں دستوری قانون کے لیکچرر رہے۔ 1953ء میں سندھ ہائی کورٹ میں وکالت شروع کی۔

1958ء تا 1960ء صدر ایوب خان کی کابینہ میں وزیر تجارت، 1960ء تا 1962ء وزیر اقلیتی امور، قومی تعمیر نو اور اطلاعات، 1962ء تا 1965ء وزیر صنعت و قدرتی وسائل اور امور کشمیر جون 1963ء تا جون 1966ء وزیر خارجہ رہے۔ دسمبر 1967ء میں پاکستان پیپلز پارٹی کی بنیاد رکھی۔ 1970ء کے عام انتخابات میں پیپلز پارٹی نے مغربی پاکستان میں نمایاں کامیابی حاصل کی۔ دسمبر 1971ء میں جنرل یحیٰی خان نے پاکستان کی عنان حکومت مسٹر بھٹو کو سونپ دی۔ وہ دسمبر 1971ء تا 13 اگست 1973 صدر مملکت کے عہدے پر فائز رہے۔ 14 اگست 1973ء کو نئے آئین کے تحت وزیراعظم کا حلف اٹھایا۔

1977ء کے عام انتخابات میں دھاندلیوں کے سبب ملک میں خانہ جنگی کی سی کیفیت پیدا ہو گئی۔ 5 جولائی 1977ء کو جنرل محمد ضیا الحق نے مارشل لا نافذ کر دیا۔ ستمبر 1977ء میں مسٹر بھٹو نواب محمد احمد خاں کے قتل کے الزام میں گرفتار کر لیے گئے۔ 18 مارچ 1978ء کو ہائی کورٹ نے انھیں سزائے موت کا حکم سنایا۔ 6 فروری 1979ء کو سپریم کورٹ نے ہائی کورٹ کے فیصلے کی توثیق کر دی۔ 4 اپریل کو انھیں راولپنڈی جیل میں پھانسی پر لٹکا دیا گیا۔

وراثت اور تاریخی نظر

مزار قائد عوام، لاڑکانہ، پاکستان

ذیڈ اے بھٹو کی وراثت آئین پاکستان ہے۔ پاکستان میں بھٹو کا احترام و اہمیت ویسی ہی رہے گی جیسے بھارت میں جواہر لعل نہرو کی ہے۔ استحکام پاکستان میں بھٹو کی اہمیت ایک تاریخی حیثیت رکھتی ہے اور اس کے سحر سے بچنا ممکن نہیں۔ چئیرمین بھٹو پاکستان ایٹمی طاقت کے معمار ہیں۔

ہنری کیسنگر کی دھمکی

یکم جنوری 1974ء کو ذو الفقار علی بھٹو نے پاکستان کے بینکوں کو نیشنالائز کر لیا جسے عالمی بینکار کنٹرول کرتے تھے۔ عالمی بینکاروں کو للکارنے کی وجہ سے بھٹو کو 4 اپریل 1979ء کو پھانسی کے پھندے پر اپنی جان سے ہاتھ دھونے پڑے۔

"پھر ہم تمہیں ایک دہشتناک مثال بنا دیں گے" ہینری کیسنگر

"Then we will make a horrible example of you!" (Henry Kissinger-1976)

آپ کے متعلق شعرا کی آراء

• فیض احمد فیض نے بھٹو کی پھانسی کے متعلق کہا تھا:

دیا تھا صبح مسرت نے اک چراغ ہمیں
اسی کو تم نے سر شام کھو دیا لوگو

• آغا شورش کاشمیری جناب بھٹو شہید کے بدترین نقادوں میں سے تھے لیکن بھٹو نے جرأت کرتے ہوئے قادیانیوں کو جب غیر مسلم اقلیت قرار دیا تو شورش کاشمیری نے ذو الفقار علی بھٹو کو جنتی قرار دیتے ہوئے کہا تھا:

ناموس مصطفٰی کے نگہہ دار زندہ باد
میر اُمم کے غاثیہ بردار زندہ باد!
نوے برس کا ایک قضیہ کیا ہے طے
بادہ گسار احمد مختار زندہ باد
سرکر لیا ہے ختم نبوت کا معرکہ
زندہ دلان لشکر احرار زندہ بار
جھکتا نہیں ہے پرچم دین ہدیٰ کبھی
رکتی نہیں ہے دین کی للکار زندہ باد
ازبسکہ ذوالفقار علی بے نیام ہے
خنجر ہوا ہے قافلہ سالار زندہ باد
اہل وفا کے دل میں پیمبر کی ہے لگن
اہل وفا کے عشق کی رفتار زندہ باد
برطانوی نژاد نبوت کا ارتحال
نرغے میں آ گئے ہیں سیہ کار زندہ باد
بھٹو کا نام زندہ جاوید ہوگیا
شورش شکست کھا گئے اشرار زندہ باد

• محسن نقوی نے قائدعوام کو خراج عقیدت پیش کرتے ہوئے کہا:

علی کی ذوالفقار تھا، وطن کا افتخار تھا
وہ زندگی کے گلستان میں بے خزاں بہار تھا
وہ راہنمائے مملکت، وطن کا تاجدار تھا
سر عدو کے واسطے وہ تیغ بے نیام تھا
وہ قائد عوام تھا، وہ قائد عوام تھا
وہ ہنس پڑا تو کھل اٹھی کلی کلی، کرن کرن
کہ اس کے دم سے بن گئی گلی گلی چمن چمن
بنا رہا تھا دیس کو ارم ارم، عدن، عدن
وہ شیر دل جوان تھا، وہ مرد نیک نام تھا
وہ قائد عوام تھا، وہ قائد عوام تھا
وہ ولولوں کا تاجور وہ حوصلوں کا ترجماں
وہ دشمنوں کے واسطے تھا اک برق بے اناں
وہ منزلوں کی جستجو میں ہر گھڑی رواں دواں
کہ اس کے فکر آہنی کی زد میں صبح و شام تھا
وہ قائد عوام تھا، وہ قائد عوام تھا
جگر میں درد قوم کا نظر میں مسکراہٹیں
وہ سن رہا ہے روح زندگی کی سرسراہٹیں
وہ گن رہا ہے وقت کے ہر وقت کی آہٹیں
کہ اس کے دل میں قوم کا عجیب احترام تھا
وہ قائد عوام تھا، وہ قائد عوام تھا

بھٹو کیس ری ٹرائل

بھٹو کی پھانسی کے 32 سال بعد پی پی پی کے شریک چئیرمین آصف علی زرداری کے ریفرنس پر سپریم کورٹ نے کیس کی سماعت شروع کرتے ہوئے لارجر بینج تشکیل دینے کا حکم دیا ہے۔

منسوب ادارے

• قائد عوام یونیورسٹی آف انجینئرنگ ،سائنس اینڈ ٹیکنالوجی
• شہید ذوالفقار علی بھٹو انسٹی ٹیوٹ آف سائنس اینڈ ٹیکنالوجی
• جامعہ شہید ذوالفقار علی بھٹو برائے طب

بیرونی روابط

• کم از کم وعدہ تو کیا
• بھٹو کی پھانسی کی سزا نہیں بنتی تھی
• فوج کے ذہن پر اب بھی بھٹو کا خوف؟
• بھٹو ضیا کے پہلے قیدی تھے
• ’بغدادی انصاف‘ اور بھٹو
• تضادات سے بھرا انسان
• ہیرو اور اینٹی ہیرو
• سائیں بابا کا مزار
• یاالہی مرگِ یوسف کی خبر سچی نہ ہو
• بھٹو پھانسی پر صدارتی ریفرنس

حوالہ جات

سیاسی عہدے
ماقبل  محمد علی بوگرہ	وزیر خارجہ پاکستان 1963–1966	مابعد  شریف الدین پیرزادہ
ماقبل  یحیٰی خان	صدر پاکستان 1971–1973	مابعد  فضل الٰہی چوہدری
ماقبل  یحیٰی خان	وزیر خارجہ پاکستان 1971–1977	مابعد  عزیز احمد
ماقبل  یحیٰی خان	وزیر دفاع پاکستان 1971–1977	مابعد  محمد ضیاء الحق
ماقبل  سردار عبدالرشید خان	وزیر داخلہ پاکستان 1971–1972	مابعد  عبد القیوم خان
ماقبل  عبدالجبار خان	سپیکر قومی اسمبلی 1972–1973	مابعد  فضل الٰہی چوہدری
ماقبل  نورالامین	وزیراعظم پاکستان 1973–1977	مابعد  محمد خان جونیجو
ماقبل  عبد القیوم خان	وزیر داخلہ پاکستان 1977	مابعد  انعام الحق خان
سیاسی جماعتوں کے عہدے
ماقبل  نیا عہدہ تخلیق ہوا	چئیرمین پاکستان پیپلز پارٹی 1967–1979	مابعد  نصرت بھٹو