شردھا آریا

شردھا آریا
معلومات شخصیت
پیدائش	17 اگست 1987 (36 سال)  نئی دہلی
شہریت	بھارت
عملی زندگی
مادر علمی	ممبئی یونیورسٹی
پیشہ	ادکارہ،  ٹیلی ویژن اداکارہ
پیشہ ورانہ زبان	ہندی
	IMDB پر صفحہ

شردھا آریا

شردھا آریا ایک ہندوستانی اداکارہ ہیں جو 17 اگست 1987ء کو پیدا ہوئیں۔ وہ ڈریم گرل ، تمہاری پاکھی ، میں لکشمی تیرے آنگن کی ڈرامہ سیریل میں کام کر چکی ہیں ۔ انہوں نے نیشبد اور پاٹھ شالا نامی فلموں میں بھی کام کیا ہے، چند بڑے برانڈز کی اشتہاری مہم میں بھی حصہ لیا ہے جن میں ٹی وی ایس سکوٹی ، پیئرز ، جانسن اینڈ جانسن شامل ہیں۔ 2017ء سے وہ زی ٹی وی کے ٹی وی ڈرامے کنڈلی بھاگیا میں ڈاکٹر پریتا اروڑا کا کردار ادا کر رہی ہیں۔

ابتدائی زندگی

شردھا آریا 17 اگست 1987ء کو نئی دلی ، پندوستانی میں پیدا ہوئیں۔انہوں نے ممبئی یونیورسٹی سے اقتصادیات میں ڈگری حاصل کر رکھی ہے۔ 2005ء میں وہ مستقل طور پر ممبئی آ گئی تاکہ شوبز کی دنیا میں اپنا کیریئر بنا سکیں ۔

پروفیشنل زندگی

آریا نے اپنے کیریئر کا آغاز زی ٹی وی ٹیلنٹ ہنٹ شو "انڈیاز بیسٹ سنے سٹارز کی کھوج" سے کیا ، وہ شو کی پہلی رنر اپ قرار پائیں۔ انہوں نے اداکاری کا آغاز تامل فلم "کلوانن کڈھالی" سے کیا جس میں ان کے مقابل اداکار ہدایت کار ایس جے سوریا تھے۔ اس کے بعد انہوں بالی ووڈ میں اپنی پہلی فلم رام گوپال کے ساتھ کی جس کا نام نیشبد ہے۔ وہ مشہور بالی ووڈ اداکر شاہد کپور کی فلم پاٹھ شالا میں بھی جلوہ گر ہوئیں۔ تامل اور ہندی فلموں کے ساتھ ساتھ وہ تیلگو اور کناڈا اور ملیالم فلمیں بھی کر چکیں ہیں۔ تیلگو فلموں میں گوڈاوا ، کوٹھی مکا، رومیو شامل ہیں۔

شہرت کا آغاز

2011ء میں آریا نے ٹی وی سوپ سیریل "میں لکشمی تیرے آنگن کی" سے اپنے ٹی وی کیریئر کا آغاز کیا۔ لائف اوکے تمہاری پاکھی میں انہوں نے پاکھی کا رول کیا اور یہی عمدہ اداکاری ان کی پہچان بن گئی۔ اس کے بعد ان کی شہرت میں مزید اضافہ عائشہ کے رول سے ہوا جو انہوں نے "ڈریم گرل - اک لڑکی دیوانی سی" میں ادا کیا۔ ڈریم گرل اور پاکھی کی پرفارمنس پر انہیں متعدد ایوارڈز سے بھی نوازا گیا جس میں منفی کردار میں بہترین اداکارہ کا انڈین ٹیلی ایوار ڈریم گرل کے لیے، زی گولڈ ایوارڈز میں بہترین جوڑی ایوارڈ، لائف اوکے کی طرف سے ہیرو آف دا منتھ ایوارڈ اور وومن ایچیور ایوارڈ 2016ء شامل ہیں ۔ 2016ء میں آریا نے ایکتا کپور اور شوبھا کپور کے بنائے ہوئے کامیڈی شو "مذاق مذاق میں" کی میزبانی کے فرائض سرانجام دیے۔