صارف:Aliya Furrukh/Anxiety disorder

بے چینی /اضطراب کا عارضہ (انزائیٹی ڈس آرڈر)
چیخ (نارویجن: Skrik ) نارویجن آرٹسٹ ایڈورڈ منچ کی ایک پینٹنگ
تخصص	نفسیات, کلینیکل نفسیات
علامات	پریشانی, دل کی تیز دھڑکن, لرزش
طبی پیچیدگیاں	میجرڈپریسیو ڈس آرڈر سونے میں دشواری, زندگی کا ناقص معیار , خودکشی
عمومی ہدف	15–35 سال کی عمر
دورانیہ	> 6 مہینے
سبب	جنیاتی اور ماحولیاتی عوامل
قابل تشویش	بچپن میں بدسلوکی, خاندانی ہسٹری, غربت
تشخیصی طریقہ	نفسیاتی تشخیص نفسیاتی جانچ
تفریقی تشخیص	ہائپرتھائیرائیڈزم; دل کا عارضہ; کیفین, الکحل, بھنگ (منشیات) کا استعمال; ؛ بعض منشیات سے دستبرداری
معالجی تدابیر	،طرز زندگی میں تبدیلیاں مشاورت, ادویات
علاج	اینٹی ڈپریسنٹس, دافع اضطراب , بیٹا بلاکرز
تعدد	12% سالانہ

بے چینی /اضطراب کا عارضہ ، ذہنی عوارض کا ایک گروپ ہےجن کی خصوصیت اضطراب اور خوف کے اہم حساسات سے ہوتی ہے۔ پبے چینی مستقبل کے واقعات کے بارے میں تشویش ، جبکہ خوف واقعات کا ردعمل ہے۔ یہ احساسات جسمانی علامات میں ظاہر ہو سکتے ہیں، جیسے دل کی دھڑکن میں اضافہ اور لرزش۔ اضطراب کے کئی اقسام ہیں، جن میں عمومی اضطراب ، مخصوص فوبیا ، سماجی اضطراب ، علیحدگی کا اضطراب ، کھلے مقامات میں جانے کا ڈرا ، گھبراہٹ ، اور منتخب گونگا پن شامل ہیں۔ ہر عارضہ کے نتیجے میں مختلف علامات ظاہر ہوتی ہیں۔ ایک فرد میں ایک سے زیادہ اضطرابی خرابی ہوسکتی ہے۔

جینیاتی اور ماحولیاتی عوامل کے امتزاج کو اضطراب کے عارضہ کی وجہ سمجھا جاتا ہے- دیگر امکانات میں  بچپن میں بدسلوکی،  ذہنی امراض کی خاندانی ہسٹری اور غربت شامل ہیں۔ اضطراب کی خرابی اکثر دیگر ذہنی امراض کے باعث بھی ہوتی ہے، خاص طور پر میجرڈپریشن ، پرسنالٹی ڈس آرڈر ، اور منشیات کا استعمال - تشخیص ہونے کے لیے، علامات کا کم از کم 6 ماہ تک موجود رہنا ضروری ہوتا ہے، جو کسی صورت حال کا اندازہ لگانے کے لئے کافی ہوتاہے،یہ عرصہ کسی شخص کی روزمر ہ کے کام کرنے کی صلاحیت کو کم کرسکتاہے۔ دیگر مسائل جن کے نتیجے میں ملتی جلتی علامات پیدا ہو سکتی ہیں ان میں ہائپر تھائیرائیڈزم دل کی بیماری؛ کیفین، الکحل، یا بھنگ کا استعمال؛ اور بعض ادویات سے دستبرداری شامل ہیں۔، اضطراب کےعارضہ کے باعث ہونے والا پریشانی اور خوف معمول کے خوف سے مختلف ہوتے ہیں،اضطراب کے باعث یہ بہت زیادہ یا مستقل بنیاد پر ہوتے ہیں۔

علاج کے بغیر، اضطراب کا عارضہ ختم نہیں ہوتا ۔ علاج میں طرز زندگی میں تبدیلیاں، مشاورت ، اور ادویات شامل ہو سکتی ہیں۔ کوگنیٹیو بی ہیورئل تھراپی اضطراب کے عارضہ کے علاج میں استعمال ہونے والی سب سے عام مشاورتی تکنیکوں میں سے ایک ہے۔ ادویات، جیسے اینٹی ڈپریسنٹس ، بینزوڈیازپائنز ، یا بیٹا بلاکرز ، علامات کو بہتر بنا سکتے ہیں۔

ایک سال میں تقریبا 12 فیصد لوگ اضطراب کی خرابی سے متاثر ہوتے ہیں تقریبا 5سے 30فیصد زندگی بھر متاثر رہتے ہیں۔ یہ شرح عورتوں میں مردوں کے مقابلے میں تقریباً دوگنی ہوتی ہے ، اس کی علامات عموماً 25 سال کی عمر سے پہلے شروع ہوتی ہیں عام طور پر کچھ مخصوص فوبیا ہیں، جو تقریباً 12 فیصد کو متاثر کرتے ہیں، مثلاسماجی اضطراب کی خرابی، جو 10 فیصد افراد کو متاثر کرتی ہے۔

فوبیا بنیادی طور پر 15 سے 35 سال کی عمر کے لوگوں کو متاثر کرتےہیں، اور 55 سال کی عمر کے بعد کم عام ہو جاتےہیں ۔^[1] دنیا کے دیگر حصوں کے مقابلے میں امریکہ اور یورپ میں یہ شرحیں زیادہ دکھائی دیتی ہیں-^[1]