سات مہلک گناہ

سات مہلک گناہ (انگریزی: Seven deadly sins) رومی کیتھولک الہیات کے مطابق وہ سات عیب یا کردار کی منفی خصوصیات ہیں جن کی طرف اگر دھیان نہ دیا جائے تو وہ دوسرے بڑے گناہوں کی آماج گاہ بنتے ہیں اور پھر بالآخر وہ سب مل کر اُس شخص کی رُوحانی ہلاکت کا سبب بنتے ہیں۔

وہ سات مہلک گناہ میں تکبر یا غرور، حسد، بسیار خوری، شہوت، غصہ، لالچ اور کاہلی ہیں۔ یہ فہرست سب سے پہلے چھٹی صدی عیسوی میں پوپ گریگوریِ اعظم نے ترتیب دی تھی۔ بعد میں تھامس ایکوینس نے اِس فہرست میں بیان کردہ تصورات کی تشریح پیش کی تھی۔ چودھویں صدی عیسوی میں اطالوی شاعر دانتے نے Inferno کے عنوان سے اپنی شہرہ آفاق نظم بھی لکھی تھی جس کے اندر اُس نے رومی کاتھولک علم الہیات کے مطابق رُوحوں کے پاک کیے جانے کے مقام کو ایسے بیان کیا تھا جیسے اُس کے سات چبوترے ہوں جن میں سے ہر ایک چبوترے کا تعلق سات مہلک گناہوں کے ساتھ ہے۔