لیلی واسطی

لیلی واسطی
معلومات شخصیت
پیدائش	3 جون 1977ء (47 سال)
عملی زندگی
پیشہ	ادکارہ
	IMDB پر صفحہ

لیلی واسطی ایک پاکستانی اداکارہ اور ہدایت کارہ ہیں۔ وہ قربان، دل ربا، دلدل، ہم کہاں کے سچے تھے، سن یارا اور ڈنک میں اپنے کرداروں کے لیے جانی جاتی ہیں۔

پیدائش

لیلیٰ 10 اپریل 1977ء کو کراچی، پاکستان میں پیدا ہوئیں۔ لیلیٰ کی والدہ طاہرہ واسطی اور والد رضوان واسطی بھی اداکار تھے۔

تعلیم

انھوں نے اپنی تعلیم سینٹ جوزف کانونٹ سے مکمل کی، انھوں نے انگریزی ادب کے ساتھ گریجویشن کیا۔ پھر وہ بیرون ملک امریکا چلی گئیں۔ انھوں نے لاس اینجلس میں جامعہ کیلیفورنیا سے تعلیم حاصل کی، انھوں نے فلم میکنگ میں ماسٹرز کیا۔

فنی زندگی

لیلیٰ نے 1990ء کی دہائی میں پی ٹی وی پر اداکاری کا آغاز کیا۔ وہ ڈراموں سفر، پُکار، سائبان، آپریشن دوارکا 1965ء، ہیر وارث شاہ اور آخرت، بادلوں پر بسیرا میں اپنے کرداروں کے لیے مشہور تھیں۔ وہ جنید خان، حرا مانی، زرنش خان، قدرت، منال خان اور ژالے سرحدی کے ساتھ سن یارا ڈرامے میں بھی نظر آئیں۔ اس کے بعد سے وہ سنگر، قربان، تیری میری کہانی، بھرم، دلدل اور ڈنک ڈراموں میں نظر آئیں۔

بیماری کے بعد، وہ ڈرموں میں دوبارہ دس سال بعد دو مقبول پاکستانی ڈراموں ہم کہاں کے سچے تھے میں اداکارہ ماہرہ خانکی والدہ جب کہ ڈراما عشق لا میں اداکارہ سجل علی کی والدہ کے کرداروں میں نظر آہیں۔ دونوں ڈراموں کے نشر ہونے کے بعد انھیں سوشل میڈیا پر ناظرین اور مداحوں کی جانب سے بڑا اچھا رد عمل ملا۔

ذاتی زندگی

لیلیٰ اور فہد کی شادی 27 دسمبر 2008ء کو ہوئی تھی۔ ان کا ایک بچہ ہے۔ ان کی شادی کے کچھ عرصے بعد انھیں لیوکیمیا کی تشخیص ہوئی۔ 6-7 سال تک تکلیف دہ علاج کے بعد، وہ بالآخر کینسر سے بچ گئیں۔ لیلیٰ کے والد رضوان واسطی کا 2011ء میں اور والدہ طاہرہ واسطی کا 2012ء میں انتقال ہو گیا تھا ان کے دو بڑے بھائی ریحان واسطی اور عدنان واسطی ہیں۔ لیلیٰ کی کزن ماریہ واسطی بھی اداکارہ ہیں۔

اپنے ایک انٹرویو میں انھوں نے کہا کہ، وہ اداکارہ نہیں بلکہ استانی بننا چاہتی تھیں۔ ان کا کہنا تھا کہ میں نے چند ماہ پڑھایا بھی لیکن شاید چاک کی دھول بہت زیادہ تھی اس لیے مجھے یہ پیشہ زیادہ پسند نہیں آیا۔

فلموگرافی

ٹیلی فلم

سال	عنوان	کردار
1996ء	آپریشن دوارکا 1965ء	مس ارم
2002ء	کچھ بھی نہ کہا	عابدہ
2019ء	دستک	رومانہ
2019ء	سے ملیے میں	فیہا
2021ء	ہینگور ایس-131	سمیرا کی ماں

فلم

سال	عنوان	کردار	نوٹس
2021ء	کھیل کھیل میں	زارا کی ماں	پہلی فلم
ٹی بی اے	سینٹی اور مینٹل	ٹی بی اے	غیر جاری کردہ

اعزاز اور نامزدگی

سال	اعزاز	قسم	نتیجہ	عنوان	حوالہ
2017ء	سوشل میڈیا ڈراما اعزازات	بہترین معاون اداکارہ	نامزد	التجا