رحیم الدین خان

رحیم الدین خان
مناصب
گورنر بلوچستان (7 )
برسر عہدہ 18 ستمبر 1978  – 12 مارچ 1984
چیئرمین مشترکہ رؤسائے عملہ کمیٹی
برسر عہدہ 22 مارچ 1984  – 29 مارچ 1987
گورنر سندھ (16 )
برسر عہدہ 24 جون 1988  – 12 ستمبر 1988
اشرف ڈبلیو تابانی  قدیر الدین احمد
معلومات شخصیت
پیدائش	21 جولا‎ئی 1926  قائم گنج
وفات	22 اگست 2022 (96 سال)  لاہور
شہریت	برطانوی ہند (1926–1947) پاکستان (1947–2022)
عملی زندگی
مادر علمی	جامعہ ملیہ اسلامیہ ریاستہائے متحدہ آرمی کمانڈ اینڈ جنرل اسٹاف کالج پاکستان ملٹری اکیڈمی
پیشہ	سیاست دان،  فوجی افسر
مادری زبان	اردو
پیشہ ورانہ زبان	اردو
عسکری خدمات
عہدہ	جرنیل
لڑائیاں اور جنگیں	پاک بھارت جنگ 1971ء،  بلوچستان تصادم،  افغانستان میں سوویت جنگ
اعزازات
نشان امتیاز   ہلال امتیاز   ستارہ بسالت

رحیم الدین خان آفریدی پاکستانی فوج کے ایک ریٹائرڈ جنرل ہیں آپ 21 جولائی 1926ء کو پیدا ہوئے۔ وہ 20 ستمبر 1978ء سے 22 مارچ 1984ء تک بلوچستان کے اور24 جون 1988ء سے 11 ستمبر 1988ء تک سندھ کے گورنر بھی رہ چکے تھے، 22 اگست 2022ء کو وفات پائی ،

رحیم الدین پاکستان کے پہلے کیڈٹ تھے جو فوج میں اعلیٰ ترین منصب تک پہنچے۔

پیدائش

21 جولائی 1926ء کو قائم گنج اترپردیش میں پیدا ہوئے۔

تعلیم

انہوں نے دہلی کے جامعہ ملیہ اسلامیہ کالج سے حاصل کی جس کی بنیاد ان کے چچا بھارت کے سابق صدر ذاکر حسین نے تقسیم برصغیر سے قبل رکھتی تھی۔

قیام پاکستان کے بعد پاکستان ملٹری اکیڈیم (پی یو اے) ابتدائی مراحل میں تھی جہاں جنرل (ر) رحیم الدیٰ کو اس کا پہلا کیڈٹ بننے کا اعزاز حاصل ہوا۔

فوجی خدمات

انہوں نے بلوچ رجمنٹ کے انفنٹری آفیسر کی حیثیت سے پاک فوج میں کمیشن حاصل کیا۔ انہوں نے ایک کیپٹن کی حیثیت سے لاہور کے ہنگاموں کو کچلنے کے لئے ملٹری ایکشن میں حصہ لیا۔ انہوں نے مجلس احرار کے رہنماء مولانا عبدالستار نیازی کو گرفتار کیا رحیم الدین خان نے مسجد وزیر خان کے محاصرے کے لئے جنرل حیاء الدین کے احکامات ماننے سے انکار کیا۔

گورنر بلوچستان

وہ 1978ء سے 1984ء تک طویل ترین گورنر بلوچستان رہے انہوں نے بلوچستان میں عام معافی کا اعلان کر کے صوبے میں فوجی آپریشن بند کئے۔ فراری باغیوں کے پاس جا کر متاثرین کے لئے معاوضوں کا اعلان کیا اور 1980 تک بغاوت کو کچلنے میں جنرل رحیم کامیاب ہوگئے ۔

انہوں نے کوئٹہ اور دیگر بلوچستان کے شہروں اور قصبوں کے لئے قدرتی گیس کی فراہمی کو یقینی بنایا مرکزی مزاحمت ہونے کے باوجود بلوچستان کی تاریخ میں ایسا پہلی بار ہوا ۔وہ چاغی میں ایٹمی تجربات کے لئے سائنس کی تعمیر کی نگرانی کرتے رہے۔جہاں 1998ء میں نواز شریف حکومت کے دور میں ایٹمی تجربات کئے گئے اور پاکستان ایٹمی طاقت کاحامل پہلا اسلامی ملک بن گیا جنرل رحیم الدین مرحوم کو فوج میں احترام کی نگاہ سے دیکھا جاتا ہے ۔وہ ملک کے چوتھے چیئرمین جائنٹ چیف آف اسٹاف کمیٹی رہے ۔

وہ فوجی افسران کی ملازمتوں میں توسیع کے شدید مخالف تھے ۔انہوں نے خود جنرل ضیاالحق کی جانب سے اپنی مدت ملازمت میں ایک سال کی توسیع ٹھکرادی تھی ۔09۔1987 میں ریٹائر ہوگئے ۔جس پر جنرل کے ایم عارف کو وائس چیف آف اسٹاف کی حیثیت سے توسیع دی گئی ۔لیکن ایک سال کے اندر ہی وہ جنرل ضیاء الحق اور وزیراعظم محمد خان جونیجو میں بڑھتی خلیج کی نذر ہوگئے ۔

گورنر سندھ

جنرل رحیم الدین 1988ء میں سندھ کے سویلین گورنر بھی رہے ۔جب مختصر عرصہ کے لئے گورنر راج لگایا گیا تھا انہوں نے جرائم پیشہ طور لینڈ مافیا کے خلاف کریک ڈاؤن کیا مرکز کو ایم کیو ایم کی حمایت سےروکا جب اس وقت کے صدر غلام اسحاق خان سندھ میں وزارت اعلیٰ کو بحال کرنا چاہا تو جنرل رحیم گورنر کےعہدے سے مستعفی ہوگئے ۔

سبکدوشی

راولپنڈی میں اپنی ریٹائرمنٹ کے دنوں میں انہوں نے آرمی چیف کے لیے جنرل آصف نواز اور جنرل عبد الوحید کاکڑ کی حمایت کی ۔ وہ اپنے چالیس سالہ پیشہ ورانہ کیرئیر میں اپنی دیانت داری سے نام کمایا۔

وفات

22 اگست 2022ء کو وفات پا گئے ، کیولری گراؤنڈ قبرستان (لاہور) میں 23 اگست 2022ء کو تدفین کی گئی،